សម្ដេចក្រុមព្រះ និងការវិលចូលឆាកនយោបាយ ដោយ កែវ និមល 2010-08-25 RFA ការចេញផ្សាយសេចក្ដីថ្លែងការណ៍មួយរបស់សម្ដេចក្រុមព្រះ នរោត្តម រណឫទ្ធិ ទាក់ទងការចងសម្ព័ន្ធភាពរវាងបក្សហ៊្វុនស៊ិនប៉ិច និងបក្ស ជាតិនិយម កាលពីពេលថ្មីៗ ធ្វើឲ្យមតិមួយចំនួនយល់ថា ព្រះអង្គនៅ មិនទាន់លះបង់ការគិតគូរអំពីនយោបាយនៅឡើយ។
តើ នោះជាការស្ទាបស្ទង់មួយ មុនពេលព្រះអង្គវិលត្រឡប់ចូលឆាក នយោបាយវិញ ឬយ៉ាងណា? តើអ្នកដឹកនាំគណបក្ស ហ៊្វុនស៊ិនប៉ិច និងគណបក្ស ជាតិនិយម យល់យ៉ាងណាដែរ? កាលពីថ្ងៃទី២៣ សីហាកន្លងមកនេះ សម្ដេចក្រុមព្រះ នរោត្តម រណឫទ្ធិ បានចេញសេចក្ដីថ្លែងការណ៍មួយលើកឡើងជាអាទិ៍ថា ព្រះអង្គមាន ព្រះទ័យខ្វាយខ្វល់ជាអនេក ចំពោះខ្លឹមសារនៃការបកស្រាយរបស់ ក្រុមប្រឹក្សាធម្មនុញ្ញ ទាក់ទងនឹងមាត្រាទី៣៦ នៃច្បាប់ស្ដីពី គណបក្សនយោបាយ ដែលអាចនាំឲ្យមានការលុបចោលឈ្មោះគណបក្សនយោបាយ ដែល បានប្រកាសរួបរួមគ្នារវាងគណបក្ស ហ៊្វុនស៊ិនប៉ិច និងគណបក្ស ជាតិនិយម។ នៅក្នុងសេចក្ដីថ្លែងការណ៍នោះបានលើកឡើងទៀតថា ព្រះអង្គមិន ប្រឆាំងចំពោះការរួបរួមគ្នារវាងគណបក្ស ហ៊្វុនស៊ិនប៉ិច និងគណបក្ស ជាតិនិយម ទេ តែព្រះអង្គមិនអាចទទួលយកបានឡើយ បើសិនជាការរួបរួម នេះធ្វើឲ្យមានការបាត់បង់តំណែង តួនាទីរបស់សមាជិកសភា សមាជិកក្រុម ប្រឹក្សាឃុំ សង្កាត់ ស្រុក ខេត្ត ក្រុង នៃអតីតគណបក្ស នរោត្តម រណឫទ្ធិ។ លោក នរាណាឫទ្ធិ អានន្ទដាយ៉ាត ជំនួយការសម្ដេចក្រុមព្រះ នរោត្តម រណឫទ្ធិ អតីតប្រធានគណបក្ស នរោត្តម រណឫទ្ធិ បានមានប្រសាសន៍នៅថ្ងៃទី២៤ សីហា ថា នេះជាការយកចិត្តទុកដាក់របស់ព្រះអង្គម្ចាស់ ហើយមិនមែនក្នុង នាមព្រះអង្គជាឧត្ដមទីប្រឹក្សាព្រះមហាក្សត្រកម្ពុជា នោះទេ។ លោក កែវ ពុធរស្មី ប្រធានគណបក្សហ៊្វុនស៊ិនប៉ិច បានមានប្រសាសន៍ទាក់ទង ជាមួយការចេញសេចក្ដីថ្លែងការណ៍របស់សម្ដេច ក្រុមព្រះ នរោត្តម រណឫទ្ធិ ថាមិនមានចំណុចអ្វីថ្មីទេ ចំពោះសេចក្ដីថ្លែងការណ៍នោះ ពីព្រោះអ្នកដឹកនាំគណបក្សទាំងពីរ គឺគណបក្ស ហ៊្វុនស៊ិនប៉ិច និង គណបក្ស ជាតិនិយម មានការយល់ច្បាស់ពីចំណុចបាត់បង់នោះ។ លោក កែវ ពុធរស្មី បានមានប្រសាសន៍ឲ្យដឹងទៀតថា តាមទស្សនៈរបស់លោក ផ្ទាល់ការចេញផ្សាយសារនេះបង្ហាញថា សម្ដេចក្រុមព្រះលោកនៅមិន អស់អាល័យជាមួយនយោបាយស្រុកទេសនៅឡើយទេ ហើយព្រះអង្គមានសិទ្ធិ ពីព្រោះមិនមានច្បាប់ណាមួយនៅប្រទេសកម្ពុជា បានហាមសកម្មភាព នយោបាយរបស់ព្រះអង្គនោះឡើយ។ ចំពោះសំណួរថា បើព្រះអង្គធ្លាប់ថ្លែងថា មិនធ្វើនយោបាយ ហើយបែរជា មកធ្វើនយោបាយវិញនោះ លោក កែវ ពុធរស្មី បានឲ្យដឹងថា ពាក្យសន្យាមិន មានទោសអ្វីទេ។ លោក ឈឹម សេកឡេង ប្រធានគណបក្សជាតិនិយម មានការរវល់ លោកសុំមិនមាន យោបល់ទេ តែលោកបានសុំឲ្យលោក លោក ប៉ែន សង្ហា អ្នកនាំពាក្យគណបក្ស មានប្រសាសន៍ជំនួស។ លោក ប៉ែន សង្ហា បានមានប្រសាសន៍ឲ្យដឹងថា ក្រោយពេលបានទទួលសេចក្ដី ថ្លែងការណ៍របស់សម្ដេចក្រុមព្រះ នរោត្តម រណឫទ្ធិ គណបក្សបានផ្ញើ លិខិតមួយទូលតប និងពន្យល់ព្រះអង្គអស់ហើយ ជាមួយគ្នានោះដែរគណបក្ស ហ៊្វុនស៊ិនប៉ិច និងគណបក្ស ជាតិនិយម មិនបានចូលគ្នានៅឡើយ គឺនៅត្រឹម តែចងសម្ព័ន្ធភាពជាមួយគ្នាតែប៉ុណ្ណោះ។ លោក ប៉ែន សង្ហា បានឲ្យដឹងដែរថា ការចេញសេចក្ដីថ្លែងការណ៍របស់ សម្ដេចក្រុមព្រះ គឺមានន័យថា ព្រះអង្គនៅយកចិត្តទុកដាក់ចំពោះ អតីតសមាជិកគណបក្ស ដែលជាកូនចៅរបស់ព្រះអង្គ ហើយបើព្រះអង្គចូល ប្រឡូកក្នុងឆាកនយោបាយឡើងវិញ គឺជាសិទ្ធិរបស់ព្រះអង្គ មិនមាន ច្បាប់ណាមួយនៅប្រទេសកម្ពុជាហាមឃាត់ព្រះអង្គនោះទេ។ លោក គល់ បញ្ញា នាយកប្រតិបត្តិរបស់អង្គការសង្កេតការណ៍បោះឆ្នោតមួយ ឈ្មោះហៅថា ខុមហ្រ្វែល បានមានប្រសាសន៍ថា សេចក្ដីថ្លែងការណ៍នេះមាន ន័យថា សម្ដេចក្រុមព្រះលោកនៅមានការគិតគូរយកចិត្តទុកដាក់ចំពោះ បញ្ហា នយោបាយ ហើយបើព្រះអង្គវិលចូលប្រឡូកក្នុងឆាកនយោបាយវិញនោះ ស្ថានភាពនយោបាយនៅកម្ពុជាអាចមានការប្រែប្រួលខ្លះៗជាមិនខាន។ លោក សុន ឆ័យ តំណាងរាស្ត្រគណបក្ស សម រង្ស៊ី ដែលធ្លាប់ធ្វើតំណាង រាស្ត្រតាំងពីឆ្នាំ១៩៩៣ បានមានប្រសាសន៍ឲ្យដឹងថា ចំពោះសកម្មភាព របស់សម្ដេចក្រុមព្រះ លោកជឿថា អ្នកនយោបាយមិនអាចចោលនយោបាយបានទេ ហើយការចូលរួមរបស់ព្រះអង្គក្នុងឆាកនយោបាយឡើងវិញ ជាការពង្រឹង ចលនារាជានិយមនៅកម្ពុជា។ គណបក្សហ៊្វុនស៊ិនប៉ិច បានបង្កើតឡើងពីចលនាហ៊្វុនស៊ិនប៉ិច ហើយបាន ទទួលជ័យជម្នះយ៉ាងច្រើនលើសលុបនៅឆ្នាំ១៩៩៣ លុះដល់ឆ្នាំ២០០៦ មាន ទំនាស់ផ្ទៃក្នុងកើតឡើង ហើយបានបែកចេញជាគណបក្សពីរ គឺគណបក្ស ហ៊្វុនស៊ិនប៉ិចដដែល និងមួយទៀត គឺគណបក្ស នរោត្តម រណឫទ្ធិ ដែលក្រោយមក បានដូរឈ្មោះទៅជា គណបក្សជាតិនិយម។ ការបែកគ្នានេះ បានធ្វើឲ្យ ការគាំទ្រគណបក្សដែលមាននិន្នាការរាជានិយម បានធ្លាក់ចុះជា ខ្លាំង៕ -- You received this message because you are subscribed to the Google Groups "Cambodia Discussion (CAMDISC) - www.cambodia.org" group. This is an unmoderated forum. Please refrain from using foul language. Thank you for your understanding. Peace among us and in Cambodia. To post to this group, send email to [email protected] To unsubscribe from this group, send email to [email protected] For more options, visit this group at http://groups.google.com/group/camdisc Learn more - http://www.cambodia.org
