Jaman baheula, jaman tai kotok dilebuan, Mang Lamsijan, urang Legokhangseur, munggah haji. Di Tanah Suci manehna kudu nyewa onta. Loba urang Badewi nu nanawarkeun ka Mang Lamsijan. Mang Lamsijan milihan mana onta nu pangalusna, ngarah afdol munggah hajina. Gok weh manehna manggihan onta nu hade rupa jeung ceuk urang Badewi ieu onta istimewa pisan, lumpatna tarik pisan, ngan aya syaratna, kudu make kalimah parentah kakara onta ieu teh daek leumpang. Kalimah parentah ieu teh : "Alhamdulillah".
Jle weh Mang Lamsijan, tumpak Onta, terus ngucapkeun "Alhamdulillah", belenyeng onta teh leumpang. Dibere deui parentah sakali deui, Onta beuki narikan leumpangna teh. Hayang leuwih gancang deui, diucapkeun sakali deui, wah .... beuki nyemprung, ninggalkeun nu sejen. Beuki loba ngucapkeun Alhamdulillah, Onta lumpat .....tarikna alahbatan mobil. Mang Lamsijan kacida sugemana, ontana lumpatna tarik. Sanggeus jauh ninggalkeun rombongan, Mang Lamsijan ningali dhareupeun manehna aya jurang nu lungkawing, tapi ieu onta angger we ngadurugdug lumpat. "Eureun Siah, itu dihareupen aya jurang", ceuk Mang Lamsijan ngagorowok bari sukuna nejeh kana beuteung onta. Tapi onta angger nyerepet lumpat, sigana eta onta henteu ngartieun basa Sunda. "Stop!", ceuk Mang Lamsijan nu beuki kaweur make basa Inggris saeutik. Tapi angger onta teh henteu daek eureun. Kesang tiis geus nyurulung, Mang Lamsijan teu bisa ngeureunkeun onta. Manehna poho teu nanyakeun ka Badewi nu boga onta, kalimah naon nu kudu diucapkeun, keur ngeureunkeun onta. Jurang beuki ngadeukeutan, Mang Lamsijan geus mereunkeun panon, pasrah rek tigebrus kana jurang, terus ngucapkeun : "Bismilah........" Na ari sreg teh onta eureun, pas pisan dibiwir jurang. Geuning kalimah parentah keur ngeureunkeun onta istimewa ieu teh kalimah Basmallah. Mang Lamsijan, ngarenghap panjang, hatena ngahaturkeun nuhun ka Gusti Nu Maha SUci, manehna salamet teu tigubrus kana jurang, Bakating ku muji syukur, manehna ngaharewos kendor : "Alhamdulillah, Gusti!" {Cik kumaha terusna?] Baktos, WALUYA http://groups.yahoo.com/group/baraya_sunda/ http://barayasunda.servertalk.in/index.php?mforum=barayasunda [Ti urang, nu urang, ku urang jeung keur urang balarea] Yahoo! Groups Links <*> To visit your group on the web, go to: http://groups.yahoo.com/group/Baraya_Sunda/ <*> To unsubscribe from this group, send an email to: [EMAIL PROTECTED] <*> Your use of Yahoo! Groups is subject to: http://docs.yahoo.com/info/terms/