Muhammad Dafiq Saib <[EMAIL PROTECTED]> wrote: Assalaamu'alaikum wa rahmatullaahi wa barakaatuhu
Mandatangi undangan baralek alah ado sajak saisuak, baiak di kampuang maupun di kota. Di kampuang-kampuang dulu undanganko disampai-an jo mambao / maantaan siriah dikalangan urang padusi, manjalehan pabilo alek tu kadiadoan, alek apo nan dimukasuik (alek parnikahan, alek katam kaji, alek mangaqiqah-an anak, alek manaiak-i rumah). Di lua acara adaik saumpamo katiko aleh nikah, urang nan diundang 'buliah' datang bilo sajo. Datang baralek pabilo wakatu sajoko biasono disabuik 'pai makan'. Sainggono alek di kampuang saisuak tu baunyai-unyai, baari-ari. Kok nyampang alektu alek parnikahan, kadang-kadang, lah pai anak daro dibaono marantau dek marapulai, urang datang juo lai baru, pai makan ko. Kalau nan datangno alah takudianko bana, tantu tapaso manantian urang batanak jo manggulai baliak dulu mangko ka dapek makan. Assalamu alaikum sanak Lembang jo saluruah anggota palanta kasadonyo. Mambaco tulisan sanak,takana maso ketek2 pai karumah rang baralek dulu, ado nan mambuek galak indak kurang pulo nan maarang payah katagak, mungkin dek isi tangki panuah bana atau dek baselo lamo bana, katagak kaki kapiradan tagak taoyong rabah taanyak kaateh jamba, bacilutu ikua jo kuah randang, nan duduak lah kanai kapacaknyo ado nan kanai dibaju ado pulo nan talompek lauak sakarek kateh kapalo baitu juo dimuko, tapi nan sadiah bana kanai kamato, onde mak oi.. padiahnyo payah nak dibaco, kok aia basuah lah balado pulo aia minum bakopi pulo, sapu tangan lupolo mambao. Nan indak kanai, pansan dek galak, nan kanai gilo maapuih, nan taanyak sansai dek malu. Sakitudulu komentar ambo. Gani47 Send instant messages to your online friends http://uk.messenger.yahoo.com -------------------------------------------------------------- Website: http://www.rantaunet.org ========================================================= * Berhenti (unsubscribe), berhenti sementara (nomail) dan konfigurasi keanggotaan, silahkan ke: http://rantaunet.org/palanta-setting * Posting dan membaca email lewat web di http://groups.yahoo.com/group/RantauNet/messages dengan tetap harus terdaftar di sini. -------------------------------------------------------------- UNTUK DIPERHATIKAN: - Hapus footer dan bagian yang tidak perlu, jika melakukan Reply - Besar posting maksimum 100 KB - Mengirim attachment ditolak oleh sistem =========================================================