*ប្រធានគ.ជ.បចាស់លោក អុឹម សួស្តី វាយបកអ្នករិះគន់មុនផ្ទេរតំណែងផ្លូវការ*
*http://vodhotnews.com/28826 <http://vodhotnews.com/28826>* [*សូម្បីកូនលោក អ៊ឹម សួស្តី ក៏ប្រាប់គេថា គ.ជ.ប. ជាចោរលួចបន្លំសន្លឹកឆ្នោតដែរ*: *https://www.youtube.com/watch?v=Ysgz8E-ARsY <https://www.youtube.com/watch?v=Ysgz8E-ARsY>*] ដោយ៖ ញឹម សុខន | ថ្ងៃចន្ទ ទី13 មេសា 2015, 11:43 AM, (2) <http://vodhotnews.com/28826#comment> ស្តាប់សំឡេង៖ ចម្លងទុក <http://vodhotnews.com/media/sounds/150413-vod-khorn-social-nec-power-transfer-shall-its-members-on-monday-01-2015-04-13.mp3> <http://vodhotnews.com/media/pictures/emsoursdey_150413-2015-04-13.jpg> លោក អុឹម សួស្តី ថ្លែងក្នុងពិធីផ្ទេរតំណែងប្រធាន គ.ជ.ប កាលពីព្រឹកមិញ (រូបថត៖ ទេព សូនី) អតីតប្រធានគណៈកម្មាធិការជាតិរៀបចំការបោះឆ្នោត(គ.ជ.ប) ឆ្លៀតវាយបកអ្នករិះគន់ ដែលចោទថាស្ថាប័នជាតិមួយនេះ កន្លងទៅបានបំពេញការងាររបស់ខ្លួនមិនឯករាជ្យ មុនប្រគល់តំណែងផ្លូវការទៅឲ្យប្រធានថ្មីគ្រប់គ្រងជំនួសវិញនៅថ្ងៃ ចន្ទនេះ ។ ពីធីផ្ទេរតំណែងនេះ ធ្វើឡើងនៅទីស្នាក់ការកណ្តាលរបស់ គ.ជ.ប ក្នុងក្រសួងមហាផ្ទៃ នាព្រឹកថ្ងៃទី១៣ ខែមេសា ឆ្នាំ២០១៥នេះ ដែលមានតំណាងព្រះមហាក្សត្រ លោក គង់ សំអុល សម្តេចព្រះសង្ឃរាជទាំងពីរគណៈ រួមទាំងមន្ត្រីរដ្ឋាភិបាលសំខាន់ៗមួយចំនួនទៀត បានចូលរួមក្នុងពិធីនេះ ។ អតីតប្រធាន គ.ជ.ប លោក អុឹម សួស្តី ថ្លែងថា រយៈពេល១៧ឆ្នាំមកនេះ គ.ជ.ប បានប្រឹងប្រែងបំពេញការងារ បានជោគជ័យលើដំណើរការបោះឆ្នោត១២លើក ទាំងការបោះឆ្នោតថ្នាក់ជាតិ និងថ្នាក់ក្រោមជាតិ ដែលលោកអះអាងថា មានប្រទេសមួយចំនួនលើពិភពលោកទទួលស្គាល់ស្នាដៃនេះ ។ ប៉ុន្តែលោកបង្ហាញការខកចិត្តថា សមិទ្ធផលដ៏គាប់ប្រសើរនេះ ត្រូវបានមជ្ឈដ្ឋានមួយចំនួនរិះគន់ថាមិនគាប់ប្រសើរ ដំណើរការទៅក្នុងរូបភាពលម្អៀង ។ លោកថ្លែងថា *«ពីការបោះឆ្នោតមួយ ទៅការបោះឆ្នោតមួយ ស្ថាប័នមួយនេះ នៅតែទទួលរងការចោទប្រកាន់ថា មិនឯករាជ្យ មិនតម្លាភាពនៅក្នុងការអនុវត្តនៅក្នុងការងាររបស់ខ្លួន បើទោះបីជារាល់ការធ្វើវិសោធនកម្មច្បាប់ស្តីពីការបោះឆ្នោត និងច្បាប់ពាក់ព័ន្ធក៏ដូចជាការផ្លាស់ប្តូរ ឬការកែសម្រួលសមាសភាពសមាជិកគណៈកម្មាធិការ សុទ្ធតែត្រូវបានការផ្តល់សេចក្តីទុកចិត្តពីរដ្ឋសភា ដោយសំឡេងភាគច្រើនដាច់ខាតយ៉ាងណាក៏ដោយ ។ ខ្ញុំសូមជូនពរចំពោះឯកឧត្តម លោកជំទាវ សមាជិក សមាជិការនៃគណៈកម្មការជាតិរៀបចំការបោះឆ្នោតថ្មី ដែលនឹងត្រូវទទួលបន្តអនុវត្តនូវតួនាទី និងភារកិច្ចដ៏ធ្ងន់ធ្ងរមួយនេះ សម្រេចជោគជ័យក្នុងអាណត្តិរបស់ខ្លួន» *។ បើទោះបីលោក អ៊ឹម សួស្តី មិនបានអះអាងថា តាមរយៈនៃការរិះគន់នេះ ជាចលករជំរុញឲ្យលោកបាត់បង់តំណែង ឬក៏យ៉ាងណាទេ ។ ប៉ុន្តែលោកថា លើពិភពលោកនេះគ្មានប្រទេសណារៀបចំការបោះឆ្នោតមួយដំណើរការទៅ ល្អឥតខ្ចោះ ។ សមាជិក គ.ជ.ប ថ្មីដែលចូលកាន់តំណែងនៅថ្ងៃចន្ទនេះ មាន៩រូបមានលោក ស៊ិក ប៊ុនហុក មកពីគណបក្សប្រជាជនកម្ពុជាជាប្រធាន លោក គួយ ប៊ុនរឿន មកពីគណបក្សសង្គ្រោះជាតិជាអនុប្រធាន និងសមាជិក៧រូបទៀត មាន លោក មាន សាទិ លោក ឌុច សុន លោក ឯម សូផាត លោក រ៉ុង ឈុន លោក ហ៊ីង ធីឫទ្ធិ លោកស្រី តែ ម៉ានីរ៉ុង និងលោក ហង្ស ពុទ្ធា ។ លោក ស៊ិក ប៊ុនហុក ថ្លែងក្នុពិធីទទួលដំណែងជាប្រធាន គ.ជ.ប ថាលទ្ធផលបោះឆ្នោតកន្លងទៅ ពិតជាអាចទទួលយកបាន ដោយគ្មានភាពលម្អៀង ។ ប៉ុន្តែលោកថា ទៅថ្ងៃអនាគត គ.ជ.ប ថ្មីនេះ នឹងប្រឹងប្រែងបន្ថែមទៀត ដើម្បីឲ្យដំណើរការបោះឆ្នោតកាន់តែល្អជាងនេះ ។ លោកថ្លែងថា *«យើង ខ្ញុំសូមប្តេជ្ញាខិតខំ ប្រឹងប្រែងយកអស់កម្លាំងកាយចិត្ត អនុវត្តនូវតួនាទី ភារកិច្ច ប្រកបដោយឯករាជ្យ អព្យាក្រឹត សុចរិតភាព តម្លាភាព សំដៅធានាឲ្យការបោះឆ្នោត បានប្រព្រឹត្តទៅដោយសេរី ត្រឹមត្រូវ និងយុត្តិធម៌»* ។ មន្ត្រីសង្គមស៊ីវិលមួយរូប ដែលគណបក្សប្រជាជនកម្ពុជា និងគណបក្សសង្គ្រោះជាតិគាំទ្ររួមគ្នា ដែលអ្នក នយោបាយគិតថា ជាបុគ្គលឯករាជ្យ គឺលោក ហង្ស ពុទ្ធា អះអាងថា ច្បាប់បោះឆ្នោតថ្មីពិតជាមានចំណុចខ្លះស្ថិតក្នុងការព្រួយបារម្ភ ពីដំណើរទៅដោយឯករាជ្យពេញលេញសម្រាប់តំណែងថ្មីនេះ។ ប៉ុន្តែលោកថាជម្រើសដែលគេចផុតពីការខ្វែងគំនិតគ្នាលើដំណើការបោះឆ្នោត ក្រុមការងារត្រូវប្តេជ្ញាចិត្តខ្ពស់ក្នុងការពារផលប្រយោជន៍ជាតិ ។ លោកថា *«គំនិតថ្មីមួយដែលគួរតែឥស្សរជន អ្នកនយោបាយ ពិសេសអ្នកទទួលខុសត្រូវលើស្ថាប័នផ្សេងៗដូចជា ស្ថាប័ន គជប ហ្នឹងឯងត្រូវតែបង្រួបបង្រួមទស្សនៈ និងគោរពច្បាប់ឲ្យបានជាអតិបរមា នោះបានធានានិរន្តរភាព និងវិបុលសុខជូនប្រជាពលរដ្ឋ ជនរួមជាតិទាំងអស់» *។ ក្រោយពីការបោះឆ្នោតថ្នាក់ជាតិអាណត្តិទី៥នេះ គណបក្សសង្គ្រោះជាតិធ្លាប់ចោទគ.ជ.ប ចាស់ ដែលដឹកនាំដោយលោក អុឹម សួស្តី ថាជាឧបការណ៍លួចបន្លំសន្លឹកឆ្នោតឲ្យបក្សកាន់អំណាច។ គណបក្សសង្រ្គោះជាតិបានដឹកនាំធ្វើបាតុកម្មទាមទារឲ្យដូរ ក្បាលម៉ាស៊ីន គ.ជ.ប នេះ ៕ *សូមសរសេរមកលោក ញឹម សុខន តាមរយៈ [email protected] <[email protected]>* -- Best Regards, *Khmer Forum* *A place for sharing community events and public news.* -- -- You received this message because you are subscribed to the Google Groups "Cambodia Discussion (CAMDISC) - www.cambodia.org" group. This is an unmoderated forum. Please refrain from using foul language. Thank you for your understanding. Peace among us and in Cambodia. To post to this group, send email to [email protected] To unsubscribe from this group, send email to [email protected] For more options, visit this group at http://groups.google.com/group/camdisc Learn more - http://www.cambodia.org --- You received this message because you are subscribed to the Google Groups "Cambodia Discussion (CAMDISC) - www.cambodia.org" group. To unsubscribe from this group and stop receiving emails from it, send an email to [email protected]. For more options, visit https://groups.google.com/d/optout.
