Tolong dibaca aturan di footer dibawah --------------------------------------
Waalaikum salam,wr,wb. Dunsanak ambo Gani Usop, nak sato lo ambo ciek, iko pengalaman ambo sewaktu ka Malaysia dulu duo tahun nan talapeh sewaktu SAS ber RAPIM di Kuala Lumpur. Ado kosakato nan hampia samo jo di kampuang awak yaitu "TANDAS" atau kalau bahaso kampuang awak "TONDE" Tandas dalam bahaso Malaysia kalau dak salah aratinyo adolah WC atau kakuih. Sedangkan Tonde pun dalam arati awak (bahaso Sulik Ayie) itu juo, jadi kami wakatu partamo basuo kalimaik itu habih tagalak kasadonyo. Ado ciek lai, "LEBUH RAYA" aratinyo Jalan bebas hambatan atau jalan tol, kato2 Lebuh atau bahaso awaknyo "Labuah Rayo" disambuang jo "Titian Batu" adolah penggalan kalimat nan sering dipakai dalam pidato2 adat bahwa persoalan yang kita hadapi sudah selesai dan mulus, ibarat mulusnyo aspal di jalan tol, ibarat rancaknyo titian batu dibandiang titian kayu batang kalapo. Insya Allah pado awa tahun bisuak ko sewaktu anak ambo liburan semester (+/- tgl 3 Januari) kami alah barencana akan ka Malaysia baliak basamo induak bareh, melancong (kalau dalam bahaso Malayisa "PERPELANCUNGAN") ka Alor Setar atau tapeknyo di Sintok tampek kuliah anak kami di UUM. Mudah2an kito basuo baliak di KL atau dimaa sajo di Malaysia. Kok lai mambaco dunsanak kito nan lain di Malaysia ko, seperti Ajo Sidi Arshad, dll dapek lah kito batamu nantik. Lalukanlah kamuih2 bahaso Melayu atau bahaso Malaysia ko disiko, bia nak batambah perbendaharaan bahaso Melayu awak, tarutamo istilah2 umum nan selalu kito gunokan sewaktu kito ingin ka Malaysia. Ado ciek lai nak ambo komentari masalah kato "GALAK" sesuai Topik nan dunsanak tulih diateh. Dalam bahaso Palembang, Galak aratinyo Amuah atau Mau atau Ingin. Dalam bahaso Indonesia Galak aratinyo Buas atau Liar. Dalam bahaso awak Galak aratinyo Ketawa. Jadi hati2 kito manggunokan kato2 GALAK ko, harus sesuai jo situasi dan tampek. Jadi, arati "Kalau taraso nak galak, rancak dibaco" di Palembang aratinyo "Kalau terasa nak mau/ingin, baik dibaca". Tibo di Bahaso Indonesia "Kalau terasa mau buas/liar, baik dibaca" dan bahaso awak "Kalau terasa mau ketawa, baik dibaca". Aaaaa ..... kama lo larinyo ....??? Silahkan nan lain kok nak ingin ka manyambuang, hitung2 hiburan diakhir minggu. Wassalam, HM Dt.MB (hampia satangah abad) > Tolong dibaca aturan di footer dibawah > -------------------------------------- > > Assalamu alaikum ww. > Dunsanak nan ambo hormati, > Kok nyampang tajajak kaki kabumi subarang mungkin sanak ka tabaco > istilah istilah nan ganjia bunyinyo, jadi jan salah faham ado babarapo > istilah dibawahko nan ka ambo tulihkan. diantaronyo : > 1. LALUAN UNTUK KAKI TANGAN SAHAJA, onde mak oi,nan kalalu kaki jo > tangan sajo, jadi... badan jo kapalo dima tingganyo? , indak mantun doh, > kaki tangan sahaja tu aratinyo pekerja saja atau kariawan saja. > 2. PUSAT MEMBELI BELAH ha.. nan iko iyo agak ganjia bunyinyo, baa > kaindak? pusek mambali balah, lai bapitih pusektu? apolo barang nan > balahtu? ha.. sanak.. disiko indak ado nan balah tudoh, pusat membeli > belahtu aratinyo Shopping Centre. > 3. KEDAI PECAH BELAH. iko mukasuiknyo kadai manjua cipia cawan, nan lah > pacah nan lah balah sialo nan kamambalinyo? > 4. RUMAH TUMPANGAN. walaupun namonyo rumah tumpangan, indak dapek > manumpang perai doh, dek rumah tumpangan ko aratinyo Hotel Murah. > 5. KEDAI KOPI kok berhajat nak nakmancari sabuak kopi mungkin indak ado > dijua siko doh, nan lah baaia angek ha.. iyo ado, kedai kopi aratinyo > Restoran. > 6. JALAN SEHALA kok parkir oto sanak dijalanko payah mancari baliak dek > jalan sehalako banyak, indak ciek doh, sehalatu bukan namo jalan, sehala > aratinyo searah. > 7. KEDAI PAJAK kok diawak pajak tu aratinyo pasa, tapi disiko aratinyo > tampek manggadaikan barang ameh. > 8. PASAR SENI ikolah pasa nan indak manjua maco garam lado bareh lauak > jo dagiang nan dijua urang disiko adolah bahan2 kerajinan tangan, > tampekko memang rancak dilawat nak mancari barang untuak dijadikan > kenang2an, kok takana nak malukih wajah sanak bagai disikolah tampeknyo. > 9. RUMAH URUT dimalo rumah pandai mauruik samolo jo rumah sakik, dimalo > rumahtu sakik, nan mauruiktu urang, rumahtu tampeknyo, tampekko kurang > sasuai untuak dilawati tapi kok berhajat juo sanak nak kian ndak dapek > ambo nak manolong doh, beko kok salah uruik tagalecoh urek kan berabe > jadinyo. > 10.PUSAT HIBURAN hati2 kok nak masuak kasiko dek karano disiko banyak > urang nakbakawan jo awak, khususnyo induak2 kok indak taba saku rancak > pai kamusajik dari kasiko indak lindangtandeh pitih doh. > > Cukuiklah sapuluah tu dulu beko ndak adolo modal nak dicaritokan, awak > nak bacarito juo. > > Wassalam > Gani47 -------------------------------------------------------------- Website: http://www.rantaunet.org ========================================================= * Berhenti (unsubscribe), berhenti sementara (nomail) dan konfigurasi keanggotaan, silahkan ke: http://rantaunet.org/palanta-setting * Posting dan membaca email lewat web di http://groups.yahoo.com/group/RantauNet/messages dengan tetap harus terdaftar di sini. -------------------------------------------------------------- UNTUK SELALU DIPERHATIKAN: - Hapus footer dan bagian yang tidak perlu, jika melakukan reply. - Posting email, DITOLAK atau DIMODERASI oleh system, jika: 1. Email ukuran besar dari >100KB. 2. Email dengan attachment. 3. Email dikirim untuk banyak penerima. ================================================
