Baraya, Tadi teh abah Surya dina acara "saresehan kepedulian bersama terhadap bencana di Jawa Barat" aya ngadugikeun dua kecap anu meh sarua: "enggeus" jeung anggeus". "Mun digawe kudu nepi ka anggeus, ulah asal enggeus", saur abah.
Tangtu baraya sadaya geus bisa ngarampa, naon bedana antara "enggeus" jeung "anggeus". Kitu pisan, ari "enggeus" mah nuduhkeun pagawean atawa lakulampah anu parantos dilakonan, tapi can tangtu beres. Sedengkeun ari "anggeus" mah nuduhkeun pagawean anu tos dilakonan tur "beres", "sapuratina", "tamat", "junun", atawa "sampurna" tea. Lamun dina basa gaul Batawi mah "enggeus" eta nuduhkeun "udah" atawa "udahan" (tina bhs Indonesia: "sudah") anu bari can tangtu rengse. Anapon "anggeus" eta nuduhkeun "selesai dengan baik". Mangga bilih aya anu bade nambihan pedaran. Oge, bilih aya anu mendakan dua kecap anu padeukeut ucapanana, tapi beda jauh harti atawa maksudna, mangga asorkeun wae ka milist, tangtu pada muru. manar