Hari Akaik pukuah sambilan pagi, ambo mancogok ka Lapau RN ko. Langang. Cuma
ado Angku Pakiah Sutan nan dari Bekasi manciloteh tantangan Perda nan
manyangkuik soal Nagari.
Nan jaleh untuak pai ka lapau ko paralu "naiak bendi". Bisa pakai "Bendi
Bugih" (bendi pribadi, bajalanan surang, marangkap jadi kusia) atau
manumpang jo "Bendi Dinas"
(talatak di kantua-kantua), atau "Bendi Warnet" (manyeo di Warung Internet).
Dek karano hari libur, Bendi Dinas indak bajalanan, talatak sajo di kandang.
Ka pai ka Warnet, maleh kalua rumah.
Jadi kini alah dapek ambo simpulkan baraso nan maramian lapau ko adolah
urang-urang nan manumpang jo Bendi Dinas nan ado di kantua-kantua tampek
masiang-masiang "mangakeh". Banyak pulo Bendi Dinas tu nan pakai "kusia".
Jadi tingga manyuruah-nyuruah kusia manulihan apo nan ka dilewakan. Indak
banyak nan pai ka lapau ko pakai Bendi Bugih atau pakai Bendi Warnet. Nan
ambo tau, Angku Bandaro di Bogor punyo Bendi Bugih. Adinda Elthaf di CPI
Pakan Baru, kadang-kadang pakai Bendi Warnet disampiang pakai Bendi Dinas.
Ambo raso indak ado nan sabana perai (indak mambaia) di ateh dunia ko doh.
Kalau pakai Bendi Bugih, atau Bendi Warnet jaleh harus mambuka dompet. Kalau
pakai Bendi Dinas, iyo indak paralu mambuka dompet, tapi ambo yakin, pasti
"mambaia" jo caro lain, sakuran-kurangno kalua tanago untuak manolong
"mamandian kudo" atau "manyuok-an rumpuik" atau malap-lap roda bendi supayo
bakilek saketek.
Panah ambo malewakan di lapau ko, kalau bisa RN mangarah ka hal-hal nan
"manyangkuik paruik". Indak ado nan mangomentari. Kini baru ambo mangarati
sababno, yaitu baraso urang nan pai ka lapau ko kabanyakan naiak Bendi
Dinas. Jadi, soal "paruik" adolah parsoalan kantua (dinas), bukan parsoalan
Lapau
RN.
Sadang mambuek e-mail ko tagalak surang ambo. Ambo nan malewakan hal iko di
lapau, ambo pulo nan mangomentari surang dan akhirno ambo pulo nan manamukan
panyababno.
Hari Sabtu nan ka tibo, tanggal 14 Oktober 2000, ado rancana ka batamu muko
jo "induak samang" RN, Pak Eddy. Alah sato pulo ambo malewakan usul supayo
topik pambahasan nan utamo adolah "Tujuan nan ka dicapai jo RN", sabab iko
nan kamanantukan arah kama awak ka pai (bisa labiah dari ciek), sasudah tu
baru
ditantukan sarana nan diparaluan untuk mancapai tujuan tu, teknis maupun
non-teknis. Indak usahlah dulu mambahas masalah teknis. Batele-tele biko."
Kini baliak bapikia ambo baliak, mungkin nan ka batele-tele justru
pambahasan tantangan "Tujuan nan ka dicapai jo RN". Sadangkan masalah
teknis, asal ado nan amuah kalua tanago jo waktu dan dana untuak mambuek
home-page (web-site) sacanggih home-page MinangNet (kalau bisa labiah
canggih), salasai parsoalan. Tingga nan punyo Bendi Bugih atau nan pakai
Bendi Warnet bapikia tujuah kali ka mambuka dompet untuak mancaliak
(surfing) home-page tu.
Bukan "alun pai alah ka pulang" dan bukan pulo "maranyuak". Tapi kini ambo
baru sadar, rasono
indak paralu ambo sato mancogok di partamuan jo Pak Eddy tu doh . . . . . .
.
Talabiah takurang, mohon maaf.
St. Batuah
Mailing List RantauNet http://lapau.rantaunet.web.id
Database keanggotaan RantauNet:
http://www.egroups.com/database/rantaunet?method=addRecord&tbl=1
=================================================
Mendaftar atau berhenti menerima dari RantauNet Mailing List, kirimkan email
Ke / To: [EMAIL PROTECTED]
Isi email / Messages, ketik pada baris/kolom pertama:
- mendaftar: subscribe rantau-net [email_anda]
- berhenti: unsubscribe rantau-net [email_anda]
[email_anda] = isikan alamat email anda tanpa tanda kurung
=================================================
WEB-EMAIL GRATIS ... @rantaunet.web.id ---> http://mail.rantaunet.web.id
-------------------------------------------------------------------------------------------------
WebPage RantauNet http://www.rantaunet.web.id dan Mailing List RantauNet
adalah servis dari EEBNET http://eebnet.com, Airland Groups, USA
=================================================
