ប្រលងជ្រើសរើសអ្នកពូកែគណិតវិទ្យា ៣០ រូបទៅប្រលងគណិតវិទ្យាលំដាប់ ពិភពលោក នៅទីក្រុងហុងកុង cen.com.kh ដោយ : សេរី (ថ្ងៃទី 7 កញ្ញា 2010)
ភ្នំពេញ: សិស្សានុសិស្សមកពីទូទាំងប្រទេស អាចនឹងមានឱកាសទៅចូលរួម ប្រលងគណិតវិទ្យា លំដាប់ពិភពលោកនៅទីក្រុងហុងកុង នាពេលខាងមុខនេះ ប្រសិនបើពួកគេទទួលបានពិន្ទុខ្ពស់ពីការប្រលង ដែលរៀបចំទ្បើងដោយ សាកលវិទ្យាល័យខេមរៈ ។ លោកសាស្ត្រាចារ្យបណ្ឌិត សុខ ទូច សាកលវិទ្យាធិការនៃសាកលវិទ្យាល័យ ខេមរៈ បានមានប្រសាសន៍ឲ្យដឹង កាលពីចុងសប្តាហ៍កន្លងមកថា សាកលវិទ្យាល័យខេមរៈចាប់ផ្តើមទទួលចុះឈ្មោះ អ្នកមានបំណងចូលរួមប្រលង គណិតវិទ្យាចាប់ពីថ្ងៃនេះតទៅ ។ តាមគំរោងសិស្សានុសិស្ស សិក្សានៅ កំរិតបឋមសិក្សាចំនួន ១០ នាក់ កំរិតអនុវិទ្យាល័យចំនួន ១០ នាក់ និង កំរិតវិទ្យាល័យចំនួន ១០ នាក់ នឹងត្រូវជ្រើសរើសចេញពីការប្រលងនេះ ដើម្បីឲ្យពួកគេអាចចូលរួមក្នុងការប្រលងគណិតវិទ្យា នៅទីក្រុង ហុងកុងនាពេលខាងមុខបាន ។ លោកបន្តថា ការប្រលងនៅសាកលវិទ្យាល័យខេមរៈ នឹងចាប់ផ្តើមនៅថ្ងៃទី ២៧ ខែតុលា ខែធ្នូខាងមុខនេះ ហើយការប្រលងដែលធ្វើទ្បើងនៅទីក្រុង ហុងកុង នឹងប្រព្រឹត្តិទៅនាថ្ងៃទី១៧ ដល់១៩ ធ្នូ ឆ្នាំ២០១០ ខាងមុខនេះ ។ លោកបន្តថា ការប្រលងនេះមានឈ្មោះ Nanfang Cup international Mathemathic competition ។ លោកសាស្ត្រាចារ្យបណ្ឌិត សុខ ទូច បានបន្តថា ការចេញទៅប្រលងនាពេល ខាងមុខនេះ បេក្ខជនចូលរួមប្រលង ត្រូវចំណាយលើថ្លៃសំបុត្រយន្តហោះ ប៉ាស្ព័រ និងវីសាដោយខ្លួនឯង ប្រសិនបើពួកគេមានសមត្ថភាព អាចទៅ ចូលរួមប្រលងនៅទីក្រុងហុងកុងបាន ។ ចំនែកថ្លៃស្នាក់នៅហូបចុក និង ធ្វើដំនើរនៅទីនោះសាកលវិទ្យាល័យខេមរៈ ជាអ្នករាប់រងលើការចំណាយ ។ លោកបន្តថា ប្រសិនបើពួកគេ ទទួលបានចំណាត់ថ្នាក់លេខ១ ពីការប្រលងនេះ សាកលវិទ្យាល័យនឹងផ្តល់ប្រាក់ចំនួន ១.០០០ ដុល្លារអាមេរិក លេខពីរបាន រង្វាន់ចំនួន ៥០០ ដុល្លារអាមេរិក និងលេខ៣ បានរង្វាន់ចំនួន ៣០០ ដុល្លារអាមេរិក ៕ -- You received this message because you are subscribed to the Google Groups "Cambodia Discussion (CAMDISC) - www.cambodia.org" group. This is an unmoderated forum. Please refrain from using foul language. Thank you for your understanding. Peace among us and in Cambodia. To post to this group, send email to [email protected] To unsubscribe from this group, send email to [email protected] For more options, visit this group at http://groups.google.com/group/camdisc Learn more - http://www.cambodia.org
