Yo sabana salut ambo jo pantun mamak jo sanak Junaidi. Ingin lo hati ko bisa bapantuan ria model tu. Tapi ndak tahu baa caronyo. Jadi panonton se la dulu.
Heri
jun aidi <[EMAIL PROTECTED]> wrote:
jun aidi <[EMAIL PROTECTED]> wrote:
Mak Bandaro Labiah nan dianjuang tinggi diamba gadang sambah tapuhun bakeh mamak.Sapanjang buah panitahan mamak nan talewa ka nan rapek tatuju bakeh badan diri ambo, kok didanga lah rancak bunyi kok diliek lah rancak rupo. Nan bak kecek mamak juo lamak dagiang dikunyah kunyah lamak siriah lega carano, karano disiko banyak duduak niniak mamak, alim ulama, cadiak pandai, bundo kanduang jo urang mudo nan capek kaki ringan tangan.Samantaro kato balega mananti mamak sakutiko, apokah alah dalam adat tu mak?wassalamJunaidi
Bandaro Labiah <[EMAIL PROTECTED]> wrote:Assalamu'alaikum Wr.WbSabalaun kato kadijawek, sabalun gayuang disambuk, karano lai dihadapan karapatan :Niniak Mamak nan gadang basa batuah, tiang adaik sandi aluan, payuang panji marawa basa, pusek jalo tampunan ikan, lauik aka gudang bicaro, pai ka tampaik batanyo, pulang ka tampaik babarito mahukum adia, bakato bana, bapantang bakato duoAlim Ulama jo Tuanku, suluah bendang dalam nagari, tarangno lalu ka akhiraik, siang rintang bapituo, malam rintang baibadat, nan mangatahui hala jo haran, sarato sunat jo paralu, manyuruah babuek baiak, malarang babuek mungkar.Cadiak Pandai palito alam, Rang Mudo pamaga nagari sarato Bundo Kanduang limpapeh rumah nan gadang,elok bamintak kato maaf, rancak dibari kato rila, kok tasingguang kalo ka nanaik, talendo jikok ka turun, bajalan indak di nan pasa, baranti indak pado titiak karano bapakai RN nangko , bapakai untuak baraja, baraja aja batutua, tutua kato dipakatokan, banamo pasambahan. .kampuang banamo Kurai Tajinan talatak di Pariamanbabaliak ambo kapangka kajimanjaweh rundiang nan dari SutanMa ...Malin Basakarano bapakai manuruk adaik, manjadi undang di nan tuo, kok kato paralu jawek, tibo digayuang nak basambuk, kan iyo baitu ..?kajawek kabari no diambo :Abdurrauf rajo rang makahnaiak tahta duo tingkekdahulu kato nan basitinah,kudian kato basicapek.kasicapekanno.kok diateh hari nan cako, sapanjang bana nan katangan di Sutan, alah ambo simak dari awa sampai akhia, insyaallahburuang Berak buruang Bayantabang malayok disiang harirancak nan tampak dipagi harielok dipandang dihari patangbungka bulek taraju bayanindak kama dipereng lailah tapaek ditiang tinggilah tasanda ditiang gadangkok panjangno iyo ba ka lalaian, kok lawehno ba kalebaran, nan bak maetong buruang tabang, campau tampuo sikua-sikua, rumiklah ambo ka mambilangjikok didulang pacah cawankurang sa tukua sa parampek,jikok sa tukua sa parampekkurang sa saik sa balangojikok diulang panitahan Sutankok kurang sa ukua sa pandapekjiko sa uku sa pandapeksaketek ado labiah kurangnoba a .... ko jawekno sajo ambo asiangkan sakiro-kiro, lai dalam adaik janno Sutan !!Ikan banamo ikan bilihsisiak batatah asuasomangaji ambo nak dari alihbabilang ambo nak dari aso.sariak sungai puabatagak batupalanobukanno badan nan tajuadek dikampuang alun pagunoanak urang kubang putiahmarantau ka muko-mukohandak manjalang Bangkahuluambo tarimo jo hati barasiah
tandono kito saandikocaliak dek Sutan kalau batamusupayo manimbang nak samo barek, ibaraik maukua samo panjang.balaia kapa dilautansarek muatan buah paloombak basabuang di hari malammangko kasuruk di pagi haripandai batenggang Nakhodonobukan batenggang di nan adokalau jadi Sutan bajalanmanuju tapian tanah jaorumah dibuek tampaik bamalampalanta dibuek tampaik barantisinggah sutan ka dangau ambotandono kito basudaro.Malin Basa anak rang Magekmarantau ka Sungaipuramaranatau bukan badan tajuaambo bilang sado nan dapekdi nan pandai sado nan tingga.ban kumbali ka Malin BasaWassalamu'alaikum Wr.Wb.Bandaro Labiah
jun aidi <[EMAIL PROTECTED]> wrote:Wa'alaikum salamMaa mamak Bandaro Labiah... sambah tapuhun bakeh mamak, biapun mamak surang nan disambah nak sarapeknolah niniak mamak nan gadang basa batuah nan duduak dipalantako.Abdurrasyid di tanah makahbalayia ka tanah ruhunnaiak anjuang tulih perakkabasaran padang nan bacabuikmasuak kualo indogiribadan kaciak mudo matahaka singkek pandapek balungumata lutuik dibaok tagakkok salah kato nan disabuikalamaik malu badan dirinaiak bukik rimbo kalibuikka rimbo bakayu jatikayu gadang banyak babuahbacampua dengan kayu kamaikguguik ganta ambo manyabuikpangulu banyak nan satituanku banyak nan batuahalim ulama banyak nan kiramaiksariak sungai puabatagak batu palanodek nasib badan tajuakini tacampak di kandang singomandanga pituah mamaksanang di dalam hatisajuak di dalam kiro kiroputiah kapek dapek diliekputiah hati bakaadaanmamak kanduang bandaro labiahurang nan cadiak candokiosambuik lah salam jo hati putiahlamo jo lambek kito basuorang kurai jo banuhampuka balai babaju sutodari ambo sakitu duluambo ka banten minggu dimukowassalamJunaidi
Bandaro Labiah <[EMAIL PROTECTED]> wrote:Bandaro Labiah
jun aidi <[EMAIL PROTECTED]> wrote:Junaidi (37), kandang singo
Yahoo! Messenger - Communicate instantly..."Ping" your friends today! Download Messenger Now____________________________________________________
Berhenti/mengganti konfigurasi keanggotaan anda, silahkan ke:
http://groups.or.id/mailman/options/rantau-net
______________________________________________________________________________________________________
Do You Yahoo!?
Tired of spam? Yahoo! Mail has the best spam protection around
http://mail.yahoo.com ____________________________________________________
Berhenti/mengganti konfigurasi keanggotaan anda, silahkan ke:
http://groups.or.id/mailman/options/rantau-net
____________________________________________________
Yahoo! Mail : votre e-mail personnel et gratuit qui vous suit partout !
Créez votre Yahoo! Mail
Dialoguez en direct avec vos amis grâce à Yahoo! Messenger !
____________________________________________________ Berhenti/mengganti konfigurasi keanggotaan anda, silahkan ke: http://groups.or.id/mailman/options/rantau-net ____________________________________________________
