Baraya sadaya, urang sunda ...
Minggu kamari abdi nembe ngagabung wadah nasional nu disebut Indonesia Bisa.
Abdi kalebet pengurus nasional, diajak ku sohib abdi urang sulawesi. Tujuan
abdi ngiringan organisasi eta teh, keur ngaluaskeun jaringan jeung akses.
Memang teu gampang keur ngabagung kana organisasi model kitu teh. Abdi tos 5
taun leuwih ngalalanyahan ngarah bisa akses ka bunderan nu kitu teh.
Nu jadi heran, abdi ti urang sunda ngan sorangan anu gabung di organisasi eta
teh. Loloba namah dulur urang urang seberang, ti sulawesi, sumatera, jawa bah
wetan, kalimantan, malah ti irian jaya oge aya.
Abdi jadi inget deui, hasil panalungtikan abdi sorangan, nyaeta nu diuk di DPR
RI hasil pamilu tahun 2004, tina 90 kursi nu ngawakilan dapil jawa barat ngan
40 urang nu kalahiran tatar sunda, padahal nu diwakilan teh suara tatar sunda.
Ka heranan abdi tambah gede wae, waktos nalungtik pengurus pusat partai-partai
nu aya, pangurus nu asalna urang sunda mani saeutik pisan.
Tah, eta nembe saeutik hasil panalungtikan abdi, keur ngurkur kakuatan jeung
kontribusi urang sunda di tingkat nasional.
Padahal tatar sunda teh ngabogaan potensi nu kalintang strategina dibandingkeun
provinsi laina. Tatar sunda ngabogaan potensi adu tawar nu kalintang gedena,
diantarana :
1. Jumlah penduduk tatar sunda (jabar 38 juta, banten 9 juta), 22% leuwih.
Jumlah pemilih lewih ti 20%, mangrupakeun provinsi jumalh pemilih panglobana.
jumlah suara nu loba ieu cukup pisan mun urang ngarojong calon presiden atawa
wakil presiden oge.
2. Lokasi geografis, tatar sunda aya ngalingkungan puseur nagara. akses ka
pusat pamarentahan, jeung wakil rakyat pang deukeutna.
3. Tatar sunda oge ngabogaan sajarah perjuangan jeung karajaan nu kalintang
kawentarna.
Tah, kulantaran kitu, abdi ngajak ka baraya sadaya, ayeuna tos waktosna urang
sunda teh kudu harudang, urang tunjukeun urang sunda ge bisa mimpin jeung
ngolah nagara, lain ngan sa ukur lalajo. Hayu urang hijikeun patekadan,
sauyunan, silih rojong, urang nyiapkeun kakuatan keur mangsa ka hareup. Urang
kudu ngabgaan wakil akyat nu loba di pusat, urang kudu ngabogaan
menteri-menteri di kabinet, oge capres/cawapres.
Hayu urang tunjukeun wawanen urang sunda, ngarah beuki loba urang sunda nu
ngilu ngolah nagara, jeung bisa ngajuangkeun pangwangunan jeung kasejahteraan
urang sunda di tatar sunda.
Mugia, pamikiran ieu aya manfaatna keur urang sadaya, jeung nu paling penting
urang kudu ngabogaan tekad yen urang sunda teh mampu keur ilu biung ngolah
nagara.
Hatur nuhun ...
Kang Jaja
