Assalamu'alaikum wr.wb., Sesungguhnya segala puji hanya pantas bagi Allah. KepadaNya kita mengabdi, dan kepadaNya kita minta pertolongan, serta kepadaNya pula kita memohon ampunan. Kita minta perlindungan kepada Allah dari kejahatan yang ada pada diri kita dan dari keburukan perbuatan-perbuatan kita. Barangsiapa yang ditunjuki Allah tiada siapapun yang akan menyesatkannya, dan barang siapa dibiarkan sesat oleh Allah tiada siapapun yang dapat menunjukinya. Saya bersaksi tiada tuhan melainkan Allah. Saya bersaksi bahwa Muhammad itu adalah hambaNya dan utusanNya, yang tidak ada lagi nabi sesudahnya. Takajuik-kajuik awak mandanga ado anak kamanakan awak, urang kampuang awak, nan babuek indak baiak dikampuang halaman awak. Manampuah jalan pinteh mancari pitih jo manjua diri. Baitu pulo takajuik-kajuik awak ado urang awak nan alah batuka aqidah manjadi urang kristen, antah dek karano tabao rendong, atau dibao rendong, atau mahambuai galombang nan marendong. Ado raso bangih, ado raso sadiah, ado raso nan indak dapek kadisabuik, nan sampai-sampai, kok lah nyampang baadokan awak jo urang-urang nan alah mambuek malu masyarakaik Minang tu, raso kaamuah awak mahamuakno. Baa mangko mantun? Sabab masyarakaik awak, masyarakaik Minangkabau alah tasabuik urang baradaik, urang kuaik baagamo. Urang nan adaikno basandi syarak, syarak nan basandikan kitabullah. Iyo indak amuah awak rasono manarimo kanyataan bahaso ditangah masyarakaik nan sarupo itu ado urang kampuang nan baprilaku indak patuik, nan mancorengkan malu dikaniang. Kan baitu? Parasaan sarupo itu, maraso malu dek dicemokan urang kampuang, antah nan baparangai indak patuik, antah nan mangganti aqidah, marupokan parasaan aluih dek kaimanan. Tapi raso sarupo itu sajo alunlah cukuik. Paralu awak turun tangan pulo untuak ba 'amar ma'ruf, nahi munkar', maajak anak kamanakan sarato urang kampuang awak cako, dari nan paliang dakek sampai ka nan labiah jauah, untuk salalu babuek baiak disampiang bausao mancegah kamungkaran. Jo contoh nan jaleh, dimuloi jo diri awak, jo anak bini awak, sasuai pulo jo kamampuan awak masiang-masiang. Sudah itu paduli pulo handakno jo kaadaan anak kamanakan awak cako, antah mareka kasulitan hiduik, antah mareka banyak masalah, antah mareka paralu partolongan. Kok hanyuik capek awak pinteh, kok tabanam capek awak silami. Dan sasudah itu batawakkal awak kapado Allah. Indak kaado aratino awak marameh jantuang katiko anak kamanakan awak alah hanyuik samantaro awak indak panah ado usaho untuak maminteh. Baliak kakampuang awak. Kok lai nan tipak nan dakek-dakek di awak nan taguliciak, atau nan ampia taguliciak, capeklah ditolong. Iko indak tugeh ustad jo angku Malin sajo untuak mandakwahi tapi tamasuak tugeh awak juo. Sabab kalau paga indak rapek, pangaja indak samparono, indak bisa awak mamanggakkan awak urang Minangkabau adolah urang nan baradaik, urang nan kuaik baagamo, lalu otomatis sakalian urang Minang musti manjadi urang baiak-baiak sajo. Kalau tunjuak aja atau dakwah alah dikarajokan, tasuo juono nan buruak cako, sakali lai tawakkal awak kapado Allah, sabab dapek pitunjuak atau sasekno satiok urang tapulang juo kapado Allah. Maupek, bakaluah kasah, marameh jantuang indaklah kamanyalasaian masalah. Billahit taufiq wal hidayah, Wassalamu'alaikum wr.wb., Lembang alam RantauNet http://www.rantaunet.com Isikan data keanggotaan anda di http://www.rantaunet.com/register.php3 =============================================== Mendaftar atau berhenti menerima RantauNet Mailing List di http://www.rantaunet.com/subscribe.php3 ATAU Kirimkan email Ke/To: [EMAIL PROTECTED] Isi email/Messages, ketik pada baris/kolom pertama: -mendaftar--> subscribe rantau-net [email_anda] -berhenti----> unsubscribe rantau-net [email_anda] Keterangan: [email_anda] = isikan alamat email anda tanpa tanda kurung ===============================================