អង្គភាពប្រឆាំងអំពើពុករលួយកំពុងអង្កេតបណ្ដឹងជាង១០ករណី ដោយ ទីន ហ្សាការីយ៉ា 2010-09-28
អង្គភាពប្រឆាំងអំពើពុករលួយ ដែលទើបបង្កើតឡើងនៅពេលថ្មីៗនេះ ទទួល ពាក្យបណ្ដឹងពាក់ព័ន្ធនឹងអំពើពុករលួយពីសាធារណជនបានជាង ១០ករណី ហើយ។ RFA មន្ត្រីនាំពាក្យរបស់ក្រុមប្រឹក្សាជាតិប្រឆាំងអំពើពុករលួយ បាន ថ្លែងឲ្យដឹងកាលពីថ្ងៃទី២៧ ខែកញ្ញាថា អង្គភាពប្រឆាំងអំពើ ពុករលួយកំពុងធ្វើការស៊ើបអង្កេតទៅលើពាក្យ បណ្ដឹងអំពីករណី ពុករលួយនេះហើយ ដើម្បីធ្វើការកាត់ទោសទៅតាមផ្លូវច្បាប់។ លោក កែវ រ៉េមី បានមានប្រសាសន៍នៅក្នុងសន្និសីទសារព័ត៌មាន កាលពី ថ្ងៃទី២៧ ខែកក្កដា នៅឯស្ថាប័នប្រឆាំងអំពើពុករលួយក្នុងរាជធានី ភ្នំពេញថា ពាក្យបណ្ដឹងជាង ១០នេះ ក្នុងនោះមានមួយចំនួនជាបណ្ដឹង អាណាមឹក និងមួយចំនួនទៀតជាពាក្យបណ្ដឹងចាស់ដែលគេប្ដឹងមុន អង្គភាពប្រឆាំង អំពើពុករលួយថ្មីត្រូវបានបង្កើតឡើងក្នុងរយៈពេល ជាង ៣ខែនេះ។ លោក កែវ រ៉េមី បានអះអាងទៀតថា ស្ថាប័នប្រឆាំងអំពើពុករលួយមាន ផែនការយុទ្ធសាស្ត្រ ៥ឆ្នាំទៅមុខ គឺចាប់ពីឆ្នាំ២០១១ ដល់ឆ្នាំ ២០១៥ ដោយយុទ្ធសាស្ត្រនេះគ្មានការលើកលែងចំពោះមន្ត្រីធំៗ ឬ មន្ត្រីតូចតាចនោះឡើយ ឲ្យតែក្រុមប្រឹក្សាជាតិប្រឆាំងអំពើពុករលួយ រកឃើញ ឬមានពាក្យបណ្ដឹងពីសាធារណជនថា មានអំពើពុករលួយ និងមាន ភស្តុតាងច្បាស់ គឺត្រូវចាត់ការទាំអស់។ លោក កែវ រ៉មី បន្ថែមថា ៖ «ទី១សំខាន់គឺអប់រំសាធារណជនឲ្យបាន ជ្រាប អំពីអំពើពុករលួយ គេធ្វើម៉េចខ្លះអីខ្លះ ឲ្យយល់។ ក្នុងការអប់រំ នេះ ក្នុងគម្រោងរបស់យើង អាចនឹងមានដាក់ក្នុងកម្មវិធីសិក្សាដល់ សិស្សនៅបឋមសិក្សារហូតដល់ ឧត្ដមសិក្សា»។ លោក កែវ រ៉េមី មិនបានបញ្ជាក់ទេថា តើពាក្យបណ្ដឹងជាង ១០ករណីនោះ គេ បានប្ដឹងទៅលើមន្ត្រីរដ្ឋាភិបាលថ្នាក់ណានោះទេ ដោយលោកបញ្ជាក់ថា នេះជារឿងសម្ងាត់។ លោក កែវ រ៉េមី បានឲ្យដឹងទៀតថា អង្គភាពប្រឆាំង អំពើពុករលួយបានរៀបចំធ្វើបទបញ្ជាផ្ទៃក្នុងរបស់ ខ្លួនរួចហើយ ដែល មានជាង ១០ជំពួក និង ៣១មាត្រា។ មន្ត្រីនាំពាក្យគណបក្ស សម រង្ស៊ី លោក យឹម សុវណ្ណ បានសាទរចំពោះការ លើកឡើងរបស់មន្ត្រីនាំពាក្យក្រុមប្រឹក្សាជាតិ ប្រឆាំងអំពើ ពុករលួយនេះ ដោយលោកបញ្ជាក់ថា ឲ្យតែស្ថាប័ននេះអនុវត្តបានដូចការ លើកឡើងនេះជាការប្រសើរជាទី បំផុត ប៉ុន្តែលោកគ្មានជំនឿថា ស្ថាប័ននេះអាចធ្វើបាននោះទេ ព្រោះមន្ត្រីនៅក្នុងអង្គភាពនេះជា សមាសភាពមកពីមន្ត្រីរដ្ឋាភិបាល ទាំងអស់នោះ។ មន្ត្រីសម្របសម្រួលបណ្ដាញរួបរួមដើម្បីគណនេយភាពសង្គមនៅអាស៊ី បូព៌ា និងប៉ាស៊ីហ្វិក ប្រចាំកម្ពុជា លោក សន ជ័យ បានមានប្រសាសន៍នៅ ក្រោយពេលលោកបានទៅជួបពិភាក្សាជាមួយលោក ឱម យ៉ិនទៀង ប្រធានអង្គភាព ប្រឆាំងអំពើពុករលួយ កាលពីល្ងាចថ្ងៃទី២៧ ខែកញ្ញាថា ស្ថាប័ន ប្រឆាំងអំពើពុករលួយបានទទួលយកអង្គការសង្គមស៊ីវិលចំនួន ១០ និងបើក ទូលាយចំពោះអង្គការសង្គមស៊ីវិលមួយចំនួនទៀត ក្នុងការសហការការងារ ប្រឆាំងអំពើពុករលួយនៅកម្ពុជា ដោយលោកបានបញ្ជាក់ថា នេះជាសញ្ញា ល្អមួយ។ លោក សន ជ័យ បានលើកឡើងថា លោក ឱម យ៉ិនទៀង បានព្រមព្រៀងអនុវត្តគម្រោង នៅតាមបណ្ដោយផ្លូវព្រះមុនីវង្ស ក្នុងរាជធានីភ្នំពេញ ក្នុងពេលឆាប់ៗ នេះ ព្រោះកន្លងមកនៅមានអាជីវករ និងភោជនដ្ឋានមួយចំនួននៅតាម បណ្ដោយផ្លូវនេះ មានអំពើពុករលួយច្រើន ដោយសមត្ថកិច្ចបានបង្ខំឲ្យ ម្ចាស់ហាងទាំងនេះបង់ប្រាក់ឲ្យពួកគេ។ ច្បាប់ប្រឆាំងអំពើពុករលួយបានចែងផ្ដន្ទាទោសឲ្យជាប់គុករវាង ៧ ថ្ងៃ ដល់ ៥ឆ្នាំ ចំពោះអំពើពុករលួយកម្រិតទាប និងផ្តន្ទាទោសឲ្យ ជាប់គុករវាង ៥ឆ្នាំ ដល់ ១៧ឆ្នាំ ឬមួយជីវិត ចំពោះអំពើពុករលួយ កម្រិតធ្ងន់ធ្ងរ។ លោក កែវ រ៉េមី បានឲ្យដឹងថា អង្គភាពរបស់លោកបានត្រៀមឯកសាររួចរាល់ ហើយ ដើម្បីតម្រូវឲ្យមុខសញ្ញាមន្ត្រីរាជការ និងប្រធានអង្គភាពមួយ ចំនួនដែលមានជាង ១០ម៉ឺននាក់ នឹងត្រូវប្រកាសទ្រព្យសម្បត្តិចាប់ពី ខែដើមឆ្នាំ២០១១ ខាងមុខ៕ -- You received this message because you are subscribed to the Google Groups "Cambodia Discussion (CAMDISC) - www.cambodia.org" group. This is an unmoderated forum. Please refrain from using foul language. Thank you for your understanding. Peace among us and in Cambodia. To post to this group, send email to [email protected] To unsubscribe from this group, send email to [email protected] For more options, visit this group at http://groups.google.com/group/camdisc Learn more - http://www.cambodia.org
