----- Original Message ----- From: <[EMAIL PROTECTED]> To: <[EMAIL PROTECTED]> Sent: Tuesday, April 16, 2002 8:31 AM Subject: [RantauNet] Kucimang
> Assalaamu'alaikum WW., > Pokok persoalan, bagaimana awak bisa menghargai hak cipta > seseorang. Bayangkan berapa duplikasi yang telah dibuat > untuk musik saluangko. Musisinya tak terima sepeserpun > dari kita yang telah menikmati karya mereka. Gindo Ajo Duta, Sacaro tak lansuang mareka lah manikmatinyo. Isi CD MP3 tu ambo salin dari 12 buah kaset tape player nan ambo bali dari toko babarapo tahun nan lalu dan tantu sajo sagalo seniman nan takaik jo produksi tu lah dapek royalti dari produser kaset nan manjuanyo. Khusus untuak salinan ko, co nan lah ambo lewakan, cuma untuak konsumsi pribadi, indak untuak dipajuabalikan. Tapi dek "eksperimen" ambo berhasil, ati angek, ambo ingin pulo adidunsanak jo anak kamanakan nan lain sato bagadang ati, dek saluang alun ado nan direkam dalam media CD baformat MP3 nan diproduksi sacaro komersial. Sasudah eksperimen tu, ambo lansuang pai ka salah satu produsen kaset lagu Minang nan paliang bonafid di Sumbar, yaitu Tanama Record nan kabatulan rang kampuang ambo, Sungai Pua. Lah ambo curitoan eksperimen tu, ambo agiahan contoh 1 CD, dan ambo mintak perusahaan ko mulai mamikiakan mamproduksi lagu Minang kalsik dan populer dalam media MP3 ko, sambia ambo sorongan sakali "galeh" ambo, yaitu, ambo amuah manarimo upah manyalin kaset-kaset baliau nan lah ado. Baliau nampaknyo tertarik, dan baliau salangan 15 buah kaset saluang dari etalase toko baliau dan sasudah nan iko salasai dan ambo sarahan CD MP3-nyo, baliau sarahan pulo 15 buah kaset lagu Minang populer Elly Kasim, Tiar Ramon dan Fetty. Nan iko lah sudah lo dek ambo, dan lah ambo agiahan pulo CD MP3-nyo ka perusahaan ko untuak contoh. Kini ambo sadang manantian jawaban konkrit dari baliau. Tantu sajo duo CD nan terakhir ko indak buliah ambo lewakan ka lapau ko, dan indak mungkin ambo salinkan untuak Gindo dan adidunsanak nan lain. Mudah-mudahan Tanama Record jadi mamproduksi MP3 lagu-lagu Minang dan kito bisa mambali lansuang di toko-toko musik, dan .... pasti seniman-seniman Minang nan takaik jo produksi dapek royalti dari Tanama Record. Tolong jo doa. Salam, mS RantauNet http://www.rantaunet.com Isikan data keanggotaan anda di http://www.rantaunet.com/register.php3 =============================================== Mendaftar atau berhenti menerima RantauNet Mailing List di http://www.rantaunet.com/subscribe.php3 ATAU Kirimkan email Ke/To: [EMAIL PROTECTED] Isi email/Messages, ketik pada baris/kolom pertama: -mendaftar--> subscribe rantau-net [email_anda] -berhenti----> unsubscribe rantau-net [email_anda] Keterangan: [email_anda] = isikan alamat email anda tanpa tanda kurung ===============================================
