Masih aya terasanana? Enjing wae nya bah, dilajengkeunna? Tos sonten yeuh ek siap-siap balik
Jadi panasaran euy .. .. .. Hepi ending teu?
-wass- bowie
-----Original Message-----
Poe kalima, ti saprakna kang Deden leungit, rombongan SAR mangkat ka lokasi. Kuring ngiclik tukangeun. Di sisi jalan kuring tempa-tempo. Loba tapak sato, tapakna galede. Tanaga lokal nu bareng jeung kuring ngomong, eta tapak ontohod (biruang). Anyar keneh, cenah, paling oge peuting ngaliwatna. Kuring ngagebeg, lamun tadi peuting kuring maksa indit ......wah meureun pasanggrok jeung mangkeluk ieu teh.
Waktu tepi ka kemah, kasampak tim kuring geus kumpul kabeh. Kaasup nu misah waktu ngamimitian survey. Jang Tatang adina Kang Deden geus aya didinya. Atuh nu minangsraya ka katurunan Sultan Sambas oge geus datang tiheula. Tim SAR langsung nyisir lokasi. Ari kuring mah tetep di kemah. Herwan nu ditugaskeun ka karaton Sultan Sambas, nembongkeun botol eusina cai, meunang ngajampean ku turunan Sultan Sambas. Eta cai teh kudu diawur-awur di lokasi. Ceuk kuring teh, geura awur-awur atuh cai teh. Nya diawurkeun, wur .....wur .....kaditu-kadieu, mudah-mudahan Kang Deden kapanggih tur salamet.
Tepi ka sore, Tim SAR apruk-aprukan neangan, weleh kang Deden teu kapanggih. Operasi SAR, kapaksa dieureunkeun heula, kaburu peuting. Ti pepeuting aya Kopral ngajak ngobrol. Urang Jawa. Manehna kacida hormatna ka Pa Ampi. Ceuk manehna Pa Ampi mah urang Banten, teu teurak ku pelor. Waktu di Timtim oge, batur mah dararepa, pa Ampi mah nembak teh nangtung we. DOngeng Kopral ieu, teu ditaroskeun deui ka Pa Ampi. Maklum kuringna ge keur tagiwur, teu puguh pipikiran.
Poe kagenep, neangan Kang Deden, dipaju deui. Tapi tepi ka sore, teu ngahasilkeun nanaon, kitu deui poe katujuh. Pa Ampi di poe katujuh, mimiti nyebat-nyebat ayana mistik, kakuatan gaib. Ceuk cohagna mah Kang Deden teh ku jurig. Teuing kumaha, ngareungeu kitu, meureun kuring geus frustasi, kuring ngomong satengah ngajorowok, make basa Sunda :"Lamun aya jurig didieu, geura hol sia hareupeun aing, aing moal sieun ku sia!"
Pa Ampi molohok ka Kuring, kuring ge ngagebeg naha bisa ngomong kitu. Tapi da geus kaluar omongan, nya hate teh pasrah we, upama wae aya mangkeluk gaib anu datang. Peutingna euweuh kajadian naon-naon, sanajan rarasaan teh leuweung asa beuki rame ku dedengean. Aya sora nu siga awewe nyikikik, aya sora nu gegereman bareng jeung sora kai nu potongkeun. Pokokna rupa-rupa dedengean.
Kuring murungkut dibulen sarung, rada hemar-hemir ku omongan kuring tadi sore. Keur kitu, korosak, cenah aya sora dikolong kemah. Ceuli kuring dirancung-rancung, kokorosakan beuki jelas kadengena. "Ah ieu meureun jurig teh", kuring beuki sawan. Kop kana senter, beungeut babaturan nu keur sarare, disenter, keur nyalalegrek sare. Kuring nempo kaluar kemah, poek meredong. Senter disorot-sorotkeun, euweuh nanaon. Na ari barang disorotkeun ka kolong tina liang nu melenge, kuring ningali aya panon hurung dikolong kasorot senter. Ngagebeg, tadina rek ngagorowok, ngan pikiran jalan keneh. Sato ieu mah, lain jurig, sabab panon sato lamun kasorot lampu, sok hurung. Panon nu hurung teh ngiles, dibarengan ku sora korosak-korosak ngajauhan. Alhamdullilah tepi ka isukna deui ....euweuh kajadian nanaon.
Baktos, WALUYA
Komunitas Urang Sunda --> http://www.Urang-Sunda.or.id
SPONSORED LINKS
YAHOO! GROUPS LINKS
__,_._,___ |
- RE: [Urang Sunda] Neangan anu Leungit (3) Hari Wibowo