Kang Oman oge baraya sanesna
...
tempat sakola kuring di dieu - universitas
gifu, dikurilingan ku sawah, ngan teu pati apal, naha baheulana urut sawah atawa
lain mah, ngan mun ditempo tina kaayanna nu datar, sigana urut sawah oge.
hubungan sumanget nyawah di sakola,
anu katempo ku kuring mah kieu, di dieu aya jurusan pertanian. aya urang
Indonesia, di pertanian jurusan ilmu tanah, panalungtikanna teh ngeunaan pupuk
tina gabah. manehna nyieun petak-petak sawah teh ku sorangan, ti mimiti nepi ka
panenna - duka ari jurusan pertanian di urang siga kitu oge. jadi nu disebut
mupuk misalna, ti mimiti nyampur bahan nepi ka prakna ku sorangan. ceuk manehna,
basa mimiti mah sok hayang ceurik cenah - kabeneran istri - da basa di indo mah
tinggal menta tulung wae ka emang-emang, ari di dieu kudu prak sorangan sagala
rupana.
nu beda di dieu, sawahna teh bentukna
kotak pisan, lalempeng, tacan ningali galengan anu pungkal pengkol, keur mah aya
galengan utama nu diaspal. ari sugan nu sakotak teh nu sorangan, pek teh aya nu
nu duaan, jadi cenah asalna sawahna oge siga di urang, ngan dumasar kana hasil
panalungtikan kudu kotak bentukna, ngarah hasilna mucekil, nya patani teh nurut
- teu kabayang mun di urang, malah sok rame pasea pedah aya mindahkeun
galengan.
ari nu tatani mah, asa teu beda jeung di
urang, lolobana nini-nini jeung aki-aki keur sawahna mah, ngan upama keur
palawija - agronomi kitu mah loba oge barudak ngora. bedana deui, di dieu mah ka
sawah teh kana mobil.
hubungan nyawah jeung sakola ? kuring teu
pati apal, ngan teu saeutik budak patani nu sakola laluhur, ka sakola kana mobil
mewah jeung sajabana. di dieu nu ngurus asrama kampus, matsuoka san, patani
oge, manehna digawe teh lain perlu ku duitna, ngan cenah hayang "bergaul" jeung
urang asing, malah dua minggu kamari karek mulang jalan2 ti singapur, malaysia
jeung thailand - henteu ka bali mah, kaburu aya bom tea. ceuk panempo kuring
mah, di dieu keur nyakolakeun budak teu perlu ngajual sawah, malah kudu ngolah
sawah.
heup ah .. bisi panjang
teuing.
baktos,
budhi
oritate permai
Komunitas Urang Sunda --> http://www.Urang-Sunda.or.id YAHOO! GROUPS LINKS
|