(((((លោកតាឌុច បានខកចិត្តយ៉ាងខ្លាំង ដោយសារគេមិនអនុញ្ញាតអោយមកចូលរួមវេទិកា ក្នុងសំណុំរឿង០០២ ព្រោះថា បើបានមកចូលរួមនិងគេ យ៉ាងហោចណាស់ក៏បានជួយកំដរបរិយាកាស់ មួយគ្រាដែរ គឺវាប្រសើរជាជាង អង្គុយនៅក្នុងបន្ទប់ឯកោ តែម្នាក់ឯង .CPP ))))
សំណុំរឿង ០០២៖ អៀងសារី អៀងធីរិទ្ធ ខៀវសំផន និង នួនជា ត្រូវបញ្ជូនទៅ ជំនុំជម្រះ តែឌុច ត្រូវលើកលែងការចោទប្រកាន់ ដោយ លី ម៉េងហួរ សហចៅក្រមស៊ើបអង្កេត នៃអង្គជំនុំជម្រះវិសាមញ្ញក្នុងតុលាការកម្ពុជា លោក យូ ប៊ុនឡេង និងលោកចៅក្រមបារាំង ម៉ាសែល ឡឺម៉ុង ( Marcel Lemonde ) បានចុះហត្ថលេខារួមគ្នា លើដីកាដំណោះស្រាយ ក្នុងសំណុំរឿង ០០២ ដោយបានសម្រេចជាឯកច្ឆ័ន្ទ ដើម្បីបញ្ជូនសំណុំរឿងចោទប្រកាន់លើ អៀងសារី អៀងធីរិទ្ធ ខៀវសំផន និង នួនជា ទៅជំនុំជម្រះ។ ក៏ប៉ុន្តែ សហ ចៅក្រមស៊ើបអង្កេតទាំងពីររូប ក៏បានចុះហត្ថលេខារួមគ្នា លើដីកា លើកលែងការចោទប្រកាន់ចំពោះ កាំង ហ្កេកអ៊ាវ ហៅ ឌុច នៅក្នុង សំណុំរឿង ០០២។ បទអន្តរាគមន៍របស់ លី ម៉េងហួរ ពីទីក្រុងភ្នំពេញ 16/09/2010 by លី ម៉េងហួរ ស្តាប់ (06:22) More ដីកា ដំណោះស្រាយរបស់សហចៅក្រមស៊ើបអង្កេតនៃតុលាការខ្មែរក្រហម លោក ចៅក្រម យូ ប៊ុនឡេង និងលោកចៅក្រមបារាំង ម៉ាសែល ឡឺម៉ុង បានប្រកាសនៅ ថ្ងៃនេះ លើសំណុំរឿង ០០២ ដែលមានជនត្រូវចោទជាមេខ្មែរក្រហម ៥ រូប រួមមាន៖ នួនជា អៀងសារី អៀងធីរិទ្ធ ខៀវសំផន និងកាំង ហ្កេកអ៊ាវ ហៅ ឌុច ក្នុងសន្និសីទ កាសែត នៅព្រឹកមិញ លោកចៅក្រម យូ ប៊ុនឡេង បានលើក ឡើងថា មេដឹកនាំជាន់ខ្ពស់បំផុតរបស់របបខ្មែរក្រហមដែលជាជនត្រូវ ចោទ ៤ រូប រួមមាន៖ លោក នួន ជា អាយុ ៨៤ ឆ្នាំ ជាអតីតប្រធានរដ្ឋសភា សម័យខ្មែរក្រហម ដែលគេស្គាល់ថា ជាបទទី២ បន្ទាប់ពីប៉ុល ពត លោក អៀង សារី អាយុ ៨៤ ឆ្នាំ ជាឧបនាយករដ្ឋមន្ត្រី និងជារដ្ឋមន្ត្រីក្រសួង ការបរទេស សម័យខ្មែរក្រហម លោកស្រី អៀង ធីរិទ្ធ អាយុ ៧៧ ឆ្នាំ ជា រដ្ឋមន្ត្រីក្រសួងសង្គមកិច្ច សម័យខ្មែរក្រហម និងលោក ខៀវ សំផន អាយុ ៧៨ ឆ្នាំ ជាអតីតប្រមុខរដ្ឋខ្មែរក្រហម ត្រូវបានបញ្ជូនទៅជំនុំជម្រះ។ សវនាការជំនុំជម្រះកាត់ទោសលើមេដឹកនាំខ្មែរក្រហមជាន់ខ្ពស់ និងមាន វ័យចាស់ជរាទាំង ៤ រូប ក្នុងសំណុំរឿង ០០២ ត្រូវបានលោកចៅក្រម យូ ប៊ុនឡេងប្រកាសថា នឹងអាចធ្វើឡើងនៅក្នុងឆមាសទី១ ឆ្នាំ២០១១។ ដីកាដំណោះស្រាយនោះ សហចៅក្រមស៊ើបអង្កេត នៅព្រឹកមិញ ក៏បានប្រកាសពី ការលើកលែង ការចោទប្រកាន់លើអតីតមេគុកទួលស្លែង លោក កាំង ហ្កេក អ៊ាវ ហៅ ឌុច នៅក្នុងសំណុំរឿង ០០២។ ការសម្រេចដូច្នេះ ដោយសារតែ ឌុច ត្រូវបានជំនុំជម្រះ និងត្រូវបានតុលាការខ្មែរក្រហមប្រកាសសាលក្រម ផ្តន្ទាទោស ៣៥ ឆ្នាំ កាលពីថ្ងៃទី២៦ ខែកក្កដាកន្លងមក។ អតីតមេដឹកនាំកំពូលៗរបស់របបខ្មែរក្រហមទាំង ៤ រូប ត្រូវបានចោទ ប្រកាន់ក្នុងរឿងសម្លាប់រង្គាល ការធ្វើទារុណកម្ម ការរំលោភផ្លូវភេទ និងអំពើអមនុស្សធម៌ផ្សេងៗទៀត ក្នុងរបបខ្មែរក្រហម។ សហចៅក្រម ស៊ើបអង្កេតបានប្រកាសថា នួនជា អៀងសារី អៀងធីរិទ្ធ និងខៀវសំផន ត្រូវបានចោទប្រកាន់ពីបទឧក្រិដ្ឋកម្មប្រឆាំងមនុស្សជាតិ ឧក្រិដ្ឋកម្មសង្គ្រាម អំពើប្រល័យពូជសាសន៍ ( លើជនជាតិចាម និងជនជាតិ វៀតណាម ) និងបទល្មើសនានា ដែលមានចែង និងផ្តន្ទាទោសដោយ ក្រមព្រហ្មទណ្ឌកម្ពុជាឆ្នាំ១៩៥៦ ដែលរួមមាន៖ ការធ្វើមនុស្សឃាត ការ ធ្វើទារុណកម្ម និងការវាយប្រហារលើសាសនា ជាដើម។ យោងតាមរបាយការណ៍របស់អ្នកជំនាញ ទំហំនៃឧក្រិដ្ឋកម្មដែលបាន ប្រព្រឹត្តក្នុងរបបកម្ពុជាប្រជាធិបតេយ្យ ខ្មែរក្រហមនៅចន្លោះពី ថ្ងៃទី១៧ ខែមេសា ឆ្នាំ១៩៧៥ ដល់ថ្ងៃទី៦ ខែមករា ឆ្នាំ១៩៧៩ បានបង្ក ឲ្យមានជនរងគ្រោះរាប់លាននាក់ ក្នុងនោះ មានការស្លាប់បាត់បង់ជីវិត មនុស្សប្រមាណពី ១,៧ លាន ដល់ ២,២ លាននាក់ ហើយដែលក្នុងការស្លាប់ ទាំងនោះ មានមនុស្សចំនួនប្រមាណ ៨០០.០០០ នាក់ បានស្លាប់ដោយសារ អំពើហិង្សា។ នៅថ្ងៃនេះ សហចៅក្រមស៊ើបអង្កេត ក៏បានប្រកាសពីការទទួលយកជា ផ្លូវការ នូវពាក្យបណ្តឹង សុំតាំងខ្លួនជាដើមបណ្តឹងរដ្ឋប្បវេណី ចំនួន ២.១២៣ នាក់ ក្នុងចំណោមពាក្យបណ្តឹងរបស់ជនរងគ្រោះជាង ៤.០០០ នៅ ក្នុងសំណុំរឿង ០០២។ ក្នុងសន្និសីទកាសែតនៅព្រឹកមិញ លោក ម៉ាសែល ឡឺម៉ុង សហចៅក្រម ស៊ើបអង្កេតរបស់តុលាការខ្មែរក្រហមបានប្រកាសលាឈប់ពីតំណែង ។ ប៉ុន្តែលោកចៅក្រមបារាំងដែលបានចាប់ផ្តើមការងារក្នុងតុលាការ ខ្មែរក្រហម កាលពីឆ្នាំ២០០៦ នឹងបញ្ចប់ការងាររបស់ខ្លួននៅខែធ្នូ ខាងមុខ ដោយជំនួសមកវិញនូវសហចៅក្រមស៊ើបអង្កេតអន្តរជាតិថ្មី ជា ជនជាតិអាល្លឺម៉ង់ លោក Sigfried Blunk ។ លោកចៅក្រមបារាំង ម៉ាសែល ឡឺម៉ុង ជាអ្នកផ្តើមការងារស៊ើបអង្កេតតែ ម្នាក់ឯង ដោយគ្មានការយល់ពីសហចៅក្រមជាតិ លោក យូ ប៊ុនឡេង ទៅលើ សំណុំរឿង ០០៣ និងសំណុំរឿង ០០៤ ដែលអាចឈានទៅដល់ការចោទប្រកាន់ និង ចាប់មកកាត់ទោសលើមេដឹកនាំខ្មែរក្រហមច្រើនរូបផ្សេងទៀត។ ប៉ុន្តែ សំណុំរឿង ០០៣ ឬ ០០៤ មិនដឹងបើកការស៊ើបអង្កេតពេលណាទេ ដោយលោកចៅក្រម យូ ប៊ុនឡេង បានលើកឡើងថា លោកនឹងសិក្សា និងលើកមកពិចារណាលើ សំណុំរឿងលេខ ០០៣ បន្ទាប់ពីចៅក្រមអន្តរជាតិថ្មី សិក្សា និងពិនិត្យ តាមផ្លូវច្បាប់ លើសំណុំរឿងនោះថា តើត្រូវធ្វើបែបណា?។ យ៉ាងណាក៏ដោយ រដ្ឋាភិបាលកម្ពុជាបានបង្ហាញជំហររួចហើយ ដោយមិនឲ្យ មានការបើកការស៊ើបអង្កេត ឈានដល់ការចាប់ខ្លួន និងកាត់ទោស មេខ្មែរក្រហមផ្សេងទៀត ក្រៅតែពីមេខ្មែរក្រហម ៥ រូប ដែលកំពុងតែ ជាប់ឃុំឃាំងនៅតុលាការខ្មែរក្រហមនាពេលនេះទេ៕ -- You received this message because you are subscribed to the Google Groups "Cambodia Discussion (CAMDISC) - www.cambodia.org" group. This is an unmoderated forum. Please refrain from using foul language. Thank you for your understanding. Peace among us and in Cambodia. To post to this group, send email to [email protected] To unsubscribe from this group, send email to [email protected] For more options, visit this group at http://groups.google.com/group/camdisc Learn more - http://www.cambodia.org
