> "H Surtiwa" <[EMAIL PROTECTED]> wrote: > tapi mun > digantung ..mah..pan sok aya eta cenah..final ejaculation..tea..
Bah, ceuk dongeng-dongeng kriminil mah, umpama nu ngagantung maneh leres sok aya sperma, ngan upami digantung ku batur mah, tara aya. Tanda ieu nu sok ditangali ku detektif dina carita-carita kriminal, naha maehan maneh atawa dipaehan ku batur. Nyaritakeun hukuman pati, kuring kungsi maca dina majalah intisari dongeng saksi mata urang Eropa nu nyaksian hukuman gantung di tempat umum jeung dilalajoan di Batavia di awal abad ka 20 (awal taun 1900'an). Keur urang Eropa ieu, kalakuan pangawasa Walanda di Hindia Walanda biadab, sabab di Eropa sorangan hukuman pati geus teu dilakukeun dihareupeun umum. Nu rek dihukum teh Urang Cina, beja rek aya nu dihukum gantung, nyebar sakuliah Batavia. Dina poeanana jalma ti suklak-siklukna daratang, aya nu make Delman, trem jeung sagala angkutan. Di tempat panggantungan rame siga pasar malem. Pas dina waktuna, si pesakitan diiringkeun ku petugas. Kacirina teuneung, euweuh kasieun, naek kana panggung panggantungan. Manehna dibere kasempetan keur ngomong pangakhirna. Jep nu lalajo simpe. Si pesakitan ngomong yen manehna ngaku salah jeung ka balarea pesen ulah ngalakukeun kajahatan siga manehna. Geus kitu si pesakitan dikalungan tali, tapi barang beungeutna rek ditutupan ku kurudung manehna nolak. Geus sagalana siap, guprak tetecean manehna muka, nu digantung ngagulawing, kaciri beungeutna jadi beureum asak. Salah saurang petugas gancangan nutupan beungeutna supaya ulah kaciri ku balarea. Saurang algojo atawa pembantu algojo nu aya dikolong, kaciri narik suku nu dihukum ....meureun supaya tereh paeh.... Terusna? Ke urang pilarian heula malakah Intisari heubeulna ... Baktos, WALUYA