Mhozo ganv, Kudaim ganvkaram bhoxen keddna zatlo kai? Kudaimkarank xebaski dita titlich toddi zatli, Fonddem vattarant Kudaim ganvchea lokan Otumbrache 31ver Lok Sobheche pott-vechnnukecher bohixkar (boycott) ghalun ek itihas rochlo. Ekvottachim pallam ghott asot zalear konnemnuch tim uspunk zainant mhonn tannim Lok-Sobheche pott-vechnnuke (by-election) disa dakhoun dilem ani yer susegad Gõykarank zagrut zavnchem lisanv xikoilem. Mot divpacho ek povitr kaido punn mot diteleak vo nivddun haddtolo protonidi broxtarrachea chiklant bhuskelolo asa zalear, povitr mot divn bhoxttavop zalem nam?. Mhonnchem, onek torechem vhodd pap. Pokeo fogetti lasun ritea aidonacho avaz korun porjek fottovpache dis khobar zale mhonn Kudaimkaranim pott-vechnnukecher bohixkar ghalun ek lojechem thapott Gõychea fuddareancher vazoitanam, atam dor ek Gõykaran ap-apnnalea ganvant chotrayen ekvott samballpacho vell pavlla mhonnn ugddas kela. Kudaim Panchayat vangddeanim zomniche kuddke (plots) favo taka dinvk zai aslele tem soddun apnnalech ghorcheank dilele mhonn, Kudaim ganvkaranim dor ek Panchayat vangddeancher gherao ghalun tankam rajinamo divpa sarko kela. Hi tanchi ekvottachi buneadd pollevn ami kitem tori niallchem asa. Punn mhojea ani tujea ganvant vhodd akharachem chintop aslele Kudaim ganvkaram sarkele monis mellot kai? 2806 motdarank, sorkari odhikareanim vinonti kelli asatanam bi, ti tannim kannar ghenastanam mot divnk bhair sorle nant. Ani hachem karan mhonnlear fattim ganvkaram ani Tapobhomi vangddeam modim zalle kestanv mittovpak khoincheach rajkarnnean tankam adhar korunk nam. Nhoi mhonn nit mellunk tozvit keli nam. Zalear ami nivddun kaddlele fuddareancho faido koslo? Aplea svarta khatir amdar-montri eka pokxantlo kaddun dusrea pokxant vetanam tannem motdarsonghantlea loka thaim vicharunk zai. Oxem te kortat kai? Nam!!. Mollob ani zomin ekttaim zait punn hanv Kongressak kednach bhitor sorchonam oxem ulovpi amche fuddari, bhonkar khontt marun poisalear pasun anink don mar mhonn sangun portean tech pokxachem bhanxirem ghevn tondd puspi asat. Oslea fuddareank ganvant paim porian ghalunk dinvk favo nam. Ani oxem korpak Kudaim ganvche bhav-bhoinam thaim ami xikchem asa. Gõyant rajki mollavelem girgirem pollelear khoreanich amchea fuddareank totvam (principles) asat vo nam tem somzunk ghevpak chedddent muttpi lhan por porian zannam zavnk xoktelem. Ganvche Sorpanch, panch ani yer fuddareank aplea voten oddcheak, amdar-montri nadbudichim kepsulam (vach: poixeanchim bondolam) divn tanchea modim duspot korunk Indiechea mapar poilo zago Gõychea rajkarnneanim ghetlolo asa. Kudaim ganvchea loka porim ekvott ghoddunk yevpak amchea ganvchea fuddareankuch kidd lagleli asa zalear amchea ganvchi suddarnni ani boreponn khoim zatelem? Kaim vorsam adim Banavle motdarsoghant mhozo ek lagxilo soiro eka famad rajkarnnichea virudh Gõyche Vidhan Sobhechea vinchnnuk loddoipak ubo ravlolo. Mhagelea soireak 75 tokke Utoddde ganvchea lokan patimbo dillo. Punn dusre vatten ganvche 25 tokke borelo xezari ani ixtt amche dusman zale. Mhozo soiro venchnnukek toddeach motanim harlo. Virudh ravlelea umeddvarea thaim mhojea soirean eleksanvam vellaveli dusmankai visrun ekvottachi ani ixttagotichi soi keli. Punn ixttagott portean zhoddtanam dog-ainim Banavlechea motdarsonghatlea lokachem chintunk nam. Tankam lagun kaim ixtt aslele dusman zale. Bore xezari ghorabe eka mekak virudh kele. Ani aiz meren tem toxench urlam. Mhojea soirea thaim ek dis voilo prons kelo zalear tannem mhaka soroll oxem sanglem. Nhoi hanvem nhoi mhonn mhojea virudhi umedvaran amkam lagun tumi dusman zanvchem oxem kennach sangunk nam. Hanvem sanglelem itlench. Tumi mhaka nivddun kaddpak tumchem mot divnchem.
Ani oi! Mhojea soireachea utranim sot asa. Kiteak? In politics, no permanent friends nor enemies. Ani hem amkam dolle bhor dison yeta. Kudaimkaram bhoxen dor ek ganvant ekvott ghoddun ani aploch adav chintele ollxig fuddareank permanent out kele tor amchem mhellem politik sudortolem mhonn oxem mhaka toddem bhov dista. Lino B. Dourado http://www.goa-world.com/goa/poems http://www.mail-archive.com/cgi-bin/htsearch?config=gulf-goans_yahoogroups_com&restrict=&exclude=&words=Lino+B.+Dourado __________________________________________________ Do You Yahoo!? Tired of spam? Yahoo! Mail has the best spam protection around http://mail.yahoo.com