Assalamualaikum w.w. para Dunsanak pengurus MPKAS,
Mari kito badoa sumago hari Jumaik sore bisuak cuaca di Jakarta tatap cerah
sahinggo rapek kito bisa balangsuang sacaro lancar indak kurang suatu apo.
Maingek kamungkinan hujan tangah malam, kito usahokan sadapek mungkin
pambicaraan bajalan efektif dan efisien, straight to the point. Ambo kiro
pambicaraan kito bisa bajalan lancar karano praktis ampia sagalo bahan nan akan
kito bahas dan kito putuihkan alah kito kunyah-kunyah tamasuak pro kontranyo
-- dalam duo milis kamba kito yaitu makitam@yahoogroups.com dan [EMAIL
PROTECTED] Jadi sabananyo nan paralu kito karajokan bisuak adolah mambuek
kaputusan eksekutif, making executive decisions. Sadapek mungkin putusan kito
buek sacaro mufakat bulek. Kalau indak bisa bulek, indak ado halangan untuak
kito adokan voting bia capek. Kalau bisa jam 21.00 rapek kito alah salasai.
Jadi kito punyo wakatu sakitar ampek jam atau 240 minik.
Sabagai titik tolak, sikap dasar kito masih tatap, yaitu kito warga
Minangrantau saDunia ingin mawujudkan raso cinto kito ka kampuang halaman
sacaro labiah malimbago dan labiah bakasinambuangan malalui jalur wisata pulang
basamo, dimuloi bulan Juni 2008 muko. Modal dasar kito adolah kereta api
wisata, nan kini sadang disiapkan dek dunsanak Kadivre. Sakadar catatan paralu
kito paratikan paringatan urang tuo kito Azwar Anas Dt Rajo Suleman, supayo
hati-hati, karano rel dan sagalo kalangkapannyo alah cukuik lamo lindak
dipakai. Itu adolah marupakan karajo gadang dan krusial, nan harus manjadi
paratian utamo dari kito pangurus MPKAS, baiak nan di Jakarta maupun nan di
Sumbar. Salain itu paralu kito paratikan pernyataan Kapalo Dinas Pariwisata
Sumbar bahaso sampai kini Rencana Induk Pariwisata Daerah (RIPDA) alun disahkan
lai.
Kalau rencana iko bisa bajalan lancar-lancar sajo jo parsaiapan nan baiak,
insya Allah mako manuruik itung-itungan Pak Katua II MPKAS Ir Kurnia Chalik
program iko bisa mandatangkan rasaki sabanyak Rp. 2 triliun satahun untuak
dunsanak kito di Ranah tacinto. Bayangkan bara gadang manfaatnyo untuak
pakambangan ekonomi Ranah malalui apo nan dinamokan urang multiplier effects
dari pitih sabanyak itu.
Sudah barang tantu kito paralu mandorong para dunsanak kito warga Minangranah
untuak mambuek keadaan agak labiah nyaman dari nan biaso kito tamui salamo ko,
sahinggo kito bisa mangkampanyekannyo labiah lanjuik kapado sagalo handai
taulan sarato kenalan kito di Rantau. Salamo ko taraso bana parlakuan dunsanak
kito warga Minangranah agak kurang basahabat jo sagalo urang nan datang, nan
bisa manyababkan urang jaran pulang, dan kalau pulang juo lakeh-lakeh babaliak.
Paliang manonjol dalam hal iko adolah kaadaan di BIM Katapiang. Sabalun iko
ambo alah malaporkan kasus pamalakan dek oknum polisi di Padang Panjang. Kok co
itu juo kaadaannyo tantu agak susah kito mandukuang dan mandorong program
PB2008 dan PB-PB salanjuiknyo dalam tahun-tahun mandatang. Karano itu, ado
diantaro para netters nan bakasimpulan bahaso sabananyo Sumatera Barat alun
siap bana manjadi daerah tujuan wisata. Mameloki kaadaan iko tantu manjadi
tantangan bagi kito warga MPKAS.
Dalam wacana kito dalam kaduo milis kamba alah banyak muncul masalah sosial
budaya di Ranah nan tantu indak mungkin ditangani dek kito nan mancari rasaki
di Rantau. Karano itu kito harus mamaliharo hubungan saelok-eloknyo jo
Pamerintah Daerah sarato dinas-dinasnyo. Kito baruntung karano alah ado wadah
nan disadiokan pak Gubernur untuak iko, nan diagiah dasar hukum dalam SK
Gubernur Sumatera Barat. Katua jo Sekjen MPKAS alah duduak dalam Task Force nan
alah dibantuak baliau.
Dalam wacana nan bakambang dalam milis kamba kito dalam duo minggu balakangan
ko tanyato bahaso masalah pariwisata iko sandiri sabana kompleks dan laweh
cakupannyo, sahinggo agak susah juo kalau kasadanonyo kito wadahi dalam wadah
MPKAS nan bafokus ka kareta api wisata . Sudah barang tantu bisa-bisa sajo
saluruah kagiatan pariwisata nan kompleks dan baragam itu ditangani langsuang
dek MPKAS. Rancaknyo ado, yaitu kito indak usah repot-repot mambuek wadah baru.
Tapi indak rancaknyo ado pulo, yaitu salain bisa tingga paratian ka kareta api
nan masih mamaralukan paratian khusus saparati diingekkan pak Azwar Anas, bisa
juo indak tatampuang tanago-tanago profesional nan bapangalaman dalam kagiatan
pariwisata, nan ruang garaknyo bukan hanyo di Indonesia, tapi di saluruah
dunia.
Karano itu ambo dapek mamahami pandapek para dunsanak nan manginginkan agar
MPKAS mambuek wadah khusus untuak iko sahinggo bisa labiah lungga ruang
garaknyo. Rasonyo iko nan kito mukasuik jo MAPPAS, anak kanduang atau kamanakan
MPKAS. Ambo harokkan kaduonyo tatap di bawah pangulu pucuak kito, pak Chaidir
Nien Latih Datuk Bandaro. Baa struktur dab pambagian karajo antaro duo limbago
nan takaik arek ko kito bahas sacaro khusus dalam rapek kito bisuak.
Agenda pokok kito ado duo, yaitu 1) manginventarisasi pokok-pokok kagiatan
nan paralu kito tangani baiak langsuang maupun indak langsuang untuak
manyukseskan rangkaian acara Pulang Basamo Minangkantau, dimuloi jo PB2008 nan
kadatang; 2) pambantuakan MAPPAS oleh pengurus MPKAS sabagai khusus untuak
manangani masalah-masalah pariwisata nan indak langsuang takaik jo kareta api
itu sandiri.
Susunan ancar-ancar acara kito, kalau bisa kito satujui, adolah saparati
barikuik.
1. 16.30 17.00 Registrasi dan small talk, sholat ashar bagi
mereka yang
memerlukan.
2. 17.00 -17.30 Pembukaan dek sohibul bait.
3. 17.30 - 18.30 Pemandangan Umum peserta rapat.
4. 18.30-19.30 Jedah, Sholat Magrib/Isya, minum teh/kopi
[tersedia Pop Mie].
5. 19.30 20.30. Sidang Kelompok 1 [program aksi] dan Kelompok 2
[masalah
kelembagaan]
6. 20.30 -21.00 Pembacaan Kesimpulan Kelompok dan pengesahan
rapek
MPKAS, ditutup dengan doa.
Sakadar untuak manyegarkan ingatan, babarapo masalah nan bisa kito bicarokan
dana kito ambiah kaputusannyo adolah sarapati barikuik.
1. Umum.
a. Mengikuti perkembangan dan menyalurkan wacana tentang
masalah-masalah mendasar Minangkabau yang secara langsung atau tidak langsung
terkait dengan kegiatan pariwisata.
b. Mendorong Pemerintah Daerah dan DPRD Kabupaten/Kota untuk menuntaskan
Rencana Induk Pariwisata Daerah (RIPDA) sebagai kerangka strategis kegiatan
wisata Pulang Kampung berjangka panjang.
2. MPKAS
a. Memelihara hubungan kerja fungsional dengan MAPPAS.
b. Memastikan keamanan teknis jalan kereta api yang akan dihidupkan
kembali.
c. Mendukung pembukaan kembali jalur kereta api Padang-Padang Panjang.
d. Mendorong dipercepatnya pengecatan jembatan tinggi Batang Anai.
e. Mendorong dipercepatnya penggantian 2000 batang bantalan rel pada
jalur Padang Panjang Sawah Lunto.
f. Mendukung rencana rehabilitasi gerbong-gerbong, bekerjasama dengan
hotel serta perusahaan lokal lainnya.
g. Mendorong penyiapan stasiun, bekerjasama dengan Pemerintah Daerah
setempat.
h. Mendorong dukungan masyarakat untuk penyiapan pembukaan kembali
jalur Padang Panjang Bukittinggi.
i. Mendukung rencana Pemerintah Daerah untuk membuat jalur kereta api
dari Bandara Internasional Minangkabau ke kota Padang.
j. Mendukung rencana pembukaan fasilitas city check in penerbangan di
Stasiun Simpang Haru, Padang.
k. Ikut membantu mengawasi keamanan jalan kereta api dan jembatan
terhadap ancaman bencara alam seperti tanah longsor, gempa bumi, banjir,
tsunami.
l. Dan lain-lain.
3. MAPPAS.
a. Memelihara hubungan kerja fungsional dengan MPKAS.
b. Membantu disahkannya Rencana Induk Pengembangan Pariwisata Daerah
(RIPDA) baik pada tingkat provinsi, kabupaten, dan kota.
c. Mendorong peningkatan fasilitas dan kualitas pelayanan Bandara
Internasional Minangkabau, antara lain tentang:
1) Kebersihan toilet.
2) Kerapian dan keamanan pelayanan taksi, dengan pengadaan
counter taksi dengan tarif yang pasti.
3) Kerapian dan ketertiban porters.
4) Penyediaan fasilitas internet hot spots.
5) Penyediaan leaflets, booklets tentang obyek-obyek wisata.
d. Mengakomodasi terbentuknya kantor informasi promosi pariwisata di
dalam dan di luar negeri.
e. Mendorong tersedianya pemandu wisata yang berkualitas, termasuk
jika perlu senior guides.
f. Merintis dan mendukung pengembangan jenis-jenis wisata khas yang
sesuai dengan latar belakang alam, budaya, dan sejarah daerah Sumatera Barat,
antara lain:
1) Wisata Alam, seperti Lembah Anai, Danau Singkarak, Danau
di Ateh, Danau di Bawah, Danau Maninjau, Mentawai, Arung Jeram, Batang Arau,
Batang Ombilin, pesanggerahan di Lampu, dekat Teluk Bayur..
2) Wisata Olah Raga, seperti hang gliding, parachuting,
biking, surfing, aeromodelling.
3) Wisata Sejarah, seperti rute gerilya PDRI, wisata situs
Perang Paderi, wisata ke situs purbakala Minangkabau, museum
Adityawarman,Padang, Museum Perjuangan Bukit Tinggi, Museum Kereta Api, Sawah
Lunto.
4) Wisata Kota Tua, seperti Pasa Gadang Padang, Sawah Lunto,
Padang Panjang.
5) Wisata Sastra, seperti lokasi yang terkait dengan novel
Pujangga Baru, antara lain novel Tenggelamnya Kapal van der Wijk, Salah Asuhan,
Siti Nurbaya, Malin Kundang, Kalau Tak Untung.
6) Wisata Kuliner, seperti ke Bungus, Kampung Jawa, Padang,
Bukittinggi, Ombilin.
g. Dan lain-lain.
Sampai di siko dulu. Talabiah takurang mohon maaf.
Wassalam,
Saafroedin Bahar.
---------------------------------
No need to miss a message. Get email on-the-go
with Yahoo! Mail for Mobile. Get started.
Sukseskan Pulang Basamo se Dunia, Juni 2008.
-----------------------------------------------------------------
Website: http://www.rantaunet.org
============================================================
UNTUK SELALU DIPERHATIKAN:
- Hapus footer dan bagian yang tidak perlu, jika melakukan reply.
- Email dengan attachment tidak dianjurkan, sebaiknya melalui jalur pribadi.
- Posting email, DITOLAK atau DIMODERASI oleh system, jika:
1. Email ukuran besar dari >500KB.
2. Email dikirim untuk banyak penerima.
--------------------------------------------------------------
* Berhenti (unsubscribe), berhenti sementara (nomail) dan konfigurasi
keanggotaan, silahkan ke: http://rantaunet.org/palanta-setting
* Membaca dan Posting email lewat web, bisa melalui mirror mailing list di:
http://groups.yahoo.com/group/RantauNet/messages
http://groups.google.com/group/RantauNet?gvc=2
dengan mendaftarkan juga email anda disini dan kedua mirror diatas.
============================================================