Aya dua sobat dalit tileuleutik. Nu kahiji panon na lolong tapi awakna bedas, jagjag tur waringkas, Nu kadua lumpuh tapi panon na awas jeung cekas. Ieu dua sobat lamun kamamana estuning paduduaan wae, lamun ceuk budak sakola teamah simbiosis mutualisme cenah, pedah biasa iinditan bareng ku cara nu lolong ngagandong anu lumpuh. Ari nu lolong salaku supir, sedengken ari nu lumpuh jadi navigator na (naonnya ari basa sunda na navigator baraya?..). Dina hiji mangsa, basa poe minggu isuk-isuk rek mariluan senam ka alun-alun maranehna meuntas jalan raya. Keur asoy-asoy ngalenghoy na meuntas, dumadakan aya nu numpak motor bari teu dihelm mangpreng ngebut sataker kebek. puguh we atuh nu lumpuh teh jadi reuwas, rumasa dipercaya salaku navigator nya kudu ngabejaan kanu lolong yen aya motor anu ngebut pibahayaeun.. bari ngagerewek. Nu Lumpuh:"Geuwat lumpat, urang bisi katabrak!" Nu Lolong:"Aya Naon?" ceuk nu lolong bari reuwas. Nu Lumpuh:"Aya motor bayangan!" Dasar geus sahate, atuh nu lolong oge rikat nyingkilkeun calana sabari luncat. Nu Lolong:"Ciaaaaaaaaaaaaaaaaaaaat....!", Gejlig.., soledat..!, gudubrag..! Nu Lumpuh:"Hah.. hahh.. haaahhhh...", Renghap ranjug, Nyuksruk nonggeng kasungkur mecleng ka jauhkeun.. Nu Lolong:"Jadol teh.., saha cenah jalmana nu miceun cangkang cau sambarangan..!?!!?*&[EMAIL PROTECTED] ", Ngageblug.., ticatok gado bari sirah pinuh ku kebul taneh. Sabari ngusapan taneuh dina buuk, nu lolong gegeroan ka sobat na, da bisi kumaha onam. Nu Lolong:"Silaing dimana, teu kunanaon...?" Nu Lumpuh:"Ampuuuunn..., aing mah.., didieu hareupeun nyaneh", masih keneh nonggeng bari ngalieukeun sirah nempo ka sobatna nu lolong, terus nanya oge. Nu Lumpuh:"Ari didinya kumaha, teu kunanaon..?" Nu Lolong:"Puguh.. keur mah panon aing lolong, der kapeureungpeunan..ku kebul taneuh..", bari gigisik kana panon na.
Ku sabab panon masih keneh kapeureungpeunan (can cageur).., tuluy nyarita deui kanu lumpuh. Nu Lolong:"Cik euy pang niupkeun panon aing..!, sugan cageur..", ceuk nu lolong menta harepan. Nu Lumpuh:"Sok atuh kadieu ngorondang..!, ngadeukeutan ka aing..!" Ari geus dititah ku sobatna kitu mah.. ngorondang we nu lolong teh ngadeukeutan nu lumpuh. Nu Lumpuh:"Eup...!, Eeuuup...!, cicing didinya..!" Nu Lolong:"Sok atuh geura tiup..!, dua nana nya..!" Nu lumpuh:"Ke atuh sabar sakeudeung....!", ceuk nu lumpuh, bari ngusahakeun maneh malikeun sirah supaya sanghareupan jeung nu lolong. Tapi atuh da ari nu lumpuh ngaran na oge baraya.. teu walakaya.. malikeun awakna-awakna acan. Nu Lolong:"Iih.. aya ku kaleked ari nyaneh..?, burukeun aing geus teu kuat!" Nu Lumpuh:"Pek atuh.., ari hayang geura mah ku aing ditiup!", Tembal nu lumpuh bari ngaheujeun lalaunan. Nu Lumpuh:"Cesssssss..!, Cehhhhhhh..!, cessssssssssss...! Hsssssssssss...!, Heup.. Cageur lah..!", ceuk nu lumpuh terus nanya. Nu lumpuh:"Kumaha karasana..? cageur..?" Nu Lolong:"Heueuh cageur aya mendingan..., tapi kunaon nya?", ceuk nu lolong nembal bari ungsa-angaseu. Nu Lumpuh:"Kunaon kumaha?.." Nu Lolong:"Sungut sia mah bau tai..?!?!*&#$(@)#.." Nu Lumpuh:":)", seuri keom bari ngahenen tur nyarita dina jero hate na, "Bongan we atuh teu sabaran, Nya ku aing kapaksa dihitutan :) !, Omat baraya nya tong dibejaan yen sobat kuring kapeureungpeunan panon na cageur teh lain ku ditiup tapi ku hitut!" Baraya:"keun wae lah da sieta mah teu ninggalieun ieuh :)) !" cag ah, Wawa --------------------------------- Any questions? Get answers on any topic at Yahoo! Answers. Try it now.