Tolong dibaca aturan di footer dibawah --------------------------------------
Waalaikumsalam w.w. Ananda, Memang indak mudah manjawab patanyoan Ananda tantang baa caronyo untuak ibu-ibu nan jadi dosen kalau ingin malanjuikkan kuliah. Soalnyo ibu-ibu -- jadi dosen atau indak jadi dosen -- adolah tonggak tuo dalam keluarga, tampek bagantuang suami dan anak-anak. Kalau di tentara, peranan ibu-ibu adolah komandan pangkalan, tampek malapor sabalum batugas, dan tampek baliak sasudah rangkik-rangkik batugas. Kan dapek dibayangkan kalau komandan pangkalan tu bana nan indak ado di tampek. Kan bisa bapetai-petai ? Pasti si uda jo sang anak-anak kalimpasiangan. Kalau sakadar saminggu duo minggu atau paliang lamo sabulan masih bisa ditoleransi. Tapai kalau labiah lamo mungkin bisa jadi masalah, masalah ketek atau masalah gadang. Jan sampai tajadi saparati kato Ananda, gala batambah tapi keluarga berantakan. Mudharatnyo labiah gadang dari manfaatnyo. Kalau tugas baraja ka lua nagari dan makan wakatu lamo, nan ideal adolah pai samo-samo untuak malanjuikkan kuliah, kalau bisa basamo jo anak-anak sakalian. Kalau di dalam nagari, usahokan malanjuikkan kuliah di kota tampek domisili kini, atau nan indak jauah bana dari tampek tingga kini, sahinggo bisa pulang tiok Sabtu. Kalau sakadar manambah ilmu, sasungguahnyo indak sarik bana, karano bisa dilakukan jo mambaco buku dan majalah ilmiah, atau basilanca di internet. Ambo kiro korban AA Gym kini jauah labiah gadang dari 'kebahagiaan' nan baliau dapek. Sayang sabananyo, karano baliau alah mambangun citra nan elok bagitu lamo. Wassalam, Saafroedin Bahar ----- Original Message ---- From: hanifah daman <[EMAIL PROTECTED]> To: Membangun Minangkabau yang Bergengsi <palanta@minang.rantaunet.org> Sent: Wednesday, December 20, 2006 12:00:22 PM Subject: Re: [EMAIL PROTECTED] Beda Budaya? (nasib padusi) Tolong dibaca aturan di footer dibawah -------------------------------------- Ass Wr Wb bapak Saafroedin Bahar yth Binguang pulo baa caro mamuloi kabatanyo ka bapak ko ha. Hmm anu pak, kalau dapek padusi tantu iyo jadi tanggungan suami 100% nak. Tapi baalah... nasib dan kabahagiaan ba bedo-bedo untuak masiang-masiang urang. Tibo di kami nan jadi dosen... kadang-kadang kami tapaso atau kadang memang nio pulo pai maninggakan keluarga.. mungkin dalam wakatu singkek (babarapo malam), bisa bulanan, bahkan tahunan. Kalau baruntuang ... ilmu batambah kaluarga utuh. Ndak saketek pulo nan basiarak kasudahanno... Gala batambah tapi kaluarga barantakan... Hanifah nio batanyo ka bapak, bilo bagi surang istri: 1. buliah maninggakan kaluarga ? 2. indak buliah maninggakan kaluarga ? 3. Kalau buliah ... untuak barapo lamo dan apo syaratno? 4. Kalau indak buliah.... tantu katinggalan awak dari kawan-kawan. Baa pulo du pak? Oh iyo pak, salamo iko si uda lai elok laku noh, mambuliahkan hanifah untuak pai-pai. Tapi sajak AA GYM ba Poligami... tibo takuk hanifah untuak pai-pai sarupo nan taralah... Kato kawan kawan nan laki-laki.. " dulu AA GYM idola ibu-ibu, kini beliau idola bapak-bapak ha ha ha ". Tantang disiplin.... hanifah setuju... siapapun bisa melakukannya asal ada penegakkan hukum yang tegas dan konsisten. Wass Hanifah Damanhuri (induak-induak) --- ambo karek --- __________________________________________________ Do You Yahoo!? Tired of spam? Yahoo! Mail has the best spam protection around http://mail.yahoo.com -------------------------------------------------------------- Website: http://www.rantaunet.org ========================================================= * Berhenti (unsubscribe), berhenti sementara (nomail) dan konfigurasi keanggotaan, silahkan ke: http://rantaunet.org/palanta-setting * Posting dan membaca email lewat web di http://groups.yahoo.com/group/RantauNet/messages dengan tetap harus terdaftar di sini. -------------------------------------------------------------- UNTUK SELALU DIPERHATIKAN: - Hapus footer dan bagian yang tidak perlu, jika melakukan reply. - Posting email, DITOLAK atau DIMODERASI oleh system, jika: 1. Email ukuran besar dari >100KB. 2. Email dengan attachment. 3. Email dikirim untuk banyak penerima. ================================================
