Wilujeng siang Teh Iva, usum naon di Bandung yeuh...? Abdi mah nuju hareudang ieu teh:D
He...he... duka atuh nya, geuning ka nami Gilang teh seueur nu nginten pameget. Asli Teh Iva, nami Gilang teh nami abdi pamasihan ti sepuh, lengkepna mah Srirochmat Gilangtresna:) Pami pun anak mah namina teh Ridzaldi Aqlian Achmad, nenehna Iyan. Emut kapungkur ka kost-an aya adi kelas nu milari, saurna teh "Mau nyari Mas Gilang". Euleuh... meni watir pada ngagumujengkeun, da puguh pan si adi kelas teh lebet ka kost-an istri. Teras basa abdi SMA aya nu nyeratan, murangkalih SMP ti Bandung. Saurna teh ningali nami abdi di Mangle, nya der we anjeunna ngintun serat. Istri tah nu nyeratan teh, nya diwaler we sapertos biasa. Eeh... lami2 bet asa araraneh eusi seratna teh. Beu geuningan naksir si Eneng teh:D Dikintenna abdi teh lalaki. Betty la Fea? Kapungkur mah sok nonton tah Telenovela Betty teh. Mung kabujeng mios ka Jepun, janten teu terang kumaha tamatna:D Muhun Teh Iva, abong jalmi ngagaduhan sifat teu puas. Ibaratna mah dipasihan sajeungkal kalahka nyuhunkeun sadeupa (sadeupa atanapi sadepa kitu?). Punten, ari saur abdi mah kirang bersyukur eta teh. Ningali batur irungna mancung, der dioperasi ngarah sami-sami mancung. Hoyong mancung mah atuh kantun dicapit we ku jepit paragi popoe:D Nu tiasa ngamancungkeun pangambung teh Pa Haji Djeje kitu, atanapi Pa Haji Tjeje? Hilap deui abdi ge. Tah pami soca mah sigana teh sanes urang Cina wae nu resep ka soca buleud teh. Sakaterang abdi mah urang Jepun ge sami. Pami ningalan komik Jepun sareng film kartun Jepun, seueur nu ngagambarkeun tokohna bermata bulat & besar. Mata indah bola pingpong...:) Pun anak ge nu panonna teu buleud2 teuing, sok pada ngaeuleuh-euleuh ku urang dieu mah. Pajarkeun teh "oki me..." (oki=ageung, me=soca). Salam, Gilang --- In urangsunda@yahoogroups.com, iva wanti <[EMAIL PROTECTED]> wrote: > Kang....eh Teh Gilang punten da abdi ge sami manawi teh pameget ari sihoreng istri. Panginten nami gilang teh nami putrana nya.....:) > > Leres nya teh henteu geulis atanapi kasep ari tos kolot mah da geulis sareng kasep ge moal katingal deui. Tangtos wae eta teh sigana salah sawiosna ngudag supados langkung geulis. ==========================diteukteuk sapalih========================== Komunitas Urang Sunda --> http://www.Urang-Sunda.or.id Yahoo! Groups Links <*> To visit your group on the web, go to: http://groups.yahoo.com/group/urangsunda/ <*> To unsubscribe from this group, send an email to: [EMAIL PROTECTED] <*> Your use of Yahoo! Groups is subject to: http://docs.yahoo.com/info/terms/
