សម្តេច ហ៊ុន សែន ឆ្លើយតបសំណើរតំណាងរាស្ត្របក្សប្រឆាំងដីសម្បទាន សេដ្ឋកិច្ចក្រុមហ៊ុន Phnom Penh Sugar នៅអមលាំង cen.com.kh ដោយ : សុភ័ក្ត្រ (ថ្ងៃទី 27 សីហា 2010)
ភ្នំពេញ: កាលពីថ្ងៃទី២៩ កក្កដា ២០១០ សម្តេចតេជោហ៊ុន សែន បានឆ្លើយតប ករណីតំណាងគណបក្សសមរង្ស៊ីតាមរយៈ សម្តេចអគ្គមហាពញាចក្រីហេង សំរិន ប្រធានរដ្ឋសភា ករណីការស្នើររបស់អ្នកតំណាងរាស្ត្រគណបក្សសម រង្ស៊ី ចំនួន ០៧រូប ស្នើរសុំពិនិត្យលើការផ្តល់ដីសម្បទានសេដ្ឋកិច្ចដល់ ក្រុមហ៊ុន Phnom Penh Sugar Industry Co. Ltd. របស់ឯកឧត្តម លី យ៉ុងផាត់ សមាជិកព្រឹទ្ធសភា អ្វើឲ្យប៉ះពាល់ដីស្រែរបស់ប្រជាពលរដ្ឋនៅឃុំអម លាំង ស្រុកថ្ពង ខេត្តកំពង់ស្ពឺ ។ យោងតាមលិខិតលេខ ២១៨ រ.ស ចុះថ្ងៃទី៣១ ខែមីនា ឆ្នាំ២០១០ របស់រដ្ឋសភា ។ សម្ដេច ហ៊ុន សែន បានបំភ្លឺយ៉ាងនេះថា សូមជម្រាបចំពោះការស្នើរបស់អ្នកតំណាងរាស្រ្តខាងលើ ខ្ញុំសូមឆ្លើយតបដូចតទៅ : ១- ចំពោះការលើកឡើងថា រាជរដ្ឋាភិបាលបានផ្តល់ដីសម្បទានសេដ្ឋកិច្ច ឲ្យក្រុមហ៊ុន Phnom Penh Sugar Industry Co. Ltd. របស់ឯកឧត្តម លី យ៉ុង ផាត់ សមាជិកព្រឹទ្ធសភា ជាន់លើដីស្រែរបស់ប្រជាពលរដ្ឋនៅឃុំអមលាំង ស្រុកថ្ពង ខេត្តកំពង់ស្ពឺ ហើយរាជរដ្ឋាភិបាលត្រូវតែទទួលខុសត្រូវ ចំពោះផលប៉ះពាល់ដីស្រែ-ចម្ការរបស់ពលរដ្ឋទាំងនេះ : កន្លងមកការផ្តល់សម្បទានដីសេដ្ឋកិច្ច គឺផ្អែកលើលទ្ធផលនៃ ការចុះពិនិត្យជាក់ស្តែងដល់មូលដ្ឋាន តាមរយៈយន្តការក្រុមការងារអន្តរ ជំនាញ និងពិគ្រោះយោបល់ជាមួយអាជ្ញាធរមូលដ្ឋាន ហើយផ្ទៃដីដែល កាន់កាប់ដោយប្រជាពលរដ្ឋ និងផ្ទៃដីព្រៃឈើដែលមានសក្តានុពលសម្រាប់ បរិស្ថានត្រូវរក្សាទុក ដោយមិនផ្តល់ឲ្យធ្វើអាជីវកម្មទេ ។ ដោយឡែក ការផ្តល់ដីសម្បទានសេដ្ឋកិច្ចជូនក្រុមហ៊ុនភ្នំពេញ ស៊ូហ្គើរ ដែលមាន ទីតាំងស្ថិត ឃុំអមលាំង ស្រុកថ្ពង ខេត្តកំពង់ស្ពឺ ចំនួន ៩៣៩៣ ហិកតា គឺ ក្រសួងកសិកម្មរុក្ខាប្រមាញ់ និងនេសាទ បានអនុវត្តតាមនីតិវិធី ត្រឹមត្រូវ ដោយមានការចុះពិនិត្យសិក្សាវាយតម្លៃទីតាំស្នើសុំ ដោយ ក្រុមហ៊ុនការងារលេខាធិការដ្ឋានបច្ចេកទេស សម្រាប់ដីសម្បទានសេដ្ឋកិច្ច សហការជាមួយក្រុមការងារខេត្ត និងអាជ្ញាធរមូលដ្ឋាន មុនពេលស្នើរសុំ ការសម្រេចពីរាជរដ្ឋភិបាល ។ ក្រោយពីទទួលបានការអនុញ្ញាត ឲ្យធ្វើការវិនិយោគពីរាជរដ្ឋាភិបាល ក្រុមការងារបច្ចេកទេសរបស់ក្រសួងកសិកម្ម រុក្ខាប្រមាញ់ និងនេសាទ រួមជាមួយសមត្ថកិច្ចជំនាញរបស់អាជ្ញាធរខេត្តកំពង់ស្ពឺ បានចុះ ធ្វើការបោះបង្គោលចំណុចព្រំប្រទល់ដីសម្បទានរបស់ក្រុមហ៊ុន និង ធ្វើការសិក្សាផលប៉ះពាល់ផ្សេងៗនៅក្រុមហ៊ុន ដើម្បីធ្វើការកាត់ ផ្ទៃដីចេញពីគម្រោងវិនិយោគរបស់ក្រុមហ៊ុនចំពោះ ផ្ទៃដី ពាក់ព័ន្ធ ជាមួយប្រជាពលរដ្ឋ និងតំបន់ដែលត្រូវរក្សាទុក និងតំបន់ការពារផ្សេងៗ ចំនួន ១.០៥០ ហិកតា បន្ថែមទៀត ដែលនាំឲ្យផ្ទៃដីក្រុមហ៊ុននៅសល់ សម្រាប់ធ្វើអាជីវកម្មជាក់ស្តែងបាន ចំនួនតែ ៨.៣៤៣ ហិកតាប៉ុណ្ណោះ និង បានធ្វើការកាត់ដីពាក់ព័ន្ធ ២០០ម៉ែត្រ សងខាងផ្លូវ៥២ (ពីស្រុក ឧដុង្គ ទៅស្រុកឱរ៉ាល់) ទុកជូនប្រជាពលរដ្ឋបន្ថែមទៀតផងដែរ ។ ទន្ទឹមនឹងនោះក្រុមហ៊ុនបានសហការជាមួយក្រសួងកសិកម្ម រុក្ខាប្រមាញ់និង នេសាទ និងអាជ្ញាធរមូលដ្ឋាន រៀបចំដីនៅក្បែរតំបន់សម្បទានចំនួន ២០៤ ហិកតា សម្រាប់បែងចែកជូនប្រជាពលរដ្ឋ ដែលខ្វះខាតពិតប្រាកដតាមរូបភាព សម្បទានដីសង្គមកិច្ច និងមានគម្រោងសាងសង់សាលារៀន មណ្ឌលសុខភាព ផ្សារ និងវត្តភ្នំពិស សម្រាប់ប្រជាពលរដ្ឋនៅតំបន់នោះ ។ ដូចនេះអ្វីដែលជាការបារម្ភដូចការលើកឡើងក្នុងចំណុចទី១ និងទី២ នោះត្រូវបានរាជរដ្ឋាភិបាលធ្វើការពិនិត្យ និងកាត់ចេញរួចហើយ ។ ២- ពាក់ព័ន្ធនឹងការលើកឡើងថា មានការវាយធ្វើបាប និងចាប់ឃុំឃាំង ប្រជាពលរដ្ឋចំនួន ០២ រូប : ដោយមិនយល់ពីនីតិវិធីក្នុងការផ្តល់ដីសម្បទានសេដ្ឋកិច្ច ក្រុម អ្នកនយោបាយឱកាសនិយម ក្រុមសង្គមស៊ីវិលមួយចំនួន និងក្រុមអ្នកគួក ជេរដីអនាធិបតេយ្យ ក្រុមអ្នកបោះបង្គោលចាប់ដីព្រៃលក់ បានឃោសនា អកុសលដល់ប្រជាជន ដែលមានដីធ្លីនៅក្នុងតំបន់នោះថា រដ្ឋបានផ្តល់ដី ទៅឲ្យក្រុមហ៊ុនធ្វើការវិនិយោគ រួមទាំងដីស្រែ-ចម្ការបរស់ពួកគាត់ ដែលមាននៅក្នុងនោះ ។ ក្រោយពីទទួលបានព័ត៌មានអកុសលទាំងនោះរួចមក ដោយមាន ការភ័យខ្លាចបាត់បង់ដីធ្លីរបស់ពួកគាត់ ដូចអ្វីដែលក្រុមឱកាសនិយម ផ្សព្វផ្សាយនោះ ជាបន្តបន្ទាប់ប្រជាជនបាននាំគ្នាធ្វើបាតុកម្ម ទាមទារ ដីធ្លីរបស់ពួកគាត់ជាច្រើនលើកច្រើនសា ដោយមានក្រុមឱកាសនិយមនៅពីក្រោយ ខ្នងការងារនេះ ទោះបីជាក្រុមការងារបានធ្វើការបញ្ជាក់អះអាងថា រដ្ឋ ធានាមិនឲ្យមានការបាត់បង់ដីធ្លីរបស់ពួកគាត់ក៏ដោយ ។ ដោយមានមេខ្លោង នាំបញ្ជេះកំហឹងខ្លាំងទៅៗ នៅថ្ងៃទី១៨ ខែមីនា ឆ្នាំ២០១០ ប្រជាជន ទាំងនោះបានបង្កអំពើហិង្សា ដោយដុតទីស្នាក់ការក្រុមហ៊ុន និងធ្វើឲ្យ ខូចខាតអស់ទ្រព្យសម្បត្តិមួយចំនួនរួមមាន : រោងយាមរបស់ប៉ូលិស ១ ខ្នងទំហំ ២ x ៣ម ស្នាក់ការក្រុមហ៊ុន ១ខ្នងទំហំ ៦ x ១២ម រោងដាក់ គ្រឿងចក្រ ១ខ្នងទំហំ ៦ x ១២ម រោងបាយ និងផ្ទះកុមារ ១ខ្នងទំហំ ៤ x ៦ ម បន្ទប់ទឹកមួយកន្លែងចំនួន ៦បន្ទប់ និងខូចខាតសម្ភារៈមួយចំនួនទៀត មានតុវែងមួយ កៅអី ១០ គ្រែ១៣ ម៉ាស៊ីន GPS ចំនួន ៤គ្រឿង ប្រាក់ ដុល្លារ ៨.៥៧៥ ដុល្លារ និងប្រាក់រៀល ២០.៣០០.០០០រៀល ព្រមទាំងសម្ភារៈ សម្រាប់បុគ្គលិកប្រើប្រាស់ចំនួន ១០នាក់ត្រូវឆេះទាំងអស់ ។ ក្រោយពីបង្កអំពើហិង្សាបណ្តាលឲ្យខូចខាតទ្រព្យសម្បត្តិរបស់ ក្រុមហ៊ុន រួចមក ក្រុមហ៊ុនបានដាក់ពាក្យប្តឹងទៅតុលាការសាលាដំបូង ខេត្តកំពង់ស្ពឺ ដើម្បីធ្វើការចាប់ជនដៃដល់ និងមេខ្លោងឲ្យ ទទួលខុសត្រូវលើការខូចខាតនេះ ។ នៅថ្ងៃទី២៤ ខែមីនា ឆ្នាំ២០១០ តុលាការ សាលាដំបូងខេត្តកំពង់ស្ពឺ បានធ្វើការឃុំខ្លួនមេខ្លោង និងជនដៃដល់ចំនួន ពីរនាក់ គឺលោក យូ ថូ និងលោក ឃិន វុទ្ធី ជាច្រជាជននៅឃុំអមលាំង ពីបទបំផ្លិញបំផ្លាញទ្រព្យសម្បត្តិអ្នកដទៃ ។ បន្តាប់ពីតុលាការ បានធ្វើការឃុំខ្លួនមនុស្សពីរនាក់នោះរួចមក ប្រជាជនប្រមាណជា ៤០០ នាក់ បាននាំគ្នាមកធ្វើបាតុកម្មនៅមុខតុលាការសាលាដំបូងខេត្ត ដើម្បី ឲ្យតុលាការធ្វើការដោះលែងជនទាំង ២នាក់នោះវិញ ដែលបាតុកម្មនេះ បានធ្វើឲ្យមានការស្ទះចរាចរផ្លូវជាតិលេខ៤ ជិតពីរម៉ោង ។ ដោយមាន ការសម្របសម្រួលពីអាជ្ញាធរខេត្ត ក្នុងការសុំដោះលែងជនចាប់ចោទ ទាំងពីរនាក់ឲ្យនៅក្រៅឃុំវិញ ប្រជាជនទាំងនោះក៏បានវិលត្រឡប់ទៅ លំនៅឋានរបស់ពួកគាត់វិញ ហើយនៅថ្ងៃទី ២៩ ខែឆ្នាំដដែល តុលាការ សាលាដំបូងខេត្តកំពង់ស្ពឺ ក៏បានធ្វើការដោះលែងជនជាប់ចោទទាំងពីរនាក់ ឲ្យរួចខ្លួនពីការឃុំឃាំង ។ នៅក្នុងសភាពការណ៍ដែលប្រជាជននាំគ្នា ធ្វើបាតុកម្មទាមទារដីធ្លីរបស់ ពួកគាត់នេះ អាជ្ញាធរខេត្តកំពង់ស្ពឺ បានបង្កើតអនុគណៈកម្មការមួយសម្រាប់សម្របសម្រួលការងារនេះ ដែលដឹកនាំ ដោយអភិបាលរងខេត្តមួយរូប និងមានសមាសភាពអង្គភាពជំនាញពាក់ព័ន្ធ ចូលរួមជាសមាជិក ។ ក្នុងកិច្ចសម្របសម្រួលនោះ គឺខេត្តបានធ្វើ ការអះអាងជាមួយពលរដ្ឋថា : រដ្ឋធានាមិនឲ្យមានការបាត់បង់ដីធ្លី ដែលជាដីអាស្រ័យផលរបស់ប្រជាជននៅក្នុងទីតាំងរបស់ក្រុមហ៊ុនឡើយ ដោយ ធ្វើការកាត់ផ្ទៃដីចំនួនដូចខាងលើរក្សាទុកជូនប្រជាជន ហើយធ្វើការ វាស់វែងចេញបង្កាន់ដៃជូនពួកគាត់ ។ តាមការវាយតម្លៃកន្លងមក ក្រុមការងារថ្នាក់ខេត្ត-ស្រុក-ឃុំ និង អង្គភាពជំនាញពាក់ព័ន្ធបានខិតខំប្រឹងប្រែងយកចិត្តទុកដាក់ តាមដាន ត្រួតពិនិត្យ និងធ្វើការដោះស្រាយជាបន្តបន្ទាប់នូវភាពអសកម្មនៃ ក្រុមប្រជាពលរដ្ឋ មួយចំនួនតូចក្នុងឃុំ ដែលជឿតាមពាក្យឃោសនាជា អកុសលរបស់ក្រុមអគតិ ដែលមិនយល់អំពីនីតិវិធីក្នុងការផ្តល់ដី សម្បទានសេដ្ឋកិច្ច ហើយព្យាយាមបង្ករារាំងដល់ការវិនិយោគ និងធ្វើឲ្យ ខូចសណ្តាប់ធ្នាប់សារធារណៈក្នុងតំបន់នោះផង ។ បច្ចុប្បន្ននេះក្រោម ការខិតខំប្រឹងប្រែងរបស់អាជ្ញាធរគ្រប់លំដាប់ ថ្នាក់ បាននាំ សភាពការណ៍នៃការមិនយល់គ្នារបស់ប្រជាជនវិលទៅរកសភាពធម្មតា វិញ និង ប្រជាជនមានការចូលរួម ក្នុងការអនុវត្តការងារជាមួយក្រុមការងាររបស់ អាជ្ញាធរមានសមត្ថកិច្ច ។ ៣- ពាក់ព័ន្ធនឹងចំណុចទី៣ ដែលលើកឡើងថា ការផ្តល់ដីសម្បទានដល់ ក្រុមហ៊ុនរបស់រាជរដ្ឋាភិបាលកន្លងទៅ បាននាំគ្នាដល់ការបំផ្លាញព្រៃ ធម្មជាតិ និងរំលោភបំពានយ៉ាងបំពានដល់សិទ្ធិរស់នៅលើដីធ្លីរបស់ ពលរដ្ឋ យ៉ាងធ្ងន់ធ្ងរ ។ គោលបំណងនៃការផ្តល់ដីសមទានសេដ្ឋកិច្ច គឺសំដៅជំរុញឲ្យមានការ វិនិយោគលើវិស័យកសិកម្ម ដើម្បីចូលរួមអភិវឌ្ឍន៍សេដ្ឋកិច្ចជាតិ បង្កើត ការងារ បង្កើនប្រាក់ចំណូលបន្ថែមដល់គ្រួសារ ផ្ទេរបច្ចេកទេស វិជ្ជាបង្កើនចំណេះដឹងលើបច្ចេកទេសកសិកម្ម ព្រមទាំងអាចទទួលបាននូវ ហេដ្ឋារចនាសម្ព័ន្ធរូបវ័ន្ត ដូចជាផ្លូវ ស្ពាន ថ្នល់ សាលារៀន មន្ទីរពេទ្យ ដែលសាង់សង់ឡើងដោយក្រុមហ៊ុនវិនិយោគសម្រាប់ប្រើប្រាស់ជា សាធារណៈ ។ ធនធានធម្មជាតិត្រូវបានគ្រប់គ្រងថែរក្សា និងអភិវឌ្ឍន៍តាមបទដ្ឋាន បច្ចេកទេសត្រឹមត្រូវដូចជា ព្រៃឈើល្អៗ ត្រូវបានពិនិត្យកាត់ខ្វៀល ចេញ ដើម្បីរក្សាទុក និងដីព្រៃនៅសងខាងប្រភពទឹកក៏ត្រូវកាត់រក្សាទុក តាមបទដ្ឋានបច្ចេកទេស ព្រៃឈើផងដែរ ។ ផ្ទៃដីដែលផ្តល់សម្រាប់វិនិយោគ សម្បទានដីសេដ្ឋកិច្ចកន្លងមក គឺសុទ្ធតែបានរៀបចំនូវរបាយការណ៍ វាយតម្លៃហេតុប៉ះពាល់បរិស្ថាន និងសង្គមទាំងអស់ ដែលនេះជាលក្ខខណ្ឌ ដែលរាជរដ្ឋាភិបាលបានត្រៀម និងការពារនូវផលប៉ះពាល់ដល់ប្រជាពលរដ្ឋ មុននឹងអនុញ្ញាតជាផ្លូវការផ្តល់ជូនក្រុមហ៊ុន ហើយសិទ្ធិរស់នៅ ស្របច្បាប់របស់ប្រជាពលរដ្ឋនៅមូលដ្ឋានក្នុងតំបន់ សម្បទានមិន ត្រូវបានប៉ះពាល់ទេ ៕ -- You received this message because you are subscribed to the Google Groups "Cambodia Discussion (CAMDISC) - www.cambodia.org" group. This is an unmoderated forum. Please refrain from using foul language. Thank you for your understanding. Peace among us and in Cambodia. To post to this group, send email to [email protected] To unsubscribe from this group, send email to [email protected] For more options, visit this group at http://groups.google.com/group/camdisc Learn more - http://www.cambodia.org
