Kanggo baraya kusnet sadaya, ieu minangkanamah nuju diajar corat coret ngadamel sajak. Kapihatur ah! :)
Kasurti Diri
Miluruh harepan na galur nu teu weleh surti
Ngareka ngabaca diri
Neang wanci nu pasti
Ayana kaheman
Dina lampah laku
Nyiar sarupaning Ruruntuk uteuk
Sakapeung imut aya cahayaan
Sakapeung cakueum
Lir ibarat jomantara kabaseuhan kakeueum cai
Nu maruragan, niiskeun sing saha bae nu halahab
Ku pakepukna rasa, ku simpena basa
Humandeuar!
Lain!
Lain! Lain kuring teu tumarima
Lain kuring teu apal
Lain kuring teu surti
laku
Lain kuring teu ngarti basa
Lain pedah beda
Lain pedah umur
Lain! Teu pisan-pisan
Lain kuring teu atoh
Lain kuring teu asa kagunturan madu
Kakeclakan menyan bodas
Dipiharep ku anjeun
Lain maksud kuring nguciwakeun
Dalah kuring oge ngaji diri
Kuring lain wanoja luhung elmu tur hade pangadeg
Kuring lain istri pinilih komo siga istri
Nabi
Ngan numatak pedah kituÂ…
Kuring keur diajar ngamumule hiji hate
Diajar ngamumule rasa nu sanyatana
Mastikeun jalan
hirup
Ukur ka manehna!
Biru Laut, 14 Desember 2005, 5.00 sonten
Baktos,
-eeya-
Yahoo! Shopping
Find Great Deals on Holiday Gifts at Yahoo! Shopping
Komunitas Urang Sunda --> http://www.Urang-Sunda.or.id
YAHOO! GROUPS LINKS
- Visit your group "urangsunda" on the web.
- To unsubscribe from this group, send an email to:
[EMAIL PROTECTED]
- Your use of Yahoo! Groups is subject to the Yahoo! Terms of Service.
