Salaam. Ieu aya seratan numutkeun kuring mah alus. Manawi tiasa janten obrolan :-)
Kolom Basa Sunda: Allah Anu Maha Welas tur Asih OPINI | 20 November 2012 | 12:48Dibaca: 40 Komentar: 0 Nihil Komunisme ngadeg dina tatapakan atheism. Seja nyingraykeun hal-hal anu supranatural dina kahirupan. Seja nyieuhkeun pangaruh hal-hal ghaib dina alam realita, arek ngajebloskeun niley jeung pangaruh Kailahiyan di alam dunya. Sakapeung sok aya anu nyaruakeun antara Komunisme jeung Atehisme, ditambah jeung sosialisme. Ku kacamata basa oge memang beda, tapi kahirupan teu saukur ditenjo ku kaca panon lahiriyyah, aya niley-niley substansi antara hiji hal jeung hal anu sejenna silih rojong, korelasi antara A jeung B bisa mungkin ngawujud. Siga tilu paham tadi. Substansi utama paham-paham di dunia ngan ukur dua. Kahiji, Paham anu ngadeg dina tatapakan Kailahiyan, sagala rupa , kahirupan jeung asal muasal manusa jeung alam dunya teu bisa leupas tina pangaruh causa prima, hiji hal anu Maha Agung anu jadi Catur utama. Kadua, Faham anu ngadeg dina tatapakan kaduniawian, akliah, rasio, miceun causa prima, boga pamadegan lamun ieu alam teh ujug-ujug aya, euweuh anu nyiptakeunna. Ayana jalma, suku bangsa, mangrupa hiji proses evolusi. Intina, euweuh anu kudu disembah dina kahirupan ieu, kajaba ti rasio. Hal ieu pisan anu jadi matak ramena alam dunya teh. Ku sababaraha ahli pikir ti Timur Tengah samodel Sayyid Quthb dunya teh ngan dieusi ku dua kutub kahirupan, jahiliyyah jeung Islam. Salian ti Islam eta hartina Jahiliyyah. Jauh samemeh Quthb, Aquinas nyebutkeun lamun kahirupan teh sarua ngan ukur dua, nu dipinuhan ku potensi kajahatan jeung potensi kaalusan. Antara nilai-nilai kailahian jeung kaiblisan. Lamun neuleuman kalawan jero, kahirupan samodel kitu siga ngagambarkeun lamun dunya teh ladang perang, saukur tempat perang antara golongan ieu jeung golongan itu. Geus jadi kawajiban ka saha bae anu aya dina medan laga kudu milu anclub, resikona dua antara hirup mulia atawa maot syahid. Nalika geus euweuh musuh oge, anu dipika paur da kusabab cara mandang kahirupan samodel kitu, antukna, maranehna nyieun setan-setan anyar anu kudu diperangan. Golongan anu percaya ka pangeran, bari maranehna nyoba mindahkeun seuneu naraka ka alam dunya, keur ngagodog jalma-jalma anu anti ka pangeran, sarua wa geus ngajauhkeun pangeran dina kahirupan. Atuh pantes, di tungtung abad ka 19, Nietczhe mroklamirkeun, Pangeran Geus Perlaya. Da dipateni ku kasarakahan manusa keur nanjeurkeun ngaran Pangeran sorangan. Sabaraha juta jalma jadi korban kusabab ngaran Pangeran dibabawa kana perang? Sabaraha juta budak teu tuah teu dosa perlaya kusabab perang dina raraga nanjeurkeun kayakinan. Sabaraha budaya jeung kearifan local ditumpurudeskeun kusabab teu saluyu jeung kayakinan pangawasa?. Leo Tolstoy pernah mere pepeling ka Rielka, “ Allah teh deukeut jeung jalma, tapi kusabab sikep deet jeung boroholna jalma saolah-olah Allah asa beuki jauh tina kahirupan.” Aya benerna, lamun Allah leuwih deukeut ka jalma tibatan urat beuheung, geus kudu jadi hiji kaniscayaan, asah jeung asih Allah teu bisa diwilah-wilah ku jalma jeung ku hiji golongan. Alesan-alesan, lamun ngaran Pangeran geus jadi hal anu ngalantarankeun bijilna peperangan papada manusa, dijadikeun dalil kuat keur sabagean jalma anu teu percaya kana ayana Allah. Ngan, perang anu saestuna, teu saukur kusabab dibawana agama jeung ngaran pangeran kana kancah perang. Perang nu lumangsung dina sapanjang sajarah manusa teu bisa dipisahkeun jeung nu ngaranna kakawasaan. Agama , Allah, Jihad, Perang Salib, ngan ukur dijadikeun propaganda keur numuwuhkeun wawanen dina nyanghareupan musuh. Padahal: dina kitab suci jentre dijelaskeun: Jihad ku harta jeung jiwa anu utama mah. Intina, perang jeung silih tandasana jalma teh kusabab kasarakahan kakawasaan. Timbulna ruh hegemoni ti kelompok domain ka kodomain anu kacida pisan dilarangna ku agama. Naon sabab? Agama ngalarang ha leta sabab, lamun kahirupan geus didominasi ku kodomain moal aya anu ngaranna kaadilan. Nu beunghar beuki beunghar nu miskin beuki rupek. Moal aya dalil rek Aqli atawa Naqli anu ngakelaskeun lamun urang salaku manusa diwajibkeun nyerang teu pupuguh ka batur. Di era pasca revolusi industri, jalma-jalma anu ngiblatkeun dirina kana rasionalisme emprak bari ngacungkeun leungeun. Bukti lamun pangeran ngan saukur dzat rekayasa manusia lain saukur teori tapi kabukti ku bijilna teori-teori hasil olah pikir manusa lain hasil tina ngaji kana kitab-kitab wahyu. Hanjakal, sikep samodel kitu geus mawa kana kasombongan anyar. Jalma-jalma beuki umaku jeung rumasa geus jadi pangeran kana dirina sorangan. Tungtungna, jalma beuki resep sili jejeleh, silih ledek, jeung silih hina tibatan silih pikanyaah. Klimaksna, Perang Dunia I jeung II, disusul ku perang-perang di sababaraha tempat, sok sanajan ukuranna leutik tapi mawa pangaruh gede kana lumangsungna kahirupan jeung eksistensi manusa. Keun keur anu percaya kana ayana pangeran bari ngajadikeun pangeran salaku pakakasan keur nyumponan kayangna. Keun oge keur jalma anu teu percaya ayana pangeran. Anu jelas, urang mah, sakumaha ceuk ajaran anu bener kudu percaya kana ayana pangeran. Jauh jeung deukeutna teh ditangtungkeun ku sikep urang-urang keneh. Dina hiji mangsa, sanggeus nepungan Leo Tolstoy, Rielka –kusabab inti ajaran Islam Judaisme mangaruhan kana dirina nulis hiji kalimat; Allah kacida deukeutna ka manusa, ngan manusa sorangan anu nyiptakeun pangeran saolah mikaceuceub ka manusa, resep mere adzab jeung siksaan ka manusa. Keur dunya sufisme, aya hiji carita sanajan lucu jeung bodor tapi ieu mangrupa hiji hakekat lamun ayana Allah teh kudu bener-bener diteuleuman kalawan jero. Dina hiji mangsa, Nasrudin Hoja kadangan semah. Eta sewah sasadu : “Menta sidkahna, kuring can dahar ti isuk!” Ku Nasrudin ditungtun, diajak naek kana suhunan imah. “ Rek naon?” Tanya Si semah. “ Hayo atuh, menta mah ka Pangerah.. sok!” Jelas, dina eta kisah. Kusabab kaMaha welas asihan Allah, teu pantes hiji jalma gede hulu bari umaku lamun aing asa uyah kidul. Padahal, Allah sorangan geus mere pituduh yen diriNa dipinuhan ku sikep welas jeung asih.[ ] http://sosbud.kompasiana.com/2012/11/20/kolom-basa-sunda-allah-anu-maha-welas-tur-asih-509651.html -- http://www.kompasiana.com/ahsa ------------------------------------ Yahoo! Groups Links <*> To visit your group on the web, go to: http://groups.yahoo.com/group/kisunda/ <*> Your email settings: Individual Email | Traditional <*> To change settings online go to: http://groups.yahoo.com/group/kisunda/join (Yahoo! ID required) <*> To change settings via email: kisunda-dig...@yahoogroups.com kisunda-fullfeatu...@yahoogroups.com <*> To unsubscribe from this group, send an email to: kisunda-unsubscr...@yahoogroups.com <*> Your use of Yahoo! Groups is subject to: http://docs.yahoo.com/info/terms/
