Syukur Alhamdullah Buya, pintak buliah kandak balaku, lah sanang rasono dalam hati, lah sajuak rasono dalam kiro-kiro.
Di siko lah salah satu labogaleh kito duduak basamo di Lapau ko; labogaleh nan indak dapek kito ukua jo pitih. Kok ado nan paralu ditanyoan, lai dapek dipalegaan. Apo lai tanyo-tanyo nan agak sarik nan biasono tauruak gata-gata dalam hati nan banyak urang malu mangatangahkanno. Lamak siriah dikunyah-kunyah, lamak kato dipalegaan. Karano itu indak malu-malu lo Nyiak Sunguik mangatangahkanno dan mintak maoh ka Rang Lapau nan Basamo, kok tadangano agak ganjia tapi mukasuikno luruih tabuang... Mudah-mudahan ama kito batuka raso di Lapau ko dapek diredhai Allah Subhanahua Ta'ala dan salalu mambari kadamaiah hati Kito nan Basamo. Itulah tarawso rancakno filsafah nan panah ambo katangahkan dahulu di Lapau ko, "Samo-samo elo-maelo kan nan elok." FastabiqulKhairaat. Assalamualaikum warahmatullahi wabarakatuh, --Nyiak Sunguik --- In rantau...@yahoogroups.com, buyamasoedabidin <buyamasoedabi...@...> wrote: > > Wa alaikum salam, > Nyiek Sunguik Hambo Ciek di tapi ombak nan badabue, > di Santa kuruih nan indak namuak gapuak tu. > Maaf buya dipabanyak, > > Santano lapeh uluak wak kitoko alah salasai mangucapkan Assalamu'alaikum > salam terakhir shalat, nan jaleh indak kutiko sumbayang tu do, mako > sumbayang tu sah. > Nan dikatokan sumbayang tu kan manuruik pangajian awak nan alah galib no > iolah dari takbir sampai salam. Kan baitu Nyiek..... > > Mandoa sasudah salam indak tamasuak kapado wajib shalat tu doh. > Parabuatan awak tu tamasuak sunat sajo mangikuik anjuran Sunnah Rasulullah > SAW. > Kok nyampang lapeh uluak nantun kutiko sadang mambaco subhanallah, atau > alhamdulillah, atau Allahu Akbar, atau sadang mandoa bana, nan doa jo bacoan > dzikir awak tu shah tu nyo. Indak baa gai tu doh Nyiek..., taruih an selah > doa Nyiek Hambo nantun. > > Tapi kok di tanyoan nama nan labieh rancak, > mandoa sadang dalam uluak atau sadang indak ba uluak, > tantu jawabannyo yo elok sadang dalam ba uluak. > Tapi kok ditanyo sah ko doa sadang indak ba uluak, > jawabnyo sah sajo. > > Sakitu sen dek Buya jawab no Nyiek. > Tapi dek Mazhab tu banyak, > Mungkin ado ulama mazhab lain yang mambarekkan kapado kurang batarimo, > namun alun lah Buya basuo jo nan mambatalkan doa nan tun. > > Maaf dulu Nyiek, > Wassalam > BuyaHMA > > 2009/3/6 Hambo Ciek <hamboc...@...> > > > Assalamualaikum warahmatullahi wabarakatuh, > > > > Buya HMN, > > > > Dek Buya lai duduak di Lapau, ingin ambo batanyo. Kadang-kadang tanyo ambo > > tadanga agak ganjia sahinggo mungkin dianggap batea-tea. Tapi sabano serius, > > cuma jarang dikatangahkan urang dan mangatokanno nan agak taruih tarang. > > > > Sudah sumbayang tahajjud sajam sabalun subuah, uluak ambo masih ado jadi > > indak paralu bauluak lai untuak sumbayang subuah. Sudah azan subuah tadanga > > di komputer, ambo sumbayang sunat, sudah tu sumbayang subuah. Sudah tu baco > > do'a. Tapi, alun salasai mambaco doa lai, baru "alhamdulillah' nan ka > > duopuluah kalino (alun sampai tigopuluah tigo lai) ... , Lapeh Uluak awak, > > (jalehno manuruik istilah nan panah dipakai dek Rangkayo Hanifah Takantuik > > awak, sahinggo baliau komentari Nyiak Sunguk pangantuk ..:). > > > > Tanyo ambo ka Buya, dek karano uluak ko lapeh wakatu awak sadang mando'a > > tu, apokoh Do'a Sudah Sumbayang ko masih sah? Atau indak asih lai? Apokoh > > awak paralu bauluak baliak untuak manaruihkan doa tu? Wakatu lapeh uluak > > sabanta ko, ambo maambiak kasimpualan surang, memang karano awak sumbayang > > surang di rumah, indak di musajik doh, ambo taruihkan sajo mambaco doa. Apo > > lai dingin lo pagi-pagi ko. Alasan ambo: sumbayang kan lah salasai, bauluak > > nan wajib untuak sumbayang, kalau mambaco doa kan indak paralu awak bauluak > > doh. Apokoh kasimpulan jawab ambo surang ko bana atau tagurajai? Kok lai > > taleso tolong Buya tarangi. Tarimo kasih. > > > > Salam, > > -- Nyiak Sunguik > > Di Tapi Riak nan Badabua --~--~---------~--~----~------------~-------~--~----~ =============================================================== UNTUK DIPERHATIKAN, melanggar akan dimoderasi/dibanned: - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi di setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama - DILARANG: 1. Email attachment, tawarkan disini & kirim melalui jalur pribadi; 2. Posting email besar dari 200KB; 3. One Liner =============================================================== Berhenti, kirim email kosong ke: rantaunet-unsubscr...@googlegroups.com Daftarkan email anda yg terdaftar disini pada Google Account di: https://www.google.com/accounts/NewAccount?hl=id Untuk melakukan konfigurasi keanggotaan di: http://groups.google.com/group/RantauNet/subscribe =============================================================== -~----------~----~----~----~------~----~------~--~---
