((((គេគួរតែរកថ្នាំដ៏ស័ក្កិសិទ្ធមួយ មកអោយសមាជិកបក្សប្រឆាំងលេបគ្រប់គ្នា ដើម្បីកុំអោយពួកគាត់ កើតរោគរអឹល មាត់ខ្លាំំងពេក ព្រោះថា ពលរដ្ឋពួកគាត់ធុញថប់ខ្លាំងណាស់ នូវទង្វើអាដែលៗនេះ ))))))))
តុលាការកោះហៅលោកតំណាងរាស្ត្រ ជា ប៉ូច ចូលសវនាការថ្ងៃ ២៩ កញ្ញា ដោយ : សុភ័ក្រ្ត (ថ្ងៃទី 21 កញ្ញា 2010) ភ្នំពេញ: លោក ឯក ឆេងហួត តំណាងអយ្យការសាលាដំបូងរាជធានីភ្នំពេញ បានចេញដីកាកាលពីថ្ងៃទី២ ខែកញ្ញា ឆ្នាំ២០១០ កោះហៅលោក ជា ប៉ូច អ្នកតំណាងរាស្ត្រមណ្ឌលព្រៃវែង នៃគណបក្សសមរង្ស៊ី ចូលរួមសវនាការ នៅ ថ្ងៃទី២៩ ខែកញ្ញា ឆ្នាំ២០១០ វេលាម៉ោង ២រសៀល ពីបទបរិហារកេរ្តិ៍ តាម វិទ្យុ កាលពីខែសីហា ឆ្នាំ២០០៤ បទល្មើសព្រហ្មទណ្ឌ ដែលមានចែងតាមមា ត្រា ៦៣ ច្បាប់ព្រហ្មទណ្ឌអន្តរកាល ។ លោកតំណាងរាស្ត្រវ័យក្មេង ជា ប៉ូច ត្រូវបានសម្តេចក្រុមព្រះ នរោត្តម រណឫទ្ធិ ប្តឹងចោទប្រកាន់ពីបរិហារកេរ្តិ៍ ដោយសារតែក្រោយការបោះឆ្នោតជាតិឆ្នាំ២០០៣ ក្នុងពេលជាប់គាំងនយោបាយ លោក ជា ប៉ូច បានថ្លែងថា សម្តេចក្រុមព្រះ នរោត្តម រណឫទ្ធិ បានទទួលនូវយន្តហោះពីសម្តេចនាយករដ្ឋមន្ត្រី ហ៊ុន សែន ដើម្បីជាថ្នូរនឹងការចូលរួមបង្កើតរដ្ឋាភិបាលចម្រុះ រវាងគណបក្សប្រជាជនកម្ពុជា និងគណបក្សហ៊្វុនស៊ិនប៉ិច ក្នុងអាណត្តិទី៣។ ភ្លាមៗនោះ លោកតំណាងរាស្ត្រ ជា ប៉ូច រួមជាមួយនឹងលោក សមរង្ស៊ី ជាមេបក្ស ត្រូវបានរដ្ឋសភាដកអភ័យឯកសិទ្ធិ និងបានរត់ចេញទៅក្រៅប្រទេស។ ក្រោយមកបន្តិច ក៏មានការសម្រុះសម្រួលផ្នែកនយោបាយ ប៉ុន្តែគេមិននឹកស្មានថា សំណុំរឿងប្តឹងផ្តល់នោះ មិនទាន់ចប់ដូច្នេះសោះ។ សមាសភាពក្នុងសវនាការ នាថ្ងៃទី២៩ ខែកញ្ញាខាងមុខ រួមមាន លោកស្រី គឹម ដានី ជាចៅក្រមជំនុំជម្រះ លោក ឯក ឆេងហួត ព្រះរាជអាជ្ញារង ជាតំណាង អយ្យការ លោក ទា សីហា ក្រឡាបញ្ជី លោក ម៉ៅ សុភារិទ្ធ មេធាវីការពារ ជនជាប់ចោទ ( ជា ប៉ូច ) និងលោកលី សុវណ្ណ មេធាវីការពារសម្តេចក្រុមព្រះ នរោត្តម រណឫទ្ធិ អតីតប្រធានគណបក្សហ៊្វុនស៊ិនប៉ិច និងជាអតីតប្រធានរដ្ឋសភា ដើម្បីការពារដើមបណ្តឹងរដ្ឋប្បវេណី។ ពាក្យបណ្តឹងប្រឆាំងលោក ជា ប៉ូច នេះ នឹងមិនត្រូវប្រឈមនឹងការផ្តន្ទាទោស ជាប់ពន្ធនាគារទេ ប៉ុន្តែត្រូវប្រឈមនឹងការផាកពិន័យ ជាប្រាក់ប្រមាណពី ១ លានរៀល ទៅ ១០ លានរៀល ដូចករណីរបស់លោកស្រី មូរ សុខហួរ៕ -- You received this message because you are subscribed to the Google Groups "Cambodia Discussion (CAMDISC) - www.cambodia.org" group. This is an unmoderated forum. Please refrain from using foul language. Thank you for your understanding. Peace among us and in Cambodia. To post to this group, send email to [email protected] To unsubscribe from this group, send email to [email protected] For more options, visit this group at http://groups.google.com/group/camdisc Learn more - http://www.cambodia.org
