សាកលវិទ្យាល័យ ខេមរៈផ្តល់អាហារូបករណ៍ដល់សិស្សប្រលងជាប់បាក់ឌុប បាននិទ្ទេស A ឱយទៅ សិក្សាយកបណ្ឌិតគណិតវិទ្យានៅប្រទេសអាល្លឺម៉ង់ cen.com.kh ដោយ : សេរី (ថ្ងៃទី 6 កញ្ញា 2010)
ភ្នំពេញ: សាកលវិទ្យាល័យខេមរៈបានផ្តល់អាហារូបករណ៍ដល់យុវតី តោ គឹមស៊ី ដែលប្រលងជាប់សញ្ញាបត្រមធ្យមសិក្សាទុតិយភូមិ បានទទួលនិទ្ទេស A តែម្នាក់ឯង ឱយបានទទួលអាហារូបករណ៍ទៅសិក្សាយកសញ្ញាបត្រថ្នាក់បណ្ឌិត នៅប្រទេស អាល្លឺម៉ង់។ លោកសាស្ត្រាចារ្យបណ្ឌិតសុខ ទូច សាកលវិទ្យាធិការនៃសាកលវិទ្យាល័យ ខេមរៈបាន និយាយឱយដឹងកាលពីចុងសប្តាហ៍កន្លងមកថា តាមរយៈសហគមន៍អ្នក គណិតវិទ្យាកម្ពុជា បានទទួលការឆ្លើយតប ពីសាលាគណិតវិទ្យាជាន់ខ្ពស់ ទីក្រុងប៊ែរទ្បាំង ដែលបានសម្រេចផ្តល់អាហារូបករណ៍ដល់យុវតី តោ គឹម ស៊ី ឱយទៅសិក្សានៅទីនោះនៅឆ្នាំសិក្សា ២០១០- ២០១១នេះ ។ លោកបន្តថា “ សាលាគណិតវិទ្យាជាន់ខ្ពស់ប៊ែរទ្បាំងនេះ មិនត្រឹមតែ ល្បីឈ្មោះនៅប្រទេស អាល្លឺម៉ងទេ ប៉ុន្តែជាសាលាល្បីល្បាញប្រចាំ ទ្វីបអឺរ៉ុប ”។លោកបន្តថា “ តាមគំរោងយុវតីតោ គឺម ស៊ី ត្រូវទៅ សិក្សាថ្នាក់បរិញ្ញាបត្ររយៈពេល៤ឆ្នាំ មុនបន្តយកថ្នាក់អនុបណ្ឌិត និងថ្នាក់បណ្ឌិតបើស មត្ថភាពរបស់នាងទៅដល់ ប៉ុន្តែខ្ញុំចង់ឱយនាង សិក្សារហូតចប់ថ្នាក់បណ្ឌិត ចាំត្រលប់មកជួយអភិវឌ្ឍន៍ប្រទេសវិញ ” ។ តើនាងត្រូវចេញដំនើរនៅពេលណា លោកសាស្ត្រាចារ្យបណ្ឌិតសុខ ទូច បាន មានប្រសាសន៍ថា សាកលវិទ្យាល័យខេមរៈកំពុងរៀបចំឯកសារ សំរាប់ ការចេញដំនើររបស់នាងនៅពេលឆាប់ៗ តាមដែលអាចធ្វើទៅបាន ៕ -- You received this message because you are subscribed to the Google Groups "Cambodia Discussion (CAMDISC) - www.cambodia.org" group. This is an unmoderated forum. Please refrain from using foul language. Thank you for your understanding. Peace among us and in Cambodia. To post to this group, send email to [email protected] To unsubscribe from this group, send email to [email protected] For more options, visit this group at http://groups.google.com/group/camdisc Learn more - http://www.cambodia.org
