រដ្ឋាភិបាលបញ្ជាក់ថា អត្រានៃភាពក្រីក្ររបស់ប្រជាជនកម្ពុជា មាន ត្រឹមតែជាង ២៧ % ប៉ុណ្ណោះ cen.com.kh
ដោយ : លីហូវ (ថ្ងៃទី 21 កញ្ញា 2010) ភ្នំពេញ: អង្គភាពព័ត៌មាន និងប្រតិកម្មរហ័ស របស់ ទីស្តីការគណៈរដ្ឋមន្ត្រី នៃរាជរដ្ឋាភិបាលកម្ពុជា បានប្រកាសថា អត្រានៃ ភាពក្រីក្ររបស់ប្រជាជនកម្ពុជា បានធ្លាក់ចុះពីប្រមាណ ៥០% ក្នុង ឆ្នាំ១៩៩៣ មកត្រឹម ៣០% នៅឆ្នាំ២០០៧ និងបន្ទាប់មកទៀត អត្រានៃ ភាពក្រីក្រ បានធ្លាក់ដល់ ២៧,៤% នៅឆ្នាំ២០០៩។ ចំណែកនៅឆ្នាំ២០១០ ធ្លាក់ចុះមកត្រឹមចំនួន ២៧,៣%។ សេចក្តីប្រកាសព័ត៌មាន ចុះថ្ងៃទី២០ ខែកញ្ញា ឆ្នាំ២០១០ បានបង្ហាញថា រាជរដ្ឋាភិបាលកម្ពុជា បានដាក់ចេញនូវយុទ្ធសាស្ត្រចតុកោណ ទាំងជំហានទី១ និងជំហានទី២ ដើម្បីសម្រេចបាននូវការកាត់បន្ថយ ភាពក្រីក្រ ឲ្យបានជាង ១% ក្នុងមួយឆ្នាំៗ។ ក្នុងឆ្នាំ២០០៨ ខណៈដែលផលិតផលក្នុងស្រុកសរុប របស់កម្ពុជា បាន កើនដល់ ១០,៣ ពាន់លានដុល្លារនោះ ធ្វើឲ្យចំណូលជាមធ្យមរបស់ប្រជាជន កម្ពុជាម្នាក់ៗ បានកើនឡើង ៣ ដង ពី ២២៩ ដុល្លារ ឡើងដល់ ៧៣៩ ដុល្លារ ។ សេចក្តីប្រកាសព័ត៌មានដដែល បានកត់សម្គាល់ថា ជាមួយនឹងការងើប ឡើងវិញនូវសេដ្ឋកិច្ចពិភពលោក ក៏ដូចជាសេដ្ឋកិច្ចកម្ពុជា ក្នុងពេល បច្ចុប្បន្ន និងអនាគត រាជរដ្ឋាភិបាលកម្ពុជានឹងអាចសម្រេចគោលដៅ អភិវឌ្ឍន៍សហសវត្សរ៍ ក្នុងការកាត់បន្ថយភាពក្រីក្រ ឲ្យមកនៅត្រឹម ១៩,៥ % នៅឆ្នាំ២០១៥ ដូចដែលបានគ្រោងទុក។ សេចក្តីប្រកាសព័ត៌មានរបស់អង្គភាពព័ត៌មាន និងប្រតិកម្មរហ័ស ខាងលើនេះ បានធ្វើឡើង ដើម្បីបំភ្លឺដល់សាធារណៈមតិ តបទៅនឹងការផ្សាយ របស់ វិទ្យុអាស៊ីសេរី កាលពីយប់ថ្ងៃទី១៩ ខែកញ្ញា ឆ្នាំ២០១០ ដែលបាន លើកឡើងថា មូលនិធិអង្គការសហប្រជាជាតិ សម្រាប់ប្រជាជន ហៅកាត់ថា UNFPA ប្រចាំកម្ពុជា បានឲ្យដឹងថា ក្នុងចំណោមប្រជាពលរដ្ឋខ្មែរជាង ១៤ លាន នាក់ នាពេលបច្ចុប្បន្ន គឺមានប្រមាណ ៣០ % នៃចំនួននោះ កំពុងស្ថិតនៅ ក្នុងបន្ទាត់នៃភាពក្រីក្រនៅឡើយ។ ក៏ប៉ុន្តែចំពោះការផ្សព្វផ្សាយព័ត៌មានខាងលើនេះ ត្រូវបាន អ្នកនាំពាក្យរបស់អង្គភាពព័ត៌មាន និងប្រតិកម្មរហ័ស ចាត់ទុកថា ការខុសឆ្គង ហើយថា ការពិតអត្រានៃប្រជាជនកម្ពុជា ដែលរស់នៅក្រោម បន្ទាត់នៃភាពក្រីក្រ គឺបានធ្លាក់ចុះមកក្រោម ៣០% តាំងពីឆ្នាំ២០០៩ មកម្លេះ៕ -- You received this message because you are subscribed to the Google Groups "Cambodia Discussion (CAMDISC) - www.cambodia.org" group. This is an unmoderated forum. Please refrain from using foul language. Thank you for your understanding. Peace among us and in Cambodia. To post to this group, send email to [email protected] To unsubscribe from this group, send email to [email protected] For more options, visit this group at http://groups.google.com/group/camdisc Learn more - http://www.cambodia.org
