មន្ត្រីសាលាក្តីខ្មែរក្រហមជួបជាមួយអតីតខ្មែរក្រហមនៅខេត្តប៉ៃលិន
cen,com,kh ដោយ : អត្ថបទតុលាការខ្មែរក្រហម (ថ្ងៃទី 23 កញ្ញា 2010) ប៉ៃលិន: ព្រះសង្ឃ ដូនជីតាជី មន្ត្រីស៊ីវិល កងកម្លាំងប្រដាប់អាវុធ និង ប្រជាជនក្នុងខេត្តប៉ៃលិន សរុបប្រមាណជាង៣០០នាក់ បានមកជួបជុំគ្នា ក្នុងកម្មវិធីវេទិកាសាធារណៈមួយដែលរៀបចំដោយ អង្គជំនុំជម្រះ វិសាមញ្ញក្នុងតុលាការកម្ពុជា (អ.វ.ត.ក.) នៅខេត្តប៉ៃលិន ដែល ជាអតីតតំបន់តស៊ូខ្មែរក្រហម កាលពីព្រឹកថ្ងៃទី២២ ខែកញ្ញា ឆ្នាំ ២០១០។ ការរៀបចំវេទិកានេះឡើង គឺដើម្បីបង្កើតឧិកាសសន្ទនាគ្នារវាងម ន្ត្រីនៃ អ.វ.ត.ក. ជាមួយនិងអតីត កម្មាភិបាលនិងយុទ្ធជននៃរបប កម្ពុជាប្រជាធិបតេយ្យ ដើម្បីផ្សព្វផ្សាយព័ត៌មានអំពីដំណើរការរបស់ អ .វ.ត.ក. ដល់សហគមន៍មួយ ដែលមានប្រជាជនភាគច្រើនជាអតីត កម្មាភិបាលនិងយុទ្ធជនខ្មែរក្រហម ក៏ដូចជាដើម្បីផ្តល់ឧិកាស ឲ្យ ពួកគាត់បានលើកឡើងអំពីចម្ងល់ និងសម្តែងការយល់ឃើញរបស់គាត់ ជុំវិញ ដំណើរការកាត់ទោសមេដឹកនាំខ្មែរក្រហម។ វេទិកានេះប្រព្រឹត្តទៅដោយមានការអញ្ជើញចូលរួមជាកិត្តិយស របស់លោក ម៉ី មាក់ អភិបាលរងខេត្ត ប៉ៃលិន និងមានការចូលរួមពីមន្ត្រី នៃ អ.វ.ត.ក. មានលោក អេនឌ្រូ ខេលី សហព្រះរាជអាជ្ញាអន្តរជាតិ លោក រីឆាដ រ៉ចចឺ ប្រធានផ្នែកគាំពារមេធាវីជនជាប់ចោទ លោក រាជ សម្បត្តិប្រធានផ្នែកកិច្ចការ សាធារណៈ និងលោក ឡាស អូលសិន មន្ត្រី សម្របសម្រួលផ្នែកច្បាប់នៃផ្នែកកិច្ចការសាធារណៈ។ នេះជាវេទិកាសាធារណៈទី១ក្នុងរយៈពេលបីខែចុងក្រោយនេះ ដែល រៀបចំដោយ អ.វ.ត.ក. នៅក្នុងអតីតតំបន់ចុងក្រោយមួយរបស់ ខ្មែរក្រហម ដែលបានធ្វើសមាហរណកម្មជាមួយរាជរដ្ឋាភិបាលកម្ពុជា ក្នុង ឆ្នាំ១៩៩៦។ វេទិកាសំណេះសំណាលទាំងមូល មានសកម្មភាពផុលផុស ដោយអ្នក ចូលរួមបានសួរសំណួរជាច្រើន និងសម្តែងការយល់ឃើញរបស់គាត់ ពាក់ព័ន្ធ ទៅនឹងដំណើរការរឿងក្តីលេខ ០០២ និងរឿងក្តីបន្តបន្ទាប់ទៀត ព្រមទាំង ការស្វែងរកភ័ស្តុតាងដាក់បន្ទុកទៅលើជនត្រូវចោទ។ អ្វីដែលគួរឲ្យកត់ សម្គាល់បំផុតគឺថា អ្នកចូលរួមទាំងអស់បាន សម្តែងភាពស្មោះត្រង់ ដោយលើកឡើងអំពីការយល់ឃើញរបស់គាត់ពាក់ព័ន្ធ ទៅនឹងជនត្រូវចោទទាំង បួនរូបនៅក្នុងសំណុំរឿងលេខ ០០២ មានលោក នួន ជា លោក ខៀវ សំផន លោក អៀង សារី និងលោកស្រី អៀង ធិរិទ្ធ។ ក្តីបារម្ភចម្បងបំផុតរបស់មន្ត្រី និងប្រជាជននៅខេត្តប៉ៃលិន ក្នុងពេលនេះ គឺថាពួកគាត់គាំទ្រឲ្យមានការជំនុំជម្រះក្តីមួយ ប្រកប ដោយភាពយុត្តិធម៌និងត្រឹមត្រូវ ក៏ប៉ុន្តែគាត់មិនគាំទ្រ ការកាត់ទោសណាមួយដែលនាំឲ្យសង្គមកម្ពុជា ឃ្លាតឆ្ងាយពីការផ្សះផ្សា ជាតិឡើយ៕ -- You received this message because you are subscribed to the Google Groups "Cambodia Discussion (CAMDISC) - www.cambodia.org" group. This is an unmoderated forum. Please refrain from using foul language. Thank you for your understanding. Peace among us and in Cambodia. To post to this group, send email to [email protected] To unsubscribe from this group, send email to [email protected] For more options, visit this group at http://groups.google.com/group/camdisc Learn more - http://www.cambodia.org
