Boas. Dende a Oficina de Software Libre xa fixeramos a tradución dunha das versións de OmegaT, cando foi do fiadeiro de tradución.
Daquela non sei se chegamos a liberar o proceso e sei que non chegamos a enviala aos desenvolvedores do mesmo. Agora estou eu a traballar na actualización e revisión da mesma e espero o antes posíbel, ter traducido o aplicativo e a web, pero vaime levar o seu tempo, xa que non lle podo adicar todo o tempo que quixera. A tradución para a nova versión de NetBeans, ocupa o meu tempo nestes momentos. Proxecto do que na súa web se vai a detallar a forma de colaborar e como se realiza todo o proxecto. Xa estou rexistrado nas listas do proxecto, tanto na de tradución como na dos desenvolvedores e se ninguén por aquí quere realizar o traballo, avísovos que o estou a realizar eu, non vaia ser que repliquemos esforzos. No meu caso, non é molestia, xa que é o programa co que realizo as traducións nas que colaboro. Pois nada máis, simplemente era para dar aviso. Unha aperta.