ស្ពានព្រែកព្នៅត្រូវបានសម្ពោធដាក់ឲ្យប្រើប្រាស់ ដោយ កែវ និមល 2010-09-20 rfa ស្ពានព្រែកព្នៅ ដែលមានបណ្ដោយជាង ៩០០ម៉ែត្រ និងទទឹង ១៤ម៉ែត្រ សង់ ឆ្លងកាត់ទន្លេសាប ត្រង់ចំណុចឃុំស្វាយប៉ាក ខណ្ឌឫស្សីកែវ ក្រុង ភ្នំពេញ ហើយចំណាយអស់ប្រាក់ជាង ៤២,៥លានដុល្លារ ត្រូវបានសម្ពោធនៅ ថ្ងៃ២០ កញ្ញា ដោយលោកនាយករដ្ឋមន្ត្រី ហ៊ុន សែន។
ស្ពានព្រែកព្នៅនេះចំណាយលុយសាងសង់ដោយលោកឧកញ៉ា លី យ៉ុងផាត់ តាម កិច្ចសន្យាជាមួយរដ្ឋ តាមរូបភាពក្រុមហ៊ុនគ្រប់គ្រងចំនួន ៣០ឆ្នាំ បន្ទាប់មកបានប្រគល់ឲ្យរដ្ឋនោះ បានបើកឲ្យឆ្លងកាត់នៅថ្ងៃទី២០ ខែកញ្ញា។ លោកនាយករដ្ឋមន្ត្រី ហ៊ុន សែន ដែលបានមានប្រសាសន៍ក្នុងពិធីសម្ពោធ ឲ្យប្រើប្រាស់ស្ពានព្រែកព្នៅ ដែលឆ្លងកាត់ដោយបង់ប្រាក់ថា ៖ «សូម បញ្ជាក់ ថ្មើរជើង ដើរ អត់យកលុយទេ! រួចចុះជិះកង់យកលុយឬអត់? អត់ យកលុយទេ! ជិះម៉ូតូយកលុយឬអត់? អត់យកលុយទេ! ម៉ូតូកង់បី និងគោ យន្ត ក៏អត់យកដែរ! ចាប់យកលុយតែពីរថយន្តទេសចរណ៍ និងតាក់ស៊ី ដែល ក្នុងនោះតម្លៃក្នុងកុងត្រា ៥.៧០០រៀល ក្នុងឡានមួយ។ រថយន្ត Pickup ៦.៨០០រៀល, រថយន្តប្រភេទ ១២ ទៅ ១៥កៅអី ១២.៧០០រៀល, រថយន្តប្រភេទ ២៤ ទៅ ២៥កៅអី ១៨.០០០រៀល ប្រភេទរថយន្តដឹកជញ្ជូនកង់ដប់ ១៨.០០០, រថយន្តដឹក ជញ្ជូនលើសពីកង់ដប់ ៣៤.០០០»។ ជាមួយគ្នានោះដែរ លោកនាយករដ្ឋមន្ត្រីកម្ពុជា បានមានប្រសាសន៍ឲ្យ ដឹងថា ក្នុងពេលបុណ្យកាន់បិណ្ឌ និងភ្ជុំនេះ ការឆ្លងស្ពានមិន ទាន់យកលុយទេ ៖ «ចាប់ពីថ្ងៃ២០ ខែ៩ ដល់ថ្ងៃ១៥ ខែ១០ គឺរយៈពេល ២៥ ថ្ងៃ ខ្ញុំសុំឲ្យប្រជាជនឆ្លងកាត់ដោយមិនបង់លុយ!»។ លោកនាយករដ្ឋមន្ត្រី ហ៊ុន សែន បានមានប្រសាសន៍ថា ចំពោះអ្នកនយោបាយ មាននិន្នាការប្រឆាំងនៅកម្ពុជា បើមិនបង់លុយឆ្លងស្ពានទេ មានតែ ហែលទឹក។ លោក យឹម សុវណ្ណ អ្នកនាំពាក្យគណបក្ស សម រង្ស៊ី ដែលជាគណបក្សប្រឆាំង នៅកម្ពុជា បានមានប្រសាសន៍ទាក់ទងនឹងការលើកឡើងរបស់លោកនាយក រដ្ឋមន្រ្តី ហ៊ុន សែន ថា ៖ «អាហ្នឹងគឺជាសិទ្ធិរបស់យើងខ្ញុំទេតើ! ខ្ញុំឆ្លង ឬមិនឆ្លង មានទាក់ទងអីដល់នាយករដ្ឋមន្ត្រី! ធម្មតាទេ សេវាសាធារណៈដែលត្រូវផ្ដល់ឲ្យប្រជាពលរដ្ឋមិនចាំបាច់បង់ប្រាក់! បើសិនជារដ្ឋាភិបាលយកលុយ អាហ្នឹងខ្ញុំការពារផលប្រយោជន៍ប្រជា ពលរដ្ឋ អាហ្នឹងគឺជាសិទ្ធិរបស់ប្រជាពលរដ្ឋ ហើយជាពិសេសទៀត ស្ពាន ដែលមានលក្ខណៈធំៗបែបនេះ នៅក្រៅប្រទេស គេកម្រនឹងយកលុយពីប្រជា ពលរដ្ឋណាស់! យើងនឹងខិតខំធ្វើម៉េចឲ្យរាជរដ្ឋាភិបាលប្រឹងប្រែងឲ្យ អស់ពី សមត្ថភាព ដើម្បីជួយប្រជាពលរដ្ឋ ជាពិសេសវិស័យគមនាគមន៍ សាធារណៈហ្នឹង គឺតែងតែផ្ដល់ឲ្យប្រជាពលរដ្ឋដោយមិនបាច់បង់ប្រាក់ ពីព្រោះប្រជាពលរដ្ឋបានបង់ពន្ធរួចហើយ!»។ ស្ពានព្រែកព្នៅបានចាប់កសាង កាលពីថ្ងៃទី១៥ ខែមិថុនា ឆ្នាំ២០០៨។ ស្ពានព្រែកព្នៅនេះជាស្ពានទី២ហើយ ដែលវិនិយោគលុយធ្វើដោយ ក្រុមហ៊ុន លី យ៉ុងផាត់ បន្ទាប់ពីមានការសាងសង់ស្ពានឆ្លងដៃសមុទ្រ មួយដ៏វែង នៅទីរួមខេត្តកោះកុង។ ស្ពាននៅខេត្តកោះកុងនោះ ក៏ជា ប្រភេទស្ពានឆ្លងកាត់បង់ប្រាក់ដែរ។ ប្រភពមន្ត្រីរដ្ឋាភិបាលបានឲ្យដឹងថា បច្ចុប្បន្ននេះមានគម្រោងសាង សង់ស្ពានចំនួន ៣ធំៗទៀត ឆ្លងកាត់ទន្លេ មានស្ពានឆ្លងទន្លេមេគង្គ នៅអ្នកលឿង ស្ពានឆ្លងទន្លេបាសាក់នៅតាខ្មៅ និងស្ពានថ្មីមួយទៀត ឆ្លងកាត់ទន្លេសាបនៅក្បែរស្ពានជ្រោយចង្វា៕ -- You received this message because you are subscribed to the Google Groups "Cambodia Discussion (CAMDISC) - www.cambodia.org" group. This is an unmoderated forum. Please refrain from using foul language. Thank you for your understanding. Peace among us and in Cambodia. To post to this group, send email to [email protected] To unsubscribe from this group, send email to [email protected] For more options, visit this group at http://groups.google.com/group/camdisc Learn more - http://www.cambodia.org
