Assalamualaikum w.w.
Mak Duta,
Aaa... iyo malah kironyo, alah badatak di hati ambo nan Mak Duta ko jaleh
bana
tantangan kota Tabiang Tinggi ko. Ruponyo tampaik ko alah manjadi parmainan
bana dek Mamak dari daulunyo.
Insya Allah, nanti singgah ambo karumah makan Bang Buyung itu, sakalian
manyampaikan salam Mamak nantun.
Samantaro pakaro "Karatau madang dihulu" awak parambunkan di lapauko,
dek nampaknyo alah ado pulo sauik jo saponyo dari Angku/Mamak Palai
Rinuak,
Tan Mantari dan Sutan Parpatiah sarato dari sanak2 nan lainnyo.
Ado pun nan tasabuik dek Mamak diujuang kato, tantangan mangana Mamak
kalau mambali lamang di Tabiang Tinggi, aa.. iyolah rancak juo dilewakan
disiko,
bahaso Kota Tabiang Tinggi ko disabuik urang juo kota lamang.
Makan lamang jo tapai itam iyo sabana sero, taraso di kampuang awak
dibueknyo.
Dan memang produsernyo umumnyo adolah "urang awak".
Kabanyo ba ton2 bareh sipuluik di import dari Sumbar tiok bulannyo.
Baa Mak Duta, kaparalu dipaketkan lamang tu ka Amrik..
Carito lainnyo bialah awak sambuang beko di japri.
Wassalam,
Rj.Pangulu
dutamardin umar
<[EMAIL PROTECTED]> To: [EMAIL PROTECTED]
Sent by: cc: [EMAIL PROTECTED],
[EMAIL PROTECTED]
rantau-net-owner@ran Subject: Re: [RantauNet] Tunggu
Kabinet
taunet.com Otoda, Pejabat Sumbar Gelisah]]
02/06/01 11:24 AM
Please respond to
rantau-net
Ass. WW.,
Manolah Nakan Rajo Pangulu di Kuala Tanjuang.
Sabanyo tembak mamak ka soal Kuala Tanjuangko. Soal
"karatau madang di ulu" hanyolah pambukak kato sajo.
Walaupun baitu, apo nan nakan katokan tantu banalah adonyo.
Nakan jaman kiniko banyak nan labiah arih dari mamaknyo.
Nah, soal Kuala Tanjuang jo Tabiangtinggi. Bialah
dijalur umumko mamak sampaikan, bahaso mamak dibao
marantau dari Piaman ka Kota Lamang ko sajak balita (1951).
Pendidikan "S-3" mamak salasaikan dikota ko.
Sampai kini dusanak masih banyak disinan.
Kalau ka Tabiang, silahkan makan di Restoran Minang
di Jl. A. Yani atau nan jalan ka RSU ado pulo.
Pamiliknyo Anwar Effendi atau Bang Buyung dusanak mamak.
Kalau tasasek kasinan kirim salam ambo Dutamardin
di Amerika. Taliponnyo 0621-22711.
Juni 2000 lalu ambo lai pulang ka Tabiang baziarah
ka makam rang-gaek. Sayang kito alun bakatoan.
Kalau indak tantu ambo mampir ka Inalum.
Baitu dulu Nakan Eddy. Tolong kana Mamak kalau
mambali lamang ka Tabiang tu.
Wassalam
Mak Uncu Duta
Virginia-USA
ps. S3 lai tahukan? (SD-SMP-SMA)
Kalau ka malanjuikkan japri silahkan di [EMAIL PROTECTED]
[EMAIL PROTECTED] wrote:
Assalamualaikum w.w.
Maa.. pulonyo Mak Duta..,
Onde.. ruponyo ciloteh ambo nan saketek tu alah manjadi parantian pulo dek
Mamak.
Tumah tibo di Mamak nan satitiak Mamak lauikkan, nan sakapa alah Mak
gunuangkan.
Itulah tandonyo Mamak urang nan arih jo bijaksano.
Adopun mukasuik ambo jo ciloteh tu, sabananyo adolah maagak-i pituah rang
tuo2
Karatau madang dihulu,
babuah babungo balun.
Marantau bujang dahulu,
dirumah paguno balun.
Tibo diambo kiniko, mungkin dek karano alah lamak marantau,
batambah lamo batambah lamak juo rasonyo,
samantaro dibaliak itu, dirumah rasonyo alun juo kataraso tapaguno.
Padohal, kanyataan nan tasuo, tadanga barito, samantaro si "bujang" alun
tibo,
apo nan ado samo dimakan, apo nan kurang samo dicari, bialah lah tadasak
bana kijang
karimbo, lah tasasak ikan ka ampang, bara nasi kaditanak sabanyak bareh nan
ado.
Aratinyo bana, sungguahpun lai indak bakakurangan bana, daripado manggaduah
pulo
ka si "bujang" dirantau, asa kan bisa juo bendera ditagakkan, nan
diusahokan ka jalan juo.
tumah lai banyak juo tampak kamajuan, tapi tantunyo sasuai jo kondisi nan
ado.
Samantaro itu tadanga juo kaba, nan si"bujang" dirantau alah jadi urang
gadang,
raso kaharok si "bujang" tibo, baa kolah , kok lai kamujua, tabangkik
juolah batang nan
tarandam. Tabayang2 juo bak cando diurang, bilokoh kadibaia sawah nan
dipagang urang
bilokoh kadilansaikan utang nan tasalang.
Tapi memang iyo, batua bak kecek Mamak cako, apokoh harus mambangkik batang
tarandam tu sacaro fisik ? Aa.. iko banalah nan paralu diinterprestasikan
jo keadaan
maso kini, walaupun sacaro harfiah bisa diartikan iyo.
Mamak pun alah mancaliakkan jalan kalua, dek daripado..daripado...., iyolah
labiah
elok jauah dirantau, sasakik sasanang dikampuang didangakan, sanak sudaro
dibantu,
dima paralu nagari dicikaraui juo.
Saumpamo pituah Mamak2 juo :
tagak disuku mamaga suku
tagak dikampuang, mamaga kampuang,
tagak dinagari mamaga nagari.
Iyolah untuak kamajuan "anak kamanakan" dalam artian anggota
keluarga/famili, mungkin
iyolah rasonyo alah labiah dari cukuik. Baitu pulo untuak nagari jo
kampuang, dek karano
lai baduo batigo, barek lah samo sapikua, ringan lah samo sajinjiang,
Alhamdulillah,
hasianyopun lah banyak tampak.
Tapi tibo dinan labiah gadang ? Baluhak, balareh, sampai kapado propinsi
kabaa kolah,
tibo disiko lah mungkin kaparalu dicarikan jalan kaluanyo. Padohal samakin
laweh ruang
lingkupnyo tantu batambah banyak juo masalahnyo.
Maafkan ambo dek Mamak, sakian dulu dari ambo.
Alaa iyo Mak, tanyo Mamak nan di ujuang kato. Ambo iyo di Inalum, tapeknyo
nan di Kuala
Tanjuang, dakek ka Tabiang Tinggi. Bilo Mamak ka pulang ? Singgahlah ka
dangau kami.
Wassalam,
Erdy Winata Natsir St.Rj.Pangulu
dutamardin umar
<[EMAIL PROTECTED]> To:[EMAIL PROTECTED]
[EMAIL PROTECTED] wrote:
Makonyo pulanglah..... bilo lo lai kamambangkik batang tarandam jo
kamambangun nagari....
Kan yo baitu sanak .........?
Wassalam,
Rj.Pangulu.
== Manolah Rajo Pangulu.
Tasintak pulo ambo mambaco imbauan diateh.
Apokah mambangkik batang tarandam jo mambangun nagari,
harus ado sacaro pisik dikampuang?
Ma nan elok ado dikampuang halaman, tapi malah
tambah mambanekkan batang tu, macorengkan arang
dikaniang, manjadi parasik dan karajo mungkar lainnyo.
Atau ado jauah dirantau, tapi sakik sanang kampuang lai didangakan.
Sanak sudaro lai tabantu. Nagari dicikaraui pulo.
Baa itu sanak?
Dilua soa diateh, tanyo probadi ciek Pangulu.
Apokah Pangulu batugeh di Inalum Jakarta, Medan atau
nan di dakek Tebingtinggi Deli?
Wassalam
duta
RantauNet http://www.rantaunet.com
================================================Mendaftar atau berhenti
menerima RantauNet Mailing List di
http://www.rantaunet.com/subscribe.php3
ATAU Kirimkan email
Ke / To: [EMAIL PROTECTED]
Isi email / Messages, ketik pada baris/kolom pertama:
- mendaftar: subscribe rantau-net [email_anda]
- berhenti: unsubscribe rantau-net [email_anda]
Ket: [email_anda] = isikan alamat email anda tanpa tanda kurung
================================================WebPage RantauNet dan
Mailing List RantauNet adalah
servis dari EEBNET http://eebnet.com, Airland Groups, USA
================================================
RantauNet http://www.rantaunet.com
=================================================
Mendaftar atau berhenti menerima RantauNet Mailing List di
http://www.rantaunet.com/subscribe.php3
ATAU Kirimkan email
Ke / To: [EMAIL PROTECTED]
Isi email / Messages, ketik pada baris/kolom pertama:
- mendaftar: subscribe rantau-net [email_anda]
- berhenti: unsubscribe rantau-net [email_anda]
Ket: [email_anda] = isikan alamat email anda tanpa tanda kurung
=================================================
WebPage RantauNet dan Mailing List RantauNet adalah
servis dari EEBNET http://eebnet.com, Airland Groups, USA
=================================================
