កម្ពុជាបញ្ជូនកងកម្លាំងដោះមីនដំបូងទៅប្រទេសលីបង់ ដោយ សុខ សេរី 2010-09-27 rfa ក្រសួងការពារជាតិកម្ពុជាមានគម្រោងការបញ្ជូនកងកម្លាំង រក្សា សន្តិភាពកម្ពុជា និងក្រុមដោះមីនសរុបជាង២០០នាក់ ជាលើកដំបូង ទៅ កាន់ប្រទេសលីបង់ (Lebanon) នៅចុងខែតុលាខាងមុខនេះ ដើម្បីបំពេញ បេសកកម្មមនុស្សធម៌រយៈពេល១ឆ្នាំ តាមសំណើរបស់អង្គការសហប្រជា ជាតិ។
ប្រភពពីមន្ត្រីជាន់ខ្ពស់រដ្ឋាភិបាលកម្ពុជា បានបញ្ជាក់ថា គ្រឿង យន្ត ឬសម្ភារមួយចំនួនសម្រាប់ប្រើប្រាស់ នៅក្នុងបេសកកម្មដោះមីន នោះ ត្រូវបានគេដឹកទៅប្រទេសលីបង់ (Lebanon) តាមកប៉ាល់ទឹករួចហើយ ទៅដល់ប្រទេសនេះតាំងពីថ្ងៃទី២០ ខែកញ្ញាកន្លងទៅនេះ។ ឧត្ដមសេនីយ៍ឯកផ្កាយមាសបួន លោក ប្រាក់ សុខុន និងជាប្រធានគណ កម្មការជាតិ សម្របសម្រួលកិច្ចការងារបញ្ជូនកម្លាំងចូលរួមថែរក្សា សន្តិភាព របស់អង្គការសហប្រជាជាតិ បានមានប្រសាសន៍ប្រាប់វិទ្យុ អាស៊ីសេរី នៅថ្ងៃទី២៦ ខែកញ្ញាថា ៖ «ជាលើកទីមួយ ដែលយើងបញ្ជូន កងវិស្វកម្មរបស់យើង គេហៅថា សំណង់បញ្ឈរ និងសំណង់ផ្ដេក។ សំណង់ បញ្ឈរទាក់ទងទៅនឹងអគារ ហើយសំណង់ផ្ដេក គឺទាក់ទងនឹងផ្លូវស្ពាន។ ក្នុងកម្លាំងទាំង២០០នាក់ជាងនេះ គឺមានមួយកងអនុសេនាតូចដោះមីន ជាលើកដំបូងផងដែរ។ មានពាក់កណ្ដាល មានដោះមីន ដោយគ្រឿងយន្ត»។ កាលពីខែកក្កដា ឆ្នាំ២០១០ កន្លងទៅនេះ ក្រសួងការពារជាតិកម្ពុជា បានសម្រេចពន្យារពេលក្នុងការបញ្ជូនកងកម្លាំងទាំងនោះទៅកាន់ ប្រទេសលីបង់រួចម្ដងទៅហើយ ដោយសារតែរដ្ឋាភិបាលលីបង់ មិនទាន់បាន ត្រៀមខ្លួនរួចស្រេចបាច់នៅឡើយ ដើម្បីទទួលកងកម្លាំងថែរក្សា សន្តិភាពរបស់កម្ពុជា។ សាកលវិទ្យាធិការ នៃសាកលវិទ្យាល័យខេមរៈ លោក បណ្ឌិត សុខ ទូច និងជាអ្នកសង្កេតការនយោបាយប្រទេសកម្ពុជា បានមាន ប្រសាសន៍ថា ៖ «ប្រទេស កម្ពុជាជាប្រទេសមួយ ដែលសិក្សាពីបញ្ហាកប់ គ្រាប់មិនគ្រប់ប្រភេទ តាំងពីរបស់មហាអំណាច ទាំងចិន អាមេរិក រុស្ស៊ី ទាំងអស់នេះនៅលើទឹកដីកម្ពុជា អីចឹងបទពិសោធន៍ ដ៏ច្រើន គ្រប់ប្រភេទនេះ ដែលអាចធ្វើឲ្យកម្ពុជាក្លាយជាអ្នកជំនាញ នៅក្នុង ការដោះមីន»។ លោក ប្រាក់ សុខុន ធ្លាប់បានបញ្ជាក់កាលពីខែកក្កដាថា កងកម្លាំង រក្សាសន្តិភាពកម្ពុជាចំនួនជាង ២០០នាក់ខាងលើនេះ គឺត្រូវបានគេ ចែកជា២ផ្នែក។ ផ្នែកទី១ គឺកម្លាំងវិស្វកម្មសាងសង់អគារ ផ្លូវ ថ្នល់ និងស្ពាន ចំនួនប្រមាណ ១៥០នាក់។ និងផ្នែកទី២ គឺកម្លាំងដោះ មីនដោយគ្រឿងចក្រ និងដៃ ចំនួនប្រមាណ ៥០នាក់ សម្រាប់បេសកកម្មរយៈ ពេល ១ឆ្នាំ តាមសំណើរបស់អង្គការសហប្រជាជាតិ។ ប្រទេសកម្ពុជាបានបញ្ចូលកងកម្លាំងថែរក្សាសន្តិភាពដោះមីនចំនួន ជាង២០០នាក់ ជាលើកដំបូងបង្អស់ កាលពីឆ្នាំ២០០៦ កន្លងទៅ ទៅកាន់ ប្រទេសស៊ូដង់ (Sudan) សម្រាប់បំពេញបេសកកម្មរបស់អង្គការសហប្រជា ជាតិរយៈពេល១ឆ្នាំ។ មកដល់ពេលនេះ គេបានប្ដូរវេនគ្នាចំនួន ៥លើក រួចមកហើយ។ កាលពីឆ្នាំ២០០៩ កន្លងទៅ ក្រសួងការពារជាតិកម្ពុជា បានបញ្ចូល កម្លាំងដោះមីនកម្ពុជាមួយក្រុម ចំនួនតិចជាង១០០នាក់ ទៅកាន់ ប្រទេសឆាត (Chad) នៅអាហ្វ្រិកកណ្ដាលរយៈពេល ១ឆ្នាំ តាមសំណើរបស់ អង្គការសហប្រជាជាតិ។ ប្រទេសកម្ពុជា គឺជាប្រទេសរងគ្រោះដោយសារគ្រាប់មីនច្រើនលាន គ្រាប់ បន្សល់ពីសម័យសង្គ្រាមជាង៣០ឆ្នាំ ចាប់តាំងពីឆ្នាំ១៩៧០ មក។ នៅពេលនេះ កម្ពុជាបានក្លាយជាប្រទេសមួយនាំមុខគេ នៅក្នុង តំបន់អាស៊ី ក្នុងការថែរក្សាសន្តិភាព និងមានជំនាញខាងដោះមីន សម្រាប់ប្រទេសនានាលើពិភពលោក នេះបើតាមសេចក្ដីថ្លែងការណ៍របស់ លោក ហ្សង់ ព្យែរ ដេ ម៉ាហ្គារី (Jean Pierre De Margerie) តំណាងនៃអ្នក សម្របសម្រួលរបស់អង្គការសហប្រជាជាតិកន្លងមកនៅក្នុង ប្រទេស កម្ពុជា៕ -- You received this message because you are subscribed to the Google Groups "Cambodia Discussion (CAMDISC) - www.cambodia.org" group. This is an unmoderated forum. Please refrain from using foul language. Thank you for your understanding. Peace among us and in Cambodia. To post to this group, send email to [email protected] To unsubscribe from this group, send email to [email protected] For more options, visit this group at http://groups.google.com/group/camdisc Learn more - http://www.cambodia.org
