----- Original Message ----- From: rankmarola <[EMAIL PROTECTED]> > --- In [EMAIL PROTECTED], "sangsutan" <[EMAIL PROTECTED]> > wrote: > Oi ujang si hendra mbo, ujang kamari malah duduak, elok kito badakek > dakek, elok kito bampiang ampiang, nak tahu dipadeh lado, nak tahu > dimasin garam, nak dapek paham jo mukasuik, barundiang sapatah duo > patah, nak masuak kahati ujang. Dangakan pitaruah Sutan, ujang > pacikkan arek arek dan pagangkan taguah taguah. > > Tantangan ilmu urang babini, pabaiak piie kalakuan, paelok laku jo > taratik, datang bini dari jauah, sambuiklah jo muko manih, hidangkan > minum jo makannyo, paliekkan ati nan suci. Kok barundiang samo > gadang, aibnyo nan usah dibukakkan, sabagaimano akal budi, tutuik > dek ujang mati mati, saangok jan mangok, saangin jan buliah lalu, > parik paga dianak kanduang. > > Kok inyo datang talambek, kok inyo indak kunjuang pulang, jan maupek > tantang itu, kana kok inyo sadang sansaro, rida jo saba dipaliekkan, > urang saba kasihan Allah. Kok maraso raso juo kok indak manyanang > diati, liek inyo sadang suko, sadang duduak surang, ajak saketek > bakucindan, sambia manyingguang jo kiasan. > > Ciek lai Sutan katokan tantangan makanan jo minumannyo salalu > sadiokan dek ujang, tasaji baiak ateh dulang. Kok datang urang > mananyokanyo dan inyo sadang bajalan , baduto ujang saketek, asuang > pitonah jan lalu, baru turun sabantako alun jauah lei inyo bajalan. > > Kok anak nak kapakan mamintak izin bakek inyo, kok ujang naiak bendi > nan usah sabendi jo urang lain nan bukan dunsanaknyo. Jiko sabendi > jo urang lain basingguang kain samo kain itu pantangan urang tuo, > mato palingan setan, ati palingan Allah, abih gili dek galitik, > hilang malu dek biaso. Kok padusi indak pamalu, jadi cacek saumua > hiduik, bak pintu indak bapasak, mudah rang maliang mamasuki, bak > parahu indak bakamudi, biaso sasek dalam balayia. > > Oh Mbo sibiran tulang, pagang bana pituah sutan, buhua dalam kabek > pinggang, buruak urang dek lakunyo, roman nan indak dapek diubah > tapi laku jo parangai lai dapek. > > Kok basuo jo urang lain kok duduak ditangah rami atau didalam alek > jamu, caliak nan usah dipatinggi, mato usah dipalia, pandang sakali > lalu sajo, usah galak dipabahak. > > Lambak nan dari pado itu, sopan dan santun tak babateh, baso jo basi > tak bahinggo, bia jo bini awak bana, janlah ilang baso basi, pamanih > muluik mbo tu, gadangkan inyo ditangah rami, muliakan inyo dimuko > rapek. > > Sakian dulu nasihaik abang Sutan > > oiyooo.. > takana lo dek sutan saketek... nan si mbo kiniko... padusi apo > lalaki ? ehehehheheheh > masalahnyo.... iko pituah tuak padusi eh... > obeh obeh obeh.. lah salah pituah sutan kirono... > tapi nyampang pun baitu... > salah kato dek mangetik... > salah makasuik dek bagarah... > ijan mbo masuak an bana ka dalam hati.. > haaaa..... > lai samauh tu rang sumando ? > --- End forwarded message --- > > >
____________________________________________________ Berhenti/mengganti konfigurasi keanggotaan anda, silahkan ke: http://groups.or.id/mailman/options/rantau-net ____________________________________________________