---------- Forwarded message ---------- From: Dina Lim <> Date: 2011/12/11 Subject: [CANCAMBODIA] FYI To: [email protected]
ចុះផ្សាយក្នុង *RFI* (http://www.khmer.rfi.fr) ------------------------------ បាតុកម្មតវ៉ាប្រឆាំងច្បាប់ការពារព្រះមហាក្សត្រ Created *2011-12-10 12:39* ដោយ ឈាង បុប្ផា ថៃ 0 ជាព្រឹត្តិការណ៍ដ៏កម្រកើតមាន នៅក្នុងប្រវត្តិសាស្រ្តថៃ។ ប្រជាជនថៃ ជាងមួយរយនាក់បានធ្វើបាតុកម្ម កាលពីថ្ងៃសុក្រម្សិលមិញ ដើម្បី ចេញមុខការពារបុរសចំណាស់ម្នាក់ ដែលតុលាការបានកាត់ទោស ឲ្យជាប់គុក ២០ឆ្នាំ ពីបទនិយាយប៉ះពាល់ដល់ព្រះមហាក្សត្រ។ នេះជាលើកទីមួយដែលគេឃើញប្រជាជនថៃហ៊ានចេញតវ៉ា ប្រឆាំងនឹងការអនុវត្តន៍ច្បាប់ការពារព្រះរាជវង្ស ដែលគេចាត់ទុកថា មានលក្ខណៈតឹងតែងបំផុត នៅក្នុងពិភពលោក។ នរណាក៏ដឹងដែរថា ប្រជាជនថៃគោរពយ៉ាងជ្រាលជ្រៅបំផុតព្រះរាជបល្ល័ង្ក។ ប្រជាជនថៃគ្រប់រូបតែងតែខ្លាច មិនហ៊ាននិយាយប៉ះពាល់ទៅដល់ព្រះមហាក្សត្រ ហើយ ពួកគេ ជាទូទៅថ្កោលទោសដល់អ្នកដែលហ៊ាននិយាយជេរប្រមាថព្រះមហាក្សត្រ ឬគ្រួសារព្រះរាជវង្ស។ ប៉ុន្តែ ចម្លែកអ្វីតែប្រជាជនថៃជាងមួយរយនាក់ដែលបានធ្វើបាតុកម្ម កាលពីថ្ងៃម្សិលមិញ។ ពួកគេទាំងនេះបានចេញមុខការពារ លោកAmpon Tangnoppakul បុរសចំណាស់វ័យ ៦១ឆ្នាំ ដែលត្រូវបានតុលាការកាត់ទោស កាលពីខែវិច្ឆិកាឲ្យជាប់គុក២០ឆ្នាំ។ តាមអ្នកគាំទ្រតាអំពុង (Ampon)ច្បាប់ការពារព្រះមហាក្សត្រមិនច្បាស់លាស់ ហើយការដាក់ទណ្ឌកម្មទៅលើតាអំពុងធ្វើឡើងដោយមិនសមស្រប។ តាអំពុង ដែលត្រូវប្រជាជនគាំទ្រដាក់ឈ្មោះថា តា SMS ត្រូវបានតុលាការរកឃើញថា គាត់បានសរសេរសារនិយាយប៉ះពាល់ដល់ព្រះរាជិនីថៃ។ តុលាការបានបង្ហាញថា តាអំពុងបានផ្ញើសាររិះគន់ប្រភេទនេះចំនួនបួនទៅកាន់អតីតនាយក រដ្ឋមន្រ្តីថៃ លោកអាភីស៊ីត វីចាជីវ៉ា។ តាអំពុងផ្ទាល់បានឆ្លើយបដិសេធការចោទប្រកាន់ ដោយថា គាត់មិនទាំងចេះសរសេរផ្ញើសារតាមទូរស័ព្ទយ៉ាងម៉េចផង។ នៅក្នុងប្រទេសថៃ ច្បាប់ ការពារព្រះមហាក្សត្រត្រូវគេអនុត្តយ៉ាងតឹងរ៉ឹងបំផុត។ អ្នកដែលហ៊ាននិយាយប៉ះពាល់ ឬជេរប្រមាថត្រូវប្រឈមមុខនឹងការផ្តន្ទាទោសជាប់គុកយ៉ាងតិច ១៥ឆ្នាំ។ គ្រប់ៗគ្នាដឹងថា មានខ្សែបន្ទាត់ក្រហមមួយនេះ ដែលគេមិនត្រូវឆ្លងកាត់ ប៉ុន្តែ គ្មាននរណាម្នាក់ដឹងថា តើខ្សែក្រហមនោះនឹងលាតសន្ធឹងចប់ត្រឹមណានោះទេ។ ករណីរបស់តា អំពុង ឬតា SMS គឺជាឧទាហរណ៍ស្រាប់។ ដើម្បីបិទខ្ទប់មិនឲ្យមានការនិយាយប៉ះពាល់ទាល់តែសោះដល់ព្រះមហាក្សត្រនោះ អាជ្ញាធរថៃទើបចេញការអនុវត្តន៍ថ្មី។ គ្រាន់តែចុចលើសញ្ញាចូលចិត្ត ឬធ្វើអត្ថាធិប្បាយលើអត្ថបទក្នុងFacebook ក៏ត្រូវជាប់ទោសក្នុងបទជេរប្រមាថព្រះមហាក្សត្រ ដែរ។ ចំណែក ការសរសេរផ្ញើសារ មួយ តាមទូរស័ព្ទរិះគន់ ដែលប៉ះពាល់ដល់ព្រះចេស្តាព្រះមហាក្សត្រ ត្រូវទទួលទោសជាប់គុក ៥ឆ្នាំ។ ក្នុងករណីតាអំពុង គាត់ត្រូវជាប់គុក២០ឆ្នាំ ពីព្រោះគេចោទគាត់ថា បានសរសេរសាររិះគន់ដល់ទៅ ៤ដង។ អង្គការការពារសិទ្ធិមនុស្សបានបង្ហាញក្តីកង្វល់ពីករណីរបស់តាអំពុង។ កាលពីថ្ងៃ ព្រហស្បតិ៍ ទី ៩ ធ្នូ ជនជាតិអាមេរិក ដើមកំណើតថៃក៏ទើបត្រូវបានតុលាការថៃ កាត់ទោសឲ្យជាប់គុកពីរឆ្នាំ កន្លះ ក្នុងបទចោទប្រកាន់ដូចគ្នានេះ។ គេបានវាយតម្លៃថា មានមនុស្សច្រើនជាង ២០០នាក់ត្រូវបានកាត់ទោសឲ្យជាប់គុកពីបទជេរប្រមាថ ព្រះមហាក្សត្រ ឬគ្រួសារញាតិវង្សថៃ។ បណ្តឹងចោទប្រកាន់ពីបទជេរប្រមាថព្រះមហាក្សត្របានកើនឡើង សឹងទ្វេដង ចាប់តាំងពីមានរដ្ឋប្រហារទម្លាក់លោកថាក់ស៊ីន។ ក្រុមប្រឆាំង និងបញ្ញវន្តថៃមួយចំនួនធ្លាប់រិះគន់ថា រដ្ឋាភិបាលលោកអាភីស៊ីតបានយកលេសប្រើច្បាប់ប្រឆាំងជេរប្រមាថ ព្រះមហាក្សត្រដើម្បីកំចាត់ក្រុមគណបក្សប្រឆាំង។ ការអនុវត្តន៍កាន់តែច្រើន និងមិនសមស្របពីសំណាក់អាជ្ញាធរ រហូតធ្វើឲ្យអង្គការការពារសិទ្ធិមនុស្សរិះគន់រដ្ឋាភិបាលថៃពីរឿង បិទសិទ្ធិសេរីភាពប្រជាជន។ ការរិះគន់ និងការចេះតែចាប់ ចោទប្រកាន់ និងការបិទសេរីភាពច្រើនជ្រុល លើប្រព័ន្ធអ៊ីនធ័រណេត បានធ្វើឲ្យប្រជាជនចាប់ផ្តើមសង្ស័យ លើការអនុវត្តន៍ច្បាប់ប្រឆាំងការជេរប្រមាថព្រះមហាក្សត្រ។ ថ្មីៗ ក្នុងកិច្ចពិភាក្សា ឬសន្និសីទ ក្រុមបញ្ញវន្តថៃហ៊ានចោទជាសំណួរពីគោលដៅច្បាប់ ចំណែកក្រុមអង្គការការពារសិទ្ធិមនុស្សបានទាមទារឲ្យប្រទេសថៃកែប្រែ បន្ធូរច្បាប់ឡើងវិញ៕ ប្រជាជនថៃជាងមួយរយនាក់ធ្វើបាតុកម្មការពារតាអំពុងដែល តុលាការចោទប្រកាន់ពីបទជេរប្រមាថព្រះមហាក្សត្រ ©Reuters សេចក្តីរាយការណ៍របស់ឈាង បុប្ផា <http://www.khmer.rfi.fr/desk-bopha-bon-thailande-10-12-11> [1] ប៉ូលិសកោះហៅសាស្រ្តាចារ្យសកលវិទ្យាល័យ ក្រោមបទចោទប្រកាន់ជេរប្រមាថ ព្រះមហាក្សត្រ<http://www.khmer.rfi.fr/Thai%20historian%20to%20be%20charge%20for%20monarchy%20comments> [2] ប្រមុខយោធាថៃប្តឹងមេដឹកនាំក្រុមអាវក្រហមពីបទជេរប្រមាថ ព្រះមហាក្សត្រ<http://www.khmer.rfi.fr/Thai%20army%20chief%20issues%20royal%20debate%20warning> [3] មេដឹកនាំក្រុមអាវក្រហមពីរនាក់ទៀតចូលគុកដោយរឿងជេរប្រមាថ ព្រះរាជវង្សថៃ<http://www.khmer.rfi.fr/Thai%20red%20shirt%20return%20to%20jail> [4] រដ្ឋមន្ត្រីក្រសួងការបរទេសជាប់ចោទពីបទប្រមាថ ព្រះចេស្តា<http://www.khmer.rfi.fr/asia/20100619-%E1%9E%9A%E1%9E%8A%E1%9F%92%E1%9E%8B%E1%9E%98%E1%9E%93%E1%9F%92%E1%9E%8F%E1%9F%92%E1%9E%9A%E1%9E%B8%E2%80%8B%E1%9E%80%E1%9F%92%E1%9E%9A%E1%9E%9F%E1%9E%BD%E1%9E%84%E2%80%8B%E1%9E%80%E1%9E%B6%E1%9E%9A%E1%9E%94%E1%9E%9A%E1%9E%91%E1%9F%81%E1%9E%9F%E2%80%8B%E1%9E%87%E1%9E%B6%E1%9E%94%E1%9F%8B%E2%80%8B%E1%9E%85%E1%9F%84%E1%9E%91%E2%80%8B%E1%9E%96%E1%9E%B8%E2%80%8B%E1%9E%94%E1%9E%91%E2%80%8B%E1%9E%94%E1%9F%92%E1%9E%9A%E1%9E%98%E1%9E%B6%E1%9E%90%E2%80%8B%E1%9E%96%E1%9F%92%E1%9E%9A%E1%9F%87%E1%9E%85%E1%9F%81%E1%9E%9F%E1%9F%92%E1%9E%8F%E1%9E%B6> [5] ------------------------------ *អាសយដ្ឋាន URL:* http://www.khmer.rfi.fr/thais_people_protest_after_court_condamn_61_old_man_for_lese_majeste *Links:* [1] http://www.khmer.rfi.fr/desk-bopha-bon-thailande-10-12-11 [2] http://www.khmer.rfi.fr/Thai historian to be charge for monarchy comments [3] http://www.khmer.rfi.fr/Thai army chief issues royal debate warning [4] http://www.khmer.rfi.fr/Thai red shirt return to jail [5] http://www.khmer.rfi.fr/asia/20100619- រដ្ឋមន្ត្រីក្រសួងការបរទេសជាប់ចោទពីបទប្រមាថព្រះចេស្តា <http://www.khmer.rfi.fr/print/69368#> <http://www.khmer.rfi.fr/print/69368#><http://www.khmer.rfi.fr/print/69368#><http://www.khmer.rfi.fr/print/69368#> <http://www.khmer.rfi.fr/print/69368#><http://www.khmer.rfi.fr/print/69368#> <http://www.khmer.rfi.fr/print/69368#><http://www.khmer.rfi.fr/print/69368#> -- ***** * You received this message because you have subscribed to the Cambodian Academic Network Mailing List http://groups.google.com/group/cancambodia * Blog: http://cancambodia.info/ * You're also cordially invited to visit and contribute to www.cambosastra.org -- You received this message because you are subscribed to the Google Groups "Cambodia Discussion (CAMDISC) - www.cambodia.org" group. This is an unmoderated forum. Please refrain from using foul language. Thank you for your understanding. Peace among us and in Cambodia. To post to this group, send email to [email protected] To unsubscribe from this group, send email to [email protected] For more options, visit this group at http://groups.google.com/group/camdisc Learn more - http://www.cambodia.org
