Ass,wr,wd. Adinda Af atawa Wady (maa nan kalamak ?, itu se nan awak panggia). Ado2 sajo garah nan adinda buek, ampek garah maleo itu sangaik cocok di kehidupan kito di palanta ko. Mudah2an lai indak ado doh nan kanai panyakik maleo tu baiak maleo tahap pertamo maupun kaduo, katigo apolai tahap nan kaampek. Nan labiah sansaronyo bilo tibo kusuik kasetnyo dek aki lah suak tadi, tambah kacau jadi. Mandanga lagu indak jadi, kaset rusak dan nan ditakuikkan lagi tep nyo pulo nan rusak. Ka sansai badan awak kasadonyo.
Selamat kembali lagi di Palanta ko, semoga Af atawa Wady tetap eksis dengan keragaman seni dan garahnyo (asa lai indak garah kudo, apo lai garah ka ugamo kito). Salamaik. Wassalam, M.St.Bangasawan (47 satangah th) Rang Sulik Ayie di Bumi Sriwijaya > Salah surang mamak kito nan mananggapi tantang diri ambo, > mangatokan bahaso baliau agak cameh, beko jan ambo mangaji pulo > "maleo-leo". > > Ambo raso tantu dunsanak indak kasadonyo nan tau apo arati dari > kato "maleo" tu? > > Baiak lah, ambo cubo jalehkan arati kato "maleo" manuruik > pangaratian ambo (ambo indak anak Unand do dunsanak, maaf se > dipabanyak jikok ambo alun bisa mambuek sarupo urang kampus nan > keceknyo "kaki bacataik" tu.) > > "Maleo" adolah suaro tip nan sadang mamuta kaset, tapi karano > baterai atau aki-nyo alah abih, mangko lagu nan baputa tu indak > taratur lai kacepatannyo. Putarannyo tu malambek, mangko lagu > nyo tantu ndak lamak didanga lai, karano bunyinyo alah "maleo". > > Saumpamo, lagu "Mudiak Arau" diiduikkan di tep (tape recorder) > nan baterainyo baru, atau akinyo baru sudah ba-cas, mangko suaro > nan dapek didangakan tantu rancak, kacepatannyo tatap, namuah > angguak-angguak balam mau awak dinyo; > > ==== > Anak urang.... Sabuik Andaleh... ndeh mamak oi.. > Singgah ka rumah... si Sutan mudooooo (nan o-nyo bagaya-gayakan > turun naiak suaro tukang dendangnyo) > Si Sutan Mudo.. > > Bia abih.., bialah tandeh ndeh tuan oi > Ati den kanai, kabaa juooohoooo ka baa juo... > > > Indak dapek, musim basiang ndeh tuan oi > Musim manuai..., den nanti juooohoohohoo den nanti juo > > Indak dapek.. Katiko Bujang ndeh tuan oi.. > Baranak ampek..., den nanti juooohohoooho den nanti juo... > ==== > > Baitu kiro2 lagu "Mudiak Arau" nan banyak didendangkan urang tu. > Tantu sonang mandonganyo jikok kaset baru, tep baru, aki baru > sudah ba cas pulo. > > Jikok awak iduikkan jo tep nan mamakai aki usang (nan alah > suak), tantu balain bunyinyo daripado nan tadi. Mungkin lagu > "Mudiak Arau" jadi cando iko dinyo: > > ==== > Aaaannauuwwaaakkk uraaannggg saabuikkkk annndaaaleeehhhh > ndehhhhhh tuaawannn oiieiiaweiii > Singgaaauwwwaahhhhhh kuwaaaauwaa rummmiauuuawahhhhhh > siuwie suwuotannn miudeioooooooooouowewaheoooo > > ==== > > Baitu kiro-kiro bunyi kaset nan alah maleo tu. Rancak indak ambo > surekkan bana kasadonyo, namonyo se lagu maleo, sia lo nan ka > namuah mambaco tulisan lagu maleo sampai abih, jadi rancak ambo > stop sampai situ sajo. > > Nan maleo ko tantu batahap tahap pulo, dunsanak. > > 1. Maleo tahap partamo: > iko lai maleo saketek baru. Ndak baa juo didanga agak sakarek > ari lai. > > 2. Maleo tahap kaduo: > iko alah mulai bacilakuik bunyinyo. Matikan sajo lah tep > jikok awak kanai panyakik darah tinggi. Sabab lagunyo nan > tadanga bakcando urang malagu sambia mancimeeh. > > 3. Maleo tahap katigo: > iko iyo ndak jaleh nan kadidanga lai. Urang nan malagu bak cando > iduik sagan mati ndak namuah. > > 4. Maleo tahap ka ampek: > alah ciek ciek suaro nan dapek didanga lai. Alah bakcando > "sakratul maut" tu suaro kasetnyo. Ambo raso, indak ado gunonyo > dipasokan mandanga lagu tu lai. Rancak anta-kan aki tu capek ka > tukang cas baliak. > > Urang2 kini, nan indak mangenal maiduikkan tep jo aki, tantu > ndak ka tantu dinyo apo tu suaro "maleo" tu lai. Dek karano kini > alah sagalo jo listirik. > > Dek karano itulah ambo jalehkan baliak arati kato "maleo" tu > disiko. > > Mudah2an bamanfaat. > > Wassalam, > Wady Afriadi (30 th, 6 bulan) ____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ------------------------------------------------------------ Tata Tertib Palanta RantauNet: http://rantaunet.org/palanta-tatatertib ____________________________________________________
