halah...!, mani panjang kang......, ieu mah kedah salse maosna.... surtiwa surtiwa <[EMAIL PROTECTED]> wrote: Dina tukeur pikiran disababaraha milist atanapi dina forum diskusi..jelema gampil pisan ngabaledog forum teh ku ah maneh mah teu objektif .urang didieu kudu obyektif ulah make pikiran subjektif. Sigana basajan pisan padahal kedah diemut anon anu disebat subyektif the, sareng naon anu disebat obyekti the, sareng kumaha proses jelema mikir the dina uteuk siga kumaa. Kitu deui naha ari jelema gede/ilmuwan/politikus sok ngaluarkeun pamadegan anu subjektip tea, kunaon jelema anu boga pamadegan subjektip tea, anus ok disebat nyanyahoanan, eta anu hasil jadi jelema boh Usahawan, Politikus, Ilmuwan , Tokoh Masyarakat jrrd
Hayu urang pedar masalah Subyektif sareng Obyektif bari ngalancarkeun diajar Basa Sunda. Rene Descartes taun 1642 ngabagi realitas kana dua bagian gede, anu sahubungan jeung matrial (objektif) jeung anu sahubungan kana mental (subjektif). Pangbagian ieu ku para jelema anu nyakola (Scientist) ayeuna tos ditinggalkeun, kulantaran pangbagian ieu tos teu sinkron sareng proses cara pamikiran di uteuk jelema. Pangbagian ieu dikenal namina Dualisme Cartesian. Dikotomi antawis Subyektifitas sareng Obyektifitas anu saleresna henteu tepat teh, nimbulkeun panyakit keur nu nganutna, nyaeta Tendensi Subyektifitas Semu jeung Tendensi Obyektifitas Semu. Duanana teu bisa dipraktekkeun kulantaran bertentangan jeung proses pamikiran uteuk (Mental Process). Dualisme Cartesian ieu jelas Produk Kabudayaan Barat. Di Asia paling henteu ajaran Hindu, Budha jeung Tao prinsipna teh UNIFIKASI sanes DIKOTOMI. Nganggo prinsip ieu parantos teu aneh lamun dina tulisan oge bangsa Asia sok ngalebetkeun kata ganti orang kahiji sareng katilu, kajeun teuing dina hasil research ilmiah Kami, Kita, Mereka, Nya jrrd. Pangbagian Cartesian ieu anu ngadikotomikeun subjektifitas versus objektifitas kaliru pisan dibanding proses anu aya dina uteuk dina proses mikir, nganggap subjektifitas teh NGAN kabalikan tina objektifitas. Di dunya teh ngan dibagi dua Subyektif jeung Obyektif. Pangbagian Descartes ieu (dianut pangpang na ku jelema nyakola Kristen/Eropa jeung kaum Militant), kacida ditentang ku Platform Psikologi sareng Platform Filosofi. Kukituna, tidinya timbul analisa anyar anu langkung ilmiah ngabahas Obyektifitas jeung Subyektifitas dina Platform Idealisme Metafisik. Poko na teu aya obyek realitas anu exist, kaasup obyek fisik anu henteu kagantung kana Hasil Pamikiran Uteuk. Teu aya Gajah , ayana teh kulantaran dipikiran. Physical things dont really exist at all. Nothing exists INDEPENDENTLY of our experiences meaning nothing exists independenttly of our MINDS (Dikutip tina analisa Sandy LaFave, West Valley College). Panggunaan anu salah dina make istilah Obyektif jeung Subyektif bisa teu cocog jeung pandangan Idealisme Metafisik atawa pandangan anu dikandung dina Epistemologi. Akibatna bisa wae urang nyebatkeun yen Moralitas, Realitas jeung Kabeneran teh teu aya ! Kulantaran kitu janten penting pisan nagajawantahkeun Sbyektifitas jeung Obyektifitas the dina ragaban proses pamikiran uteu manusa jeung pamakean kadua istilah disaluyukeun jeung konteksna. Conto yen konsepsi dikotomi ieu teh teu bener. Mun urang lieur (sakit kepala) ngan urang wungkul anu ngarasakeun kumaha rasana, moal aya batur anu sarua nyeri huluna jeung urang, ieu teh subyektif. Terus ceuk definisi diluhur lamun eta subyektif, hartina et amah PAMADEGAN SORANGAN, urang nyeri hulu. Dina konteks pamadegan mah dikonotasikeun teu gaduh dasar (standing), kulantaran SUBYEKTIF tea. Janten lamun urang ka Doktor ngaku lieur. Naon dasarna eta Dokter rek percaya ? Pan eta amah SUBYEKTIF, kulantaran Dokter teu ngarasakeun nyeri hulu urang, itu mah ngan pamadegan maneh wae cenah. Janten masalah nyeri hulu teh henteu obyektif alias henteu nyata (REAL), ngan saukur aya dina pikiran sorangan. Har, kumaha atuh ? Ma enya teu meunang diubaran ku Dokter ? Kanyataan EMOSI jeung KESAKITAN (PAIN) eta teh nyata (REAL). Subyektif atawa Obyektif ? Pandangan Idealisme Metafisk ieu popular sakitar taun 1800 an, anu maksudna rek ngomean teori Dualisme Cartesian. Tapi teori ieu oge parantos seueur ditinggalkeun ku para jelema Nyakola (scientist) tea. Pangcaketan ieu mun dianalisa patukang tonggong oge jeung kanyataan, cenah mah Seems unbelievable. Ma enya Gajah anu sakitu gedena dianggap euweuh , etamah ngan aya dina pipikiran wae cenah. Analisa kalemahan na siga kieu; Premise 1,2 jeung 3. 1.Pengalaman secara metafisik teh Subyektif (euweuh batur anu boga pangalaman anu sarua pisan). 2.Kabalikan Subyektif teh nyaeta Obyektif. 3.Lamun Pangalaman urang (conscious experience) sacara Metafisik teh subyektif, jadi KABEH/SAKABEH PANYATAAN (statement) urang ngeunaan sagala pangalaman (experiment lab, nyaba, diajar, maca buku, skripsi, thesis, sakola) oge SUBYEKTIF sacara Epistemologi ! Kulantaran pan itu mah kapercayaan urang my belief only ! Percaya kana hasil masa buku, percaya kana hasil eksperimen, percaya kana skripsi make referensi batur, jrrd. Tingali Premise No 2 : Oh ari kitu mah lamun No 3 Subyektif, MOAL bisa aya bagianana anu OBYEKTIF (padahal ieu teh ngalingkup sabagian gede Kagiatan Manusa !). Kasimpulanna, Premise No 1 jeung No 3 bisa bener keur sakabeh jelema, teu paduli saha wae, Mother Teresa, Einstein, Warga Kusnet, Charles Manson, Hitler, Trinity, jrrd), tapi kanyataanana URANG ngan bisa AKSES ka Pangalaman Urang sorangan (REALITAS SORANGAN) euweuh sasaha deui ! Jadi AKIBATNA naon wae (Kajeun teuing hasil REFERENSI maca buku, hasil maca objective reality tina teori Dualisme Cartesian, jrrd) anu diomongkeun/ditulis ku URANG SORANGAN atanapi DICUTAT dipalajari TETEP WAE SUBYEKTIF. Hartosna teu aya didunya anu OBYEKTIF. Tah didieu kalemahan teori Idealisme Metafisik . Argumentasi ieu parantos seueur didukung jelema nyakola (Scientist). Lamun urang gaduh wawasan terbatas, teu sasaurang ngabogaan KABENERAN (TRUTH). Mangkana ayeuna loba jelema anu teu ngahargaan pamadegan batur kulantaran ngadasarkeun kana kateuayaan TRUTH ieu (persepsi Metafisik). Ageman kontemporer jelema sakolaan (Scientist) kana Subyektifitas sareng Obyektifitas didadal tina proses mental uteuk dihandap. Aya unifikasi atawa darajat hubungan antawis Subyektifitas sareng Obyektifitas. Simple Mental Process. Obyektifitas. Dina proses pamikiran uteuk pada prinsipna aya 4 komponent anu saling nyambung siga siklus, dimimitian ku Kutub subjektifitas disambung ku intensionalitas (kahayang pikiran) nyambung kana Kutub objektifitas terus balik deui ka kutub subyektifitas ngalangkungan proses akomodasi. Proses ieu teh kulantaran obyek tina pamikiran teh lain wae barang nyata tapi kaasup oge barang MAYA sapertos PAMIKIRAN (ideas) sareng GAMBAR (images). Pokona nyakup sagala nu tiasa dicerna ku PIKIRAN. Intensionalitas. Subyektifitas teh aktif sedengkeun obyektifitas pasif, janten hubungan kaduana adalah satu arah dari aktif ke pasif dan bersifat dorongan (exertion). Nurutkeun Hegel (1807) subyektifitas ieu saolah erek neureuy Obyektifitas ieu buleud2. Subyektifitas ieu ngan tiasa kapuaskeun ku Obyektifitas. Satre (1947) ngalebarkeun pamanggih Hegel nu nyebatkeun yen subyektifitas teh ofensif pisan dina proses pamikiran Uteuk jelema. Subyektifitas. Ieu teh bagian diametral tina kutub Obyektifitas. Urang ngarasakeun ieu dina wangun kahayang, minat, tujuan, pengertian, rasa hayang nyaho, eksplorasi, adaptasi, perencanaan, milih, akomodasi, ngartikeun, nyeri, jrrd. Akomodasi. Lamun sadaya intensionalitas tiasa kaakomodasi ku Obyektifitas, tah ieu lah akhir tina Subyektifitas teh, kumargi duanana sacara alamiah teh saling aya hubungan. Mungkin henteu kaayaan ieu tiasa dihontal? MOAL MUNGKIN, kulantaran lamun eta ngahiji, unsur anu aya hubungan jeung diri (self) tina intensionalitas tea misalna bisa nyampur jeung obyek, eta jadina ngan aya Obyektifitas wungkul, hartosna Subyektifitas LEUNGIT. Janten moal mungkin. Anu mungkin ngan SABAGIAN intensionalitas anu tiasa diabsorbsi di Kutub obyektifitas. Kasimpulan. Dina proses mental Subyektifitas sareng Obyektifitas ngarupakeun komponen anu sinkron TEU TIASA DIPISAHKEUN sapertos model Cartesian atawa konsepsi Idealisme Metafisik dimana dikotomi antawis Subyektifitas versus Obyektifitas nyata sacara demarkasi. Aya dua terminologi anu nanceb kana obyektifitas sareng Subyektifitas ieu, nyaeta Realitas (Reality) jeung Kabeneran (Truth). Dina istilah elmuna disebat Objective Reality sareng Objective Truth. Teu bireuk deui jelema nyakola (Scientist) seueur anu ngomentaran, aya henteu Kabeneran teh ? Dihandap aya sababaraha kutipan; Reality is merely an illusion, albeit a very persistent one Albert Einstein. There s an objective reality out there, but we view it through the spectacles of our beliefs, attitudes and values- David G Myers. Objectivity has about as much substance as the emperors new clothes- Connie Miller There are no facts, only interpretations- Frierich Nietzsche. What is reality anyway ! Its nothing but a collective hunch Jane Wagner Nothing exist except atoms and empty space, everything else is opinion-Democritus. Kuayana pamanggih anu kontemporer ieu ti jelema anu nyakola, jadi teu mungkin Subyektifitas bisa dikasisikeun tina sagala Opini jeung analisa atanapi pamadegan anu dibangga2keun Obyektif tea. Kwalitas subjektif kagantung kana kwalitas jeung lobana INTERNAL INFORMATION nurutkeun Khuram, 2006 (referensi obyektif, pangalaman,wawasan, konteks pamakean subyektifitas). Ari obyektifitas anu nuju kana Kabeneran ngalangkungan Objective reality, eta oge kagantung kana KWALITAS SUBYEKTIF tina palaku kagiatan. Kukitu urang sok manggih sababarahana hiji judul anu sarua anu dianalisa obyektif kuloba jelema dina Platform anu sami, masih aya wae anu teu sapagodos. Ieu tiasa ditingal dina jurnal2 ilmiah atanapi Koran/Majalah. Anu narik, Konsepsi Subyektifitas sareng Obyektifitas anu heubeul teh nyaeta anu ngadikotomikeun kaduana, seueur dianut ku gerakan Militant; So at the heart of militant ideologies one always finds a separation between Objectivity and Subjectivity, conceived in a mechanical and a historic manner. ..the militant who devotes him/herself to the service of the people refuses to attach any importance to them. IN ANY EVENT ANY SUBJECTIVE MUST BE ELIMINATED, IN FAVOR OF WHAT OBJECTIVE .. Dikutip dari OJTR (Organisation des Jeunes Travailleurs Revolutionnaires, Penerbitan resmi sayap kiri dengan pengaruh Komunis Perancis/Jerman ditaun 1975 an). Tina kutipan diluhur nya asup akal Dikotomi sasuai jeung cara pamikiran dialektik kaum kiri. Masih aya jelema nu nyakola anu ngaluarkeun teori2 saputer ieu dugi ka kiwari khususna ahli Filosofi sareng ahli Psikologi. Aya anu medar, yen aya 3 faktor tina proses mental nyaeta Subjectivity, Intersubjectivity jeung Objectivity. Aya deui anu nyebatkeun kulantaran Kabeneran absolut teu tiasa dihontal, yen Objektifitas teh saleresna mah ngan Multi-Subjectivity. Applikasi Praktis. Konsepsi Subyektifitas sareng Obyektifitas teh dina panalungtikan, panggunaanna teh kedah cocog sareng bidangna. Subyektifitas seueur dianggo di widang Marketing, Kadokteran, Geologi, Perminyakan dimana objective realityna masih inaccurate, sedengkeun diwidang dimana referensi objective realitynya parantos sae, peran Obyektifitas nonjol tapi teu tiasa leupas ti pangaruh kwalitas Subyektifitas anu sacara alamiah memang bagian dari proses mental manusa. Conto soal applikasi Subyektif di widang Marketing , dina situasi Objective reality teu nunjang harepan kinerja. a) Hiji Pausahaan Valas sareng Saham /Sekuritas, Selalu Oyektif, gaduh 3 Traders dipingpin ku hiji Risk Manager, Kang Ontohod. Direkturna Den Podol. Tina 3 Trader teh aya Neng Wani, anu jagoan pisan dina widangna kulantaran, seueur net work na jeung Schroder, Dana Reksa , gaduh rerencangan di NYEC, LIEC, SINEC, Hongkong Trade. Neng Wani aktif janten kapala Forum diskusi Valas/Sekuritas di Jakarta. Prestasi karierna mucunghul ampir 98% Success ratio. Neng Wani teh hoyong ngadamel "gebrakan", hoyong NUTUP taransaksi Yen anu ageung DILUAR LIMIT Pausahaanna sareng kaluar tina benteng REALITA OBYEKTIFITAS anu dianut Pausahaan. Limit Neng Wani teh ngan $ 1 juta US dollar max transaksi kudu ngadasarkeun kana VaR (Software prediksi nilai Valas paling "obyektif", online jeung data saluruh dunya) anu mutlak dianut ku Pausahaan, utamina Den Podol. Neng Wani hoyong nutup US $10 juta dina YEN, anu bakal diprediksi appresiasi 8% ku VaR, 7 % ramalan pasar sareng 18% ramalan analis progresif pasar lokal. Neng wani kulantaran mantep kana INTERNAL INFORMATION na, waktos ieu ngaprediksikeun langkung ageung nyaeta 27%. Tos kabayang bonusna bakal woaduw ! Assessment Neng Wani teh lamun dianalisa nganggo sumber2 INTERNAL INFORMATIONna kinten2 90% AKURAT ! Panjang lebar anjeunna diskusi sareng Kang Ontohod, tapi teu tiasa goal, kang Ontohod janten bingung padahal dina pipikiranna satuju sareng Neng Wani kulantaran jarang meleset Tapi mun manehna satuju terang2an..leungit lah fungsi Risk Manager Kang Ontohod..Manehna euweuh bedana jeung Trader ! Diputuskeun duanana rek ngadep Den Podol. Patarosan; Kumaha strategina nyarios ka Den Podol anu keukeuh si ngeukeuh kana realitas obyektif.. padahal tingkat Internal Information Neng Wani tos kabuktoskeun 90%langkung ngayakinkeun. Naha Neng Wani bade nganggo teori Shu Xe ngeunaan trust propagation bari nerangkeun yen antawis subyektifitas sareng obyektifitas diwidang marketing mah praktis kedah dikasisikeun . b) Saurang tokoh organisasi Federasi Gerakan Buruh gaduh Obsesi hoyong ngagoyang hiji Pausahaan anu katingalina mah mantep dina ngagajih buruh sareng benefit anu sanesna. Manehna nyalidik kaayaan pausahaan (Objective reality), siga kieu; - Gajih 15 X/taun (Uang cuti,uang THR,uang bomus taunan). - Gajih panghandapna 2 X UMR - Jumlah karyawan/buruh 3000. - Aturan Kapagawean disatujui Depnaker jeung Menteri. - Pesangon 1,5 X Masa kerja X gajih/bulan gross. Diatas Normatif. - Progam ASTEK/Jamsostek/Jaminan hari Tua. Pausahaan nyumbang 3 X premi pagawe. - Can pernah aya Pamogokan/Demo - Organisasi Kapagawean aya 2; Bi partit jeung Ikatan karyawan. Prinsip kerjana Kamitraan keur kajayaan bersama. - Aset Koperasi karyawan 8 Milyard Rp. - Tingkat pangaweruh pagawe kana aturan katanaga kerjaan 90%. - Tingkat pagawe Kontraktor Pausahaan kana paraturan katanaga kerjaan 50%. - Tingkat pangaweruh pangurus Ikatan Kontaktor 90% - Pagawe anu henteu puas 20 orang, 2 diantarana Manajer, 4 Supervisor. Si tokoh buruh nganalisa, tina Objective realty mah lamun frontal hese ngagoyangna, manehna kulantaran sok gaul jeung birokrat oge jeung LSM boga INTERNAL INFORMATION siga kieu; - Pangaweruh Birokrat Daerah dimana Pausahaan domisili kana katanaga kerjaan 95%. - Sentiment birokrat ka Pausahaan..cukup mucunghul 90% - Pangaweruh tokoh LSM kana katana kerjaan 20 % alias handap pisan - Pangaweruh masyarakat sakitar Pausahaan kana katana kerjaan 3%. Anu aya sentiment jeung dikotomi "panindasan" versus "pangwangunan nasional" Si tokoh Federasi Buruh yakin sacara SUBYEKTIF tiasa maen goyang, INTERNAL INFO na cekap pageuh. Patarosan: Keur wargi Kusnet/BS, cik pedarkeun strategina, sareng kumaha misin kanggo business goyang2 siga kieu. Kahatur. ____________________________________________________________________________________ Boardwalk for $500? In 2007? Ha! Play Monopoly Here and Now (it's updated for today's economy) at Yahoo! Games. http://get.games.yahoo.com/proddesc?gamekey=monopolyherenow Komunitas Urang Sunda --> http://www.Urang-Sunda.or.id Yahoo! Groups Links Send instant messages to your online friends http://uk.messenger.yahoo.com