At 10:25 AM +0800 8/4/00, [EMAIL PROTECTED] wrote:
>Assalamualikum WW,
>Memang hanyo saketek urang nan tahu kalau ado daerah tatantu di pagaruyung
>yang indak ba suku.
>bahkan urang pagaruyuang ado yang indak tahu.Tapi kami tatap punyo datuak.
>Aneh kan??
>
>Gambaran ,
>Untuak saat kini ko ado 7 Desa di Pagaruyuang,
>3 diantaronyo adolah,
>Desa Gudam ----> dulu tampek Rajo Alam
>Desa Kampaung tangah ---> Rajo Adat
>Desa Kampaung Tangah ---> Rajo Ibadat.
>
>Dari carito uang tuo-tuo,urang yang asli dari daerah itu indak ado sukunyo.
>tapi ampek desa yang lain ado sukunyo (selayaknya urang minang).
>Dulu memang ado urang pagaruyuang mambuak Skipsi masalah iko (tapi waktu
>itu ambo masih ketek).
>Sabatuahnyo ambo alah mancari info iko,tapi jawabnyo beda beda....
>
Nah, iko paralu disigi bana. Dek lah katangah dek Urang Pagaruyuang tu
bana, iyo ingin kami mintak panjalehan karano iko mungkin marupokan tambo
nan labiah kusuih. Salamo ko dalam Tambo Minangkabau nan kito tahu posisi
Rajo nan Tigo Selo tu adolah:
Rajo Alam di Pagaruyuang
Rajo Adat di Buo
Rajo Ibadaik di Sumpu Kuduih
Sadangkan pado tingkek kabinetnyo:
Bandaharo di Sungai Tarab
Indomo [kurang jaleh apo arati kato atau peranan titel ko] di Saruaso
Tuan Kadi di Padang Gantiang
Tuan Gadang di Batipuah.
Baiak dalam literatur nan sampai ka tangan ataupun wakatu ambo sempat
batanyo-tanyo jo baliau-baliau di Saruaso saisuak, indak panah tabayang doh
adonyo Rajo Adat jo Rajo Ibadat di sekitar "desa-desa" di Pagaruyuang tu.
Wakatu tu (1960'an) malah indak ado status "desa" ko doh. Baitu juo dalam
Adat Monograaf (tolong caliak sakileh Angku Bandaro), rasonyo indak pulo
disabuik-sabuik tantang rajo-rajo nan duo ko doh. Kalau memang alah ado
nan mangatangahkan soal ko dalam thesis atau skripsi, iko sabana paralu
diteliti baliak untuak mancaliak baliak (Rethinking of Minangkabau Tambo).
Salam,
Nyiak Sunguik
X____________________________ Sjamsir Sjarif
Indonesian Translator and Cultural Consultant
Tel. (831)-426-1333 Fax (831)-426-8907
Email: [EMAIL PROTECTED]
Web Page: http://www.usindo.net/hambo
************************************************************
Mailing List RantauNet http://lapau.rantaunet.web.id
Database keanggotaan RantauNet:
http://www.egroups.com/database/rantaunet?method=addRecord&tbl=1
=================================================
Mendaftar atau berhenti menerima dari RantauNet Mailing List, kirimkan email
Ke / To: [EMAIL PROTECTED]
Isi email / Messages, ketik pada baris/kolom pertama:
- mendaftar: subscribe rantau-net [email_anda]
- berhenti: unsubscribe rantau-net [email_anda]
[email_anda] = isikan alamat email anda tanpa tanda kurung
=================================================
WEB-EMAIL GRATIS ... @rantaunet.web.id ---> http://mail.rantaunet.web.id
-------------------------------------------------------------------------------------------------
WebPage RantauNet http://www.rantaunet.web.id dan Mailing List RantauNet
adalah servis dari EEBNET http://eebnet.com, Airland Groups, USA
=================================================
