លោក ហ៊ុន សែន៖ ចីរភាពនៃការអភិវឌ្ឍន៍សង្គមសេដ្ឋកិច្ចគឺត្រូវមាន សុខសន្តិភាព និងស្ថិរភាពនយោបាយ RFI © សុវណ្ណារ៉ា ដោយ នេត្រ ភក្រ្តា
ប្រមុខរដ្ឋាភិបាលកម្ពុជា លោកហ៊ុន សែន បានថ្លែងនៅថ្ងៃនេះថា កត្តាសុខសន្តិភាព និងស្ថិរភាពនយោបាយ គឺជាចំណុចសំខាន់ ដើម្បី ធានាការអភិវឌ្ឍន៍សង្គម និងសេដ្ឋកិច្ចមានចីរភាពសម្រាប់ប្រទេស កម្ពុជា និងតំបន់ទាំងមូល។ សេដ្ឋកិច្ចកម្ពុជាដែលតាមការលើកឡើង របស់លោក ហ៊ុន សែន គឺមានការវិវឌ្ឍន៍កើនឡើង ហើយអត្រានៃ ភាពក្រីក្រក៏បានធ្លាក់ចុះ។ ចីរភាព នៃការអភិវឌ្ឍន៍សង្គម សេដ្ឋកិច្ចអាចធ្វើទៅបាន លុះត្រា តែប្រទេសជាតិធានាឲ្យបាននូវសុខសន្តិភាព និងស្ថិរភាពនយោបាយ ពេញលេញជាមុនសិន ដែលចាត់ទុកថាជាកត្តាសំខាន់បំផុតមិនអាចខ្វះ បាន។ នេះគឺជាការគូសបញ្ជាក់របស់លោកនាយករដ្ឋមន្ត្រី ហ៊ុន សែន ក្នុងកិច្ចពិភាក្សាមួយដែលមានឈ្មោះថា កិច្ចសន្ទនាអាស៊ី-ល៉ីង កម្ពុជាឆ្នាំ ២០១០ នៅព្រឹកថ្ងៃសៅរ៍នេះក្នុងរាជធានីភ្នំពេញ។ លោកនាយករដ្ឋមន្ត្រី បានថ្លែងបន្តទៀតថា កត្តាយុទ្ធសាស្ត្រឈានទៅ ដល់ការបង្រួបបង្រួមជាតិតាមរយៈនយោបាយ ឈ្នះ-ឈ្នះ និងការធានាបាន សន្តិភាពពេញលេញសម្រាប់កម្ពុជានៅចុងឆ្នាំ ១៩៩៨ ធ្វើឲ្យប្រទេសដែល ទទួលរងគ្រោះដោយសង្គ្រាមស៊ីវិលជាងពីរទសវត្សរ៍មក នេះអាចឈាន និង ចាប់ផ្តើមដំណើរការសេដ្ឋកិច្ចទីផ្សារមួយដែលសមស្របសម្រាប់ប្រទេស ជាតិ។ ប្រមុខរដ្ឋាភិបាលក៏បានលើកឡើងពីកំណើនសេដ្ឋកិច្ចដ៏ឆាប់រហ័សរបស់ កម្ពុជាផងដែរ ដែលក្នុងនោះពីឆ្នាំ ១៩៩៩ ដល់ឆ្នាំ ២០០៣ កំណើន សេដ្ឋកិច្ចបានកើនឡើងជិត ៩% និងការវិនិយោគផ្ទាល់ពីបរទេស ជាពិសេសក្នុងវិស័យទេសចរណ៍ និងឧស្សាហកម្មកាត់ដេរ។ វិស័យកាត់ដេរ និងទេសចរណ៍ដែលត្រូវលោក ហ៊ុន សែន ឲ្យដឹងថា បានក្លាយជាគន្លឹះ សម្រាប់ជំរុញកំណើនសេដ្ឋកិច្ចកម្ពុជា ទន្ទឹមនឹងជំនួយអភិវឌ្ឍន៍ ផ្លូវការនានា។ នៅចំពោះមុខអ្នកចូលរួម មកពីស្ថាប័នជាតិ និងអន្តរជាតិ លោក ហ៊ុន សែន បានគូសបញ្ជាក់ប្រកបដោយមោទនភាពថា នៅចន្លោះឆ្នាំ ២០០៤ ដល់ ឆ្នាំ ២០០៨ កម្ពុជាសម្រេចបានកំណើនសេដ្ឋកិច្ចជាមធ្យម ១០,៣%។ ទិដ្ឋភាពនេះត្រូវលោកនាយករដ្ឋមន្ត្រី សង្កត់ធ្ងន់ថា ជាលើកទី១ ដែលកម្ពុជាអាចសម្រេចកំណើនពីរខ្ទង់ជាប់ៗគ្នា ហើយសន្ទុះដ៏ល្អ ប្រសើរនេះក៏ដោយសារតែមានការរីកចម្រើនយ៉ាងឆាប់ រហ័សនៃវិស័យ ធនាគារ លំហូរវិនិយោគផ្ទាល់ពីបរទេស និងជំនួយអភិវឌ្ឍន៍ផ្លូវការផង ដែរ។ រដ្ឋាភិបាលកម្ពុជាក៏បានលើកឡើងពីកំណើននៃផលិតផលក្នុងស្រុក ហើយ បើតាមការបញ្ជាក់របស់លោកហ៊ុន សែន ចំណូលជាមធ្យមរបស់ប្រជាជន កម្ពុជាម្នាក់បានកើនឡើង៣ដង គឺពី២២៩ ដុល្លារឡើងដល់ ៧៣៩ ដុល្លារអាមេរិកក្នុងមួយឆ្នាំ។ ប្រមុខរដ្ឋាភិបាលក៏បានលើកឡើងថា អត្រានៃភាពក្រីក្រក៏បាន ធ្លាក់ចុះពីប្រមាណ ៥០%នៅក្នុងឆ្នាំ ១៩៩៣ មកត្រឹម ៣០% ក្នុងឆ្នាំ ២០០៧ បន្ទាប់មកទៀត បានបន្តធ្លាក់ដល់ ២៧,៤% នៅក្នុង ឆ្នាំ ២០០៩។ និន្នាការនៃការធ្លាក់ចុះអត្រានៃភាពក្រីក្រនេះ ត្រូវរដ្ឋាភិបាល កម្ពុជារំពឹងថានឹងបន្តកើតមានទៀត។ ជាមួយគ្នានេះដែរ លោកនាយករដ្ឋមន្ត្រី ហ៊ុន សែន ក៏បានលើកឡើងពី ការធ្វើសមាហរ័ណកម្មផ្ទៃក្នុង ដែលមានន័យស្មើនឹងការធ្វើ សមាហរណកម្មជាមួយប្រទេសដទៃទៀតនៅក្នុង តំបន់ ដើម្បីប្រយុទ្ធ ប្រឆាំងនឹង វិបត្តិសេដ្ឋកិច្ច និងជំរុញការអភិវឌ្ឍន៍នៅក្នុងតំបន់៕ -- You received this message because you are subscribed to the Google Groups "Cambodia Discussion (CAMDISC) - www.cambodia.org" group. This is an unmoderated forum. Please refrain from using foul language. Thank you for your understanding. Peace among us and in Cambodia. To post to this group, send email to [email protected] To unsubscribe from this group, send email to [email protected] For more options, visit this group at http://groups.google.com/group/camdisc Learn more - http://www.cambodia.org
