--- In urangsunda@yahoogroups.com, "irpan rispandi" <[EMAIL PROTECTED]> wrote: > Sok jujur, kumaha perasaan baraya kabeh anu beunghar ka panyawah, > pembantu, atawa pelayan? > tangtu boga rasa "leuwih".
Eta mah sifat manusa Kang Irpan, sok ngarasa harkatna leuwih ti batur. Jeung eta REALITAS nu sigana moal bisa dileungitkeun. Nagara nu faham komunis wae teu bisa ngaleungitkeun ieu. Di Rusia jeung China, nu bangsawan jeung nu beunghar dileungitkeun. Kaisar Cina nu pangakhirna diturunkeun jadi tukang ngababad jukut. Tapi "Feodalismeu" tetep mucunghul, peran para bangsawan jeung nu beunghar digantikeun ku ANggota Partey Komunis nu meunang fasilitas leuwih ti nagara ti batan rakyat biasa. Di jaman soviet baheula, toko tempat balanja Anggota Partey Komunis beda jeung toko keur rahayat kuricakan .... Di Indonesia oge sarua. Waktu revolusi fisik & sosial di Indonesia di taun 1945-1950'an, status sosial masyarakat di Indonesia diaduk- aduk, menak jadi cacah, cacah jadi menak. Keur ilustrasina tingali pelem Nagabonar I nu nyaritakeun tukang copet, ku sumanget revolusina, Nagabonar nu tukang copet di terminal jadi jenderal. Akhirna, sanajan loba para menak heubeul marariceun sgala embel- embel gelarna jeung jaradi cacah, Indonesia teu bisa leupas tina "feodalismeu" nu mucunghul deui, dina bentuk sejen : Pangkat atawa gelar pendidikan ...... Amerika nu cenah egaliter teu bisa leupas oge tina hal ieu. Nu boga status sosial luhur di AMerika nu balaleunghar, tapi kulantaran tadina mah cacah kuricakan, urang Amerika beunghar tetep hayang disebut menak, maranehna "narurutan" gaya menak di Eropa ..... Ieu dinamika manusa Kang Irpan, moal bisa dileungitkeun. Nu penting mah lain leungitna, tapi NAGARA nu kudu tegas, nyieun aturan/ Hukum nu nyaruakeun posisi rahayatna (Sarua dihareupeun Nagara, euweuh nu istimewa). Ari perkara rakyatna mah tanggtu we bakal beda-beda, moal bisa disaragamkeun. Komo soal ngatur ulah ngarasa dirina harkatna leuwih luhur ti batur mah. Rek kumaha ngaturna? Baktos, WALUYA