[Gulf Goans] Aicho Tiatr Koso Asa Ani Ascho ?

Tue, 13 Dec 2005 02:01:26 -0800

Aicho Tiatr Koso Asa
Ani Ascho?
 
Sonvsar. Sonvsarantle veglle-veglle des. Vegllea- vegllea desantlim vegllim-vegllim rajeam. Vegllea-vegllea rajeantle veglle-veglle ganv. Ganvantle veglle-veglle somaz. Hea somazachi veglli-veglli sonskrutai. Amchea Goeantuch ami nodor marlear amkam khub-xeo sonskrutaio distat. Kazarachea nimitan hokol-nhovreak ros lavop, ros laitana vers gavop, adi. Khub vorsam fattim, Goenchi anik ek sonskrutai asli ani ti mhollear zomnivele khell. He zomnivele khell, vorsam sorta toxe machier pavle ani tankam tiatr hem nanv dilem. Hech tiatrantlean, uprant khell-tiatracho zolm’ zalo.
Aicho tiatr oxem ami mhonntanv tedna ami tacho vichar ani niall don panv-ddeamni korum ieta. Poilo panvddo, aicho tiatr koso asa ? Dusro panvddo, aicho tiatr koso ascho?
Aicho tiatr, sadarikoronn-ache nodrentlean borech zotnaien aplem rup samballit fuddem sorla. Mhonnche sat podd’dde ani odim-modim kantaram asat tim azunui amkam aikunk melltat. Punn poilinchea tiatramni astalim toxim choddxim duetanchim, trikuttanchim, choukeanchim gitam amkam aiz aikopak mellonant. Mhunnonuch aichea tiatrank tea kallavelo rong ani nanv na. Kedna-kedna khorench ek boro tiatr pollela hachem somadanui bhogona.
Adlea tiatramni zo vinod astalo to tiatrantle kothek sombond zoddun tiatr fuddem vhortalo. Aichea tiatramni ho vinod tiatrache kothek zoddun asona. Adim zo tiatrache kothek sombond zoddun astalo to aiz side-show zala. Tiatrachi kotha veglli ani lokank hansounk vinod vegllo. Aiz tiatracho mukhel bhag mhunn mandlolo ho vinod choddxe pavtti nizacho asta kai na hacheruch niall korunk khubso vell ghalcho poddta.
Khubxe pavtti tiatrantlea hea vinodantlean lokak monantlean hansounche bodlek, lokuch tankam hanson mekllo zata. Aiz tiatrantlean body language vinod sumara bhailea unnea promannan mellta hem sot.
Aichea tiatramni nhestele kaim kolakar khub pavtti apli bhumika kitem, kosli zaunchi hem nokllo astana machier obhinoi kortana distat. Ap-apli bhumika kortana, zoim boball marpachi goroz na, thoimsor te gorje bhair renktat ani apnnem tiatr boroch gazoilo oxem somzotat. Zo kolakar machier bob marun obhinoi korina to boro kolakar nhoi, oso ek somzut amchea tiatr boroupeamni-digdorspeamni korun dovorla. Hea karonnak lagun, koleche nodrentlean tiatrachea dorjeak mar boslolo ami polletanv.
Aiche choddan-chodd  tiatr fokot ghorabeancheach proxnacher boroun sador kelole amkam distat. Protek tiatr ghorabeacheruch ani teach-teach proxancher adhar-lolo asa mhonntoch, monant ek proxn upzota – machier haddpa sarke somazant anik koslech proxn nant kai? Tiatr mhollear somazacho arso mandtat tedna, somazant anikui khubxe proxn asat tanchem-i poddbimb tiatran-chea madheomantlean disonk naka aslem? Aichea tiatramni disonk zai asloli bhaxechi sobai disona. Poilinchea kallar, J P Souzalin, Souza Ferrao, M. Boyer, adi. he tiatr boroun machier haddtale tedna tanchea tiatramni hi bhaxechi probhavik girestkai asloli mhunnonuch tanchea tiatrantlean lokak te zo sondex diunk sodhtale, to sondex rokddoch lokak bhavtalo ani avoddtalo. Dekhunuch, aiz porian hea nanvostea tiatr boroupeanchim nanvam amchea monant ghott ghor korun asat. Aichea choddxea tiatramni amkam nikttim utram distat mhollear otitai zaunchina. Tea utrank sahitik mol-nhesonn asona. Takach lagun tiatr ho sahitik asvad ghevpacho prokar aploch asvad-acho gunn ogddaun boslolea vori dista. Aichea tiatr vicharanche nodrentleanui unno poddlolo dista. Tiatr boroupi lokak sondex diunk (ho ekuch tancho hetu nhoi) je vixoi aplea tiatrantlean kelloitat te vichar tiatr polloupeancher vhoddloso probhav korinant. Teach khatir aichea tiatr polloupeank tiatr ho fokot kormonnuk zala. Tantuntlean tanchea monanchea vicharanchi bhuk bagona.
Zalear aicho tiatr koso ascho ?
Poile suvater tiatrachi borpavoll sahitik ani vicharik nodrentlean dorjedar aspachi bhouch goroz asa. Kiteak, eka tiatrachem 50 ttok’ke ies, bore borpavollicher dhorlolem asa. Borpavoll bori aslear, kolakarank obhinoi korpakui bori umedh ieta. Mhonnttoch, aicho tiatr borpavolliche nodrentlean, sahitik nhesnnan soblolo ani kholaiechea vicharamni toptoplolo asunk favo.
Aicho tiatr choddso Kristi somazuch polleta. Punn khuincho-i sahiteacho prokar omkeach somaza vo dhorma khatir asonk xokona. Khorem mhollear, sahiteak dhormachem bondon lagona. Tem heach vo teach somaza purtench asonk zaina. Dekhunuch, tiatr prokar Goenchea hindu ani musolman bhav-bhoinnankui oddun haddun tankam Kristi bhav-bhoinnam vangdda ekach mattva khala sangata bosoita toslo asunk favo.
Aichea tiatramni nizachem, Goenche matientlem, amchem oxem khas songit aspachi nibel goroz. Cholchitrantle vo inglez gitanche nad-sur kopi marun amchea tiatrank bosoitanv tedna konnache-i nodrentlean creativity-k poilo mar bostolo. Tiatrant Goenche matiecho vas ievpi songit asta tedna tiatr pollevpeankui to tiatr aplea kallza lagim asa koso dista, to taka odikuch ruchta.
Aichea tiaramni novea-novea kolakaranchim tonddam ani tanche gunn disunk favo. Aiz lok tiatramni novim-novim tonddam polleunk axeta. Tiatr boroupeam-ni-digdorpeamni obhinoiacho gunn aslolea novea kolakarank aplea tiatramni nachoupachi goroz asa. Tanchi kola fulounk ani kellounk tankam mozot divpachi goroz asa. Kiteak, tiatr ho nove pillgen fuddem vhor-pacho bhar ghevnk zai. Aiche kolakar sodamkal machier urche nant.
Ani sorvxevttim, tiatr prokar ho pustokachea rupan chhapun ieunkuch zai. To fuddle pillge khatir rakhon urpachi goroz asa. Pustoka vorvim rakhun dovorlolem amchem daiz konnuch chorun vhorunk xokchona, ani tontrik nodrentlean kitli-i udorgot zali zalear legit pustokachea rupan uzvaddailolo tiatr matui porno ani mhotv naslolo tharchona.     
(GULAB-achea upkarant)
 

GULAB
Sthapnnar Sompadpi ani Uzvaddavpi:
Sorgest Fr. Freddy J. Da Costa
Sompadpi:
Fausto V . Da Costa
Sompadpi Somiti:
Prof. S M Borges
Soter R Barretto
Marcos Gonsalves
Protinidhi:
Mumboi: Fausto V. Da Costa, Tel. 22630139
Kuwait: Jose Antonio Gracias, Tel. 6064772
Res 4349830 (Code 00965)
Bahrain: G. R. Crasto, Off. 291166 Res. 296613
D. Goem: Fabian G. da Costa Tel. 2735379
 
Vorsachi Vorgonni
Goeant ani Bharotant 200 Rupia
Videxant ani Golfant 600 Rupia
 
Xhapkhanno:
Plot 85, Phase II C,
Verna Industrial Estate,
Verna, Salcete, Goa, India
Tel. 91-0832-2782413, 2782416 & 2782431
 


This first of its kind Gulf-Goans e-newsletter archived at www.yahoogroups.com/group/gulf-goans is dedicated to Goans around the Globe and is moderated/edited by Gaspar Almeida (since 1994) and presented by Ulysses Menezes, owner of http://www.goa-world.com website.

GOENCHO ULO - New Konkani Fortnightly in Romi script
- First issue hit the stand on 24-Nov-2005.
To know more about it, contact : AMCHI BHAS PROKAXON c/o Diamond Publications, Rua de Natal, Fontainhas, Panaji-Goa. 403 001 India.
Ph. 9226287330, 9822982676 [EMAIL PROTECTED] or [EMAIL PROTECTED]

EXPRESSIONS - The Flower Shop (Goa) www.goa-world.com/expressions/
THE GOAN FORUM www.colaco.com
SUPERGOA www.supergoa.com

Yahoo! Shopping
Find Great Deals on Holiday Gifts at Yahoo! Shopping

http://www.goa-world.com
http://www.live365.com/stations/61664 Live Konkani Music
http://www.mahableshwar.com/


Addresses:
Post message: gulf-goans@yahoogroups.com
Subscribe: [EMAIL PROTECTED] 
Unsubscribe: [EMAIL PROTECTED] 
List owner: [EMAIL PROTECTED]
URL to this page:
http://www.yahoogroups.com/group/gulf-goans




YAHOO! GROUPS LINKS



Reply via email to