សម្តេចតេជោហ៊ុនសែនបានដឹកនាំគណៈប្រតិភូកម្ពុជាមួយក្រុមចូល
រួមកិច្ចប្រជុំកំពូលអាស៊ី-អ៊ឺរ៉ុបលើកទី៨
(02/10/2010 Time10:20am)
ភ្នំពេញ៖ សម្តេចអគ្គមហាសេនាបតីតេជោហ៊ុន សែននាយករដ្ឋ
មន្រ្តីនៃព្រះរាជាណាចក្រកម្ពុជានៅវេលាម៉ោង៧យប់ ថ្ងៃទី០១ខែតុលា
បានដឹកនាំគណៈប្រតិ ភូកម្ពុជាមួយក្រុមទៅចូលរួមកិច្ចប្រជុំកំពូល
អាស៊ី-អ៊ឺរ៉ុបលើក ទី៨ ដែលនឹងចាប់ ផ្តើមពីថ្ងៃទី៤ ដល់ថ្ងៃទី៥ខែ
តុលាខាងមុខនេះនៅទីក្រុងប៊្រុចសែល ប្រទេសប៊ែលហ្ស៊ីក។
យោងតាមសេចក្តីប្រកាសព័ត៌មានរបស់ក្រសួងការបរទេសកម្ពុជានៅ
ថ្ងៃទី ២៨ខែកញ្ញា ឆ្នាំ២០១០នេះបានអោយដឹងថា សម្តេចតេជោនឹងដឹក
នាំគណៈប្រតិភូកម្ពុជា រួមមានឯកឧត្តម ហោ ណាំហុង ឧបនាយករដ្ឋមន្រ្តី
រដ្ឋមន្រ្តីក្រសួងការបរទេស និងឯកឧត្តម ចម ប្រសិទ្ធ ទេស រដ្ឋមន្រ្តី
រដ្ឋមន្រ្តីក្រសួងពាណិជ្ជកម្ម ដើម្បីទៅចូលរួមកិច្ចប្រជុំកំពូល
អាស៊ី-អ៊ឺរ៉ុបតបតាមការ អញ្ជើញរបស់ឯកឧត្តម អ៊ែមេន វ៉ាន់រ៉ុមពុយ
ប្រធានក្រុមប្រឹក្សាអ៊ឺរ៉ុប និងឯកឧត្តម អ៊ីវ ឡឺទែម នាយករដ្ឋ
មន្រ្តីនៃប្រទេសប៊ែលហ្សិក។
សេចក្តីប្រកាសព័ត៌មានបានបន្តថា ក្នុងនាមកម្ពុជាជាប្រទេស
សំរបសំរួល របស់ អាស៊ានសម្តេចតេជោហ៊ុន សែន នឹងថ្លែងសុន្ទរកថាបើក
កិច្ចប្រជុំក្នុងនាមសមាជិក ក្រុម ប្រទេសអាស៊ានទាំងអស់ នៅថ្ងៃទី
៤ខែតុលា និងក្នុងអំឡុងពេលសម័យប្រជុំ ពេញអង្គ នៅថ្ងៃទី៥ខែតុលា
ឆ្នាំ២០១០។សម្តេចតេជោ នឹងធ្វើបទអន្តរាគមន៍ផងដែរលើប្រធានបទ ការ
អភិវឌ្ឍន៍ប្រកបដោយចីរភាព។
កិច្ចប្រជុំកំពូលអាស៊ី-អ៊ឺរ៉ុបលើកទី៨នឹងធ្វើឡើងក្រោម
ប្រធានបទ គុណភាពនៃជីវិត នឹងអនុម័ត នូវឯកសារសំខាន់ពីរ គឺ
សេចក្តីប្រកាសរបស់ប្រធានកិច្ចប្រជុំកំពូលអាស៊ី-អ៊ឺរ៉ុបលើកទី៨
និង សេចក្តីថ្លែងការណ៍របស់កិច្ចប្រជុំកំពូលអាស៊ី-អ៊ឺរ៉ុបលើកទី៨
ស្តី ពី វិបត្តិសេដ្ឋកិច្ចសាកលលោក ។
សេចក្តីប្រកាសបានអោយដឹងដែរថា ក្រៅពីចូលរួមកិច្ចប្រជុំកំពូល
អាស៊ី-អ៊ឺរ៉ុបលើកទី៨ នេះ ឯកឧត្តម ឧបនាយករដ្ឋមន្រ្តី ហោ ណាំហុងនឹង
ជួបពិភាក្សាជាទ្វេភាគីជាមួយឯកឧត្តម សាហ៍ ម៉ាមូដ ឃូរ៉េស៊ី រដ្ឋ
មន្រ្តីការបរទេសប៉ាគីស្ថានផងដែរ៕
--
You received this message because you are subscribed to the Google Groups
"Cambodia Discussion (CAMDISC) - www.cambodia.org" group.
This is an unmoderated forum. Please refrain from using foul language.
Thank you for your understanding. Peace among us and in Cambodia.
To post to this group, send email to [email protected]
To unsubscribe from this group, send email to
[email protected]
For more options, visit this group at http://groups.google.com/group/camdisc
Learn more - http://www.cambodia.org
