Tolong dibaca aturan di footer dibawah --------------------------------------
Waalaikumussalamww. Onde mak oi... walaupun tulisan sanak panjang bajelo abih ambo baco sampai ka garih jo titiakno, takana maso ketek2 dulu dek ambo lai pulo sampaek mamacik pitih ciek tali jo sasukutu,baitupun pitih baru ciek piah sirah nan samo aragono jo saribu kulabu gambar sukarnotu, disuruah ambo mambali goreang jo godok kacangpadi diagiah pitih saribu ciek piah nan baarati duo ribu lamo atau dua piah baru, rasono dapek pambali labiah sapuluah gureang jo godok,mungkin dek lai mambali banyak,adolo godok ciek nan ketek rang lapau tambahkan nan ketektu, jauah lapau dari rumah ampia sakilo,baun gereang jo godok batua2 maundang matu mancigok bungkuih,goreang jo godok angek nan baru masak bilo dikuak bungkuih.. onde mak oi.. basirabai salero jatuah ka godok.. iduang indak dapek manahan aroma asok nan manusuak lubang iduang, bulu iduang mangaranyam dibuekno, raso indak saba nak sampai dirumah, kok goreang lah lapeh dari tangan alun tau kadapek upahlai, takana ado ciek tukuak nan ketek cako,almaklumlah sanak biaso paja ketek piliahno nan gadang, nan pantiang etongnyo cukuik, lah pasai iduang maidu akiano madok kateh caliak kabawah nan hati indak namuah damailai,kok kaki lah tarasolo basiginyang mako basantailah badan sakutiko dibawah batang karambia,duduak manyanda kaki baunjua mambulakang ka labuah,diurah bungkuih dipareso godok kasadonyo,antah rasaki nan kamanjadi adolo godok nan labiah gadang mato tatumpo, tangan indak dapek ditagahlai dijambo godok nan gadang diidu 3kali garaman indak saba lai, taulah sanak apo nan tajadi. Tibo dirumah goreang jo godok disarah ka nan punyo,salapeh barangnyo tarimo indak tarimo kasih ataupun upah nan nyo ulua tapi soalan nan sampai,lah ang tuga dijalan duluyo? kok mangaku tantu indak ado bagaian lai,dimalo! kok indak baa muncuang ang baminyak? tapaso mangaku diagiah rang lapau, kalau bitu ang lah mamakan nan lainko bialah untuak kamanakan ang pulo, opoknyo, onde mak oi... malapeh juo jadinyo. Lah kamalo pai caritoko, tapi bialah dek iko kenangan lamo, sambuanglo dek mamak lai. Kani Muhammad Dafiq Saib <[EMAIL PROTECTED]> wrote: Tolong dibaca aturan di footer dibawah -------------------------------------- Assalaamu'alaikum wa rahmatullaahi wa barakaatuhu Dari file Maret 2001 Wassalamu'alaikum, Lembang Alam ARAGO RUPIAH (1) Katiko ambo ketek baumua tujuah taun, duduak di kalas satu SR (Sekolah Rakyat) di tahun 1958, kadang-kadang ado juo kami dapek uang jajan, pitih balanjo namono di kami. Ambo kecekan kadang-kadang, sabab di kami katiko itu indak musti bana dapek pitih balanjo tu tiok ari doh. Balanjo ko kadang-kadang ciek tali, kadang-kadang sasuku. (ciek tali = 25 sen, sasuku = 50 sen). Uang tali, uang ketip (sapuluah sen) jo uang kelip (limo sen) sampai uang sen bana tabuek dari aluminium, samantaro uang suku, bagambar Pangeran Diponegoro, tabuek dari tambago, ukuran gadangno agak ketek dari uang tali. Ciek talitu kalau dibaliaan ka karupuak Batuampa, karupuak putiah taba dari kapelo, sagadang tutuik kaleng (10 senti diameterlah kiro-kiro), dapek ampek buah. Nan agak pancimeeh mangecekan karupuak pacahan kaco, sabab mangunyahno sabana heboh, badarak-darak tapi dek kami lamak bana taraso. Pitih ciek talitu amuah juo dibalikan ka gulo-gulo tareh, gulo-gulo saka sagadang pituluik, bamasuakan katapuang kapelo pulo agakno, bisa pulo dapek ampek buah. Balanjo kami nan lain bisa juo bubua samba, bakuah sayua atau kuah cubadak, ikopun dapek juo dikandakan ciek tali. __________________________________________________ Do You Yahoo!? Tired of spam? Yahoo! Mail has the best spam protection around http://mail.yahoo.com -------------------------------------------------------------- Website: http://www.rantaunet.org ========================================================= * Berhenti (unsubscribe), berhenti sementara (nomail) dan konfigurasi keanggotaan, silahkan ke: http://rantaunet.org/palanta-setting * Posting dan membaca email lewat web di http://groups.yahoo.com/group/RantauNet/messages dengan tetap harus terdaftar di sini. -------------------------------------------------------------- UNTUK SELALU DIPERHATIKAN: - Hapus footer dan bagian yang tidak perlu, jika melakukan reply. - Posting email, DITOLAK atau DIMODERASI oleh system, jika: 1. Email ukuran besar dari >100KB. 2. Email dengan attachment. 3. Email dikirim untuk banyak penerima. ================================================
