Mang Ucup damang....?Mani kataji si teteh ....Kahiji kuseratan amang sareng undak-usuk bahasana mani sae, ngageuleuyeung sapertos mobil anu jalanna lucir ku oli, nyaan resep maosna, seratan anu nyunda pisan teh langsung ku siteteh di Copy jeung di print , rek dijadikeun jimat.......he heKadua, info FACEBOOK teh geuning menggelora...dan menggairahkan duka tah naon sundana. Landihan FACEBOOK janten FB, panyangki teh FB = Blue Film tea, si horeng situs keur balarea anu resep internetan kalayan resep gaduh baraya alias teman, Duka tah teman naon.? panginten tiasa TTM, tiasa TBS, tiasa TBU......he he, mangga tiasa tihartoskeun nyalira2....Katilu, siteteh da tos daftar di Facebook, mung hanjakan bade muka teh bet hilap nami User sareng paswordna...ma'lum tos nini2 mah loba pohona, jeung harita teu dicatet. Cing ah.....mang ucup pangmukakeun lawang FB si teteh, jeung rek diganti namina da didinya namina janten Sarti Sartika....ah, rek diganti aku nami nyaan...he he, da tadinamah daftar teh keur ulin-ulinan sihoreng tos mandunia, si teteh mah da can loba baraya. 2 minggon teh karek 2 manungsa....Ka opat mah, ngahaturkeun nuhun ka Mang Ucup anu kersa mantuan si teteh.....aeh muhun diantosan bantosannana...WassalamIpeut(Teh Tien tea) --- On Mon, 2/2/09, mangucup88 <mangucu...@yahoo.de> wrote: From: mangucup88 <mangucu...@yahoo.de> Subject: [Urang Sunda] FACEBOOK - Panglawungan Balarea To: urangsunda@yahoogroups.com Date: Monday, 2 February, 2009, 8:18 PM
Sandiasma pribados mang Ucup disarengan ku potretna katingal eces bengras pisan dina Facebook. Lakadalah Alhamdulillah bimsalabim…..mung ukur dua minggu, pribados tos tiasa ngempelkeun sobat enggal langkung ti 375 urangna. Tambihan sobat nu sakitu seueurna teh bet nimbulkeun patarosan na jero hate, naha eta prestasi teh peryogi dibejer-beaskeun ka balarea. Jalaran kahontalna tambihan sobat sakitu teh tangtos sanes padamelan enteng-enteng, namung jalaran ayana kapercantenan ti para kaula muda alias ABG anu pada-pada hoyong milarian sobat nu saseueur-seueurna. Pada-pada hoyong onjoy dibelaan silih bedol jeung silih jongklokkeun pikeun ngagaduhan sobat nu ganteng sareng daremplon, pikeun namplokkeun eusi hatena. Ari Facebook teh hiji Web jaringan sosial, nu ceuk basa gaulna mah disebatna patempatan mejeng, pikeun cakakak cikikik, pikeun gutak gitek, nembongkeun kabahenolannana. Kiwari eta web teh kalintang dipikaresepna ku balarea utamina barudak ngora. Numutkeun catatan statistik nu pangakhirna cenah satiap anggota Facebook ngagaduhan paling saeutik 100 sobat. Dina taun 2009 jumlah anggota dina Facebook parantos ngagaduhan anggota langkung ti 150 juta jiwa. Atuh nya wajar we upami disebatkeun rada fantastis teh, jalaran unggal dinten murudul nambihan anggota anyar 600 ribu urang. Malihan saur agulna para sobat mah cenah saupami salira kuanjeun henteu lebet anggoa Facebook, kenging landian "U are nobody ". Hal eta teh sajalan sareng cariosan filsuf Yunani Decartes dina abad klasik Eropah "cognito ergo sum " nu hartosna "bungkeuleukna kaula teh lantaran aya dina Facebook " . Di era globalisasi teknologi informasi kiwari, rupina seueur jalmi nu langkung resep milari sobat teh nganggo teknologi informasi tina situs-situs internet. Langkung gampil, mirah sareng praktis. Diantawisna sababaraha website nu kiwari tos kasohor teh nyeta Facebook, Friendster, MySpace, sareng seueur-seueur deui nu sanesna. Memang leres pisan langkung mirah, kantun klik weh tos tiasa kukurilingan sakuliah dunya pikeun milarian pisobateun nu sakinten sapagodos sareng kahoyong urang. Mung kitu tea, urang kedah ngagaduhan heula pangabisa pikeun ngoprek eta parabotan canggih komputer. Seueur nu nyarangki yen eta situs pikeun milari pisobateun teh, cenah dikhususkeun pikeun nu aranom wungkul alias ABG. Nanging nyatana kiwari mah seueur oge aki-aki nu tuturut munding pipilueun hoyong ulubiung sosobatan dina dunya maya internet. Dianggo mejeng. Sakumaha nu tos diuningakeun dina Facebook, nyatana anggota nu pangseueurna teh dalah jalmi nu yuswana 30 taun kaluhur. Tiasa dimaklum, da jalmi nu saumur kitu mah kaseuseueurannana teh tos ngaraos honcewang taya batur cumarita, da jalmi sanesna mah caruek ka sasama, sanaos natangga oge linggihna. Salajengna kuma tah perkawis sobat atanapi sosobatan ngalangkungan Internet sapertos dina Facebook ? Naha sami proses lumajengna teh sareng sosobatan beneran nu lumrahna di alam nyata, sapertos nu tos diguar sateuacanna tadi ? Tangtosna ge benten, da sosobatan dina dunya maya mah alias internet, henteu ngagaduhan atanapi kacampuran faktor emosi. Pribados sadar sareng uninga pisan, rehna sosobatan teh teu benten sareng miara pepelakan nu tangtos peryogi digemuk, disiram unggal dinten kalayan tulaten, supados subur jadina. Nanging ari sosobatan dina dunya maya mah sapertos dina Facebook, Friendster sareng sanesna, nu kitu teh teu diperyogikeun, jalaran sumpek waktosna kanggo kagiatan silih asih atanapi silih pihakeun pikeun sobatna, sapertos ngagemuk kana pepelakan. Angot kanggo para sobatna nu aya di manca nagara mah. Nanging ari kanggo pribados mah, sosobatan dina Facebook teh aya langkung onjoyna tinimbang situs sanesna. Seueur para sobat nu remen pisan ngintunkeun bewara ka pribados, boh perkawis masalah- masalah pribadi, curhat, atanapi masalah-masalah sanesna nu ngeunaan silih asih, silih asah sinareng silih asuh. Sanaos kanggo aranjeunna teh samporet pisan waktosna jalaran ku kasibukan marantenna. Eta nu kalintang ngagumbirakeun pribados salaku pupuhu situs Facebook. Peryogi kauninga rehna sosobatan dina Facebook mah katingal pisan seueur pisan para sobat nu teu weleh miharep lumintu sosobatan sareng pribados, nganggap pribados teh salaku sobat nu caket sareng nu pang lengketna. Marantenna ngagaduhan paamadegan cenah asa resep sareng kataji tiasa satata sajajar teu kawates ku handap luhurna jabatan, pangkat atanapi yuswa, sareng wagelan sanes-sanesna. Dina Facebook tiasa langkung bruk-brak ngebrehkeun unek-unekna nu didorong ku paraosan simpati, empati sosial, sinareng kamanfaatanana dina sosobatan sareng pribados dina eta situs. Kalebet ajen pisan kana seratan atanapi artikel-artikel pribados dina Facebook. Ku ayana respon kitu teh kalintang reueusna pribados mah, sareng nambihan motivasi kanggo langkung soson-soson serat sinerat dina situs Facebook . Salajengna pribados umajak ka para wargi sadaya, mangga urang sami- sami ulubiung sosobatan dina ieu situs Facebook . Sosobatan dina ieu situs mah taya pisan rorongo panghalang, boh ku yuswa, jabatan, sinareng masalah-masalah pribadi sarereng sajabina. Ruang lingkupna langkung lega, tiasa nembus rohangan sinareng waktos. Rupina leres pisan sapagodos sareng pamendak ahli komunikasi McLuhan nu kantos ngebrehkeun cenah engke mah dina abad 21 dunya teh bakal jadi Desa nu Badag (The Big Village ), nu ngabogaan jalinan informasi canggih sadunya (Global network information system ). Kumaha Lur, na teu kabita pikeun ulubiung sosobatan dina dunya maya Facebook sapertos nu tos diguar nembean diluhur ? Hayu atuh urang ngawitan ti ayeuna sasarengan jaranten anggota sosobatan dina ieu situs Facebook. Kalintang diantosna ku pribados sinareng para sobat sanesna. Langsung sae kitu tinimbang milarian sobat sewaan nu tangtos ageung pisan risikona, boh moral kalih materi. Mendingan milih madu-racunna Facebook we. Masih keneh aya kasempetan pikeun ulubiung dina sosobatan nu anggotana tos saalam dunya. Pamungkas catur ti pribados, mugia katampi haturan salam deudeuh ti pribados nu katelah mang Ucup pupuhu Facebook, wilujeng sumping. Alamat E-mail pribados: mang.ucup<at>gmail.com Mang Ucup ------------------------------------ Komunitas Urang Sunda --> http://www.Urang-Sunda.or.id Yahoo! Groups Links New Email names for you! Get the Email name you've always wanted on the new @ymail and @rocketmail. Hurry before someone else does! http://mail.promotions.yahoo.com/newdomains/aa/