*ហោ ណាំហុង [ហៅ **សមមិត្តយ៉ែម] **រដ្ឋមន្ត្រីក្រសួងការបរទេស និងសហប្រតិបត្តិការអន្តរជាតិ បានអះអាងថា មេធាវីរបស់លោកនឹងធ្វើការជាមួយតុលាការ អំពីផែនការប្ដឹងមនុស្សជំនិតរបស់ លោក សម រង្ស៊ី ម្នាក់ទៀត កំពុងរស់នៅសហរដ្ឋអាមេរិក ដែលបានបរិហារកេរ្តិ៍លោកតាមបណ្ដាញសង្គមហ្វេសប៊ុក។ **ហេហេលោក តាហេងស៊យឬអ្នកណាផ្សេងសមមិត្តយ៉ែម**?* *លោក ហោ ណាំហុង ព្រមានប្ដឹងមនុស្សជំនិតរបស់លោក សម រង្ស៊ី ពីបទបរិហារកេរ្តិ៍* *ដោយ ខែ សុណង* *2015-12-07RFA* [image: ហោ ណាំហុង ៦២០] ឧបនាយករដ្ឋមន្ត្រី រដ្ឋមន្ត្រីក្រសួងការបរទេស លោក ហោ ណាំហុង ថ្លែងក្នុងពិធីរដ្ឋាភិបាលកម្ពុជា ប្រគល់ផែនទី យូ.ធី.អិម (UTM) ១៨ផ្ទាំង ទៅអង្គការសហប្រជាជាតិ នាវិមានសន្តិភាព នៅថ្ងៃទី២៦ ខែសីហា ឆ្នាំ២០១៥។ RFA/Brach Chev ឧបនាយករដ្ឋមន្ត្រីរដ្ឋមន្ត្រីក្រសួងការបរទេស និងសហប្រតិបត្តិការអន្តរជាតិ លោក *ហោ ណាំហុង បានព្រមានប្ដឹងមនុស្សជំនិតរបស់ លោក សម រង្ស៊ី ម្នាក់ដែលបានបរិហារកេរ្តិ៍លោកតាមបណ្ដាញសង្គមហ្វេសប៊ុក (**Facebook) ប៉ុន្តែលោកមិនបានបញ្ជាក់ថា មនុស្សជំនិតនោះជានរណាច្បាស់លាស់នោះទេ។* លោក *ហោ ណាំហុង រដ្ឋមន្ត្រីក្រសួងការបរទេស និងសហប្រតិបត្តិការអន្តរជាតិ បានអះអាងថា មេធាវីរបស់លោកនឹងធ្វើការជាមួយតុលាការ អំពីផែនការប្ដឹងមនុស្សជំនិតរបស់ លោក សម រង្ស៊ី ម្នាក់ទៀត កំពុងរស់នៅសហរដ្ឋអាមេរិក ដែលបានបរិហារកេរ្តិ៍លោកតាមបណ្ដាញសង្គមហ្វេសប៊ុក។* លោក ហោ ណាំហុង មានប្រសាសន៍ថា លោកនឹងមិនលូកដៃអ្វីទាំងអស់ ទុកឲ្យមេធាវីរបស់លោកធ្វើការជាមួយតុលាការ ដើម្បីចាត់ការករណីនេះ។ លោក ហោ ណាំហុង ថ្លែងប្រាប់អ្នកសារព័ត៌មានបែបនេះ បន្ទាប់ពីលោកបានជួបឯកអគ្គរដ្ឋទូតវិសាមញ្ញ និងពេញសមត្ថភាពរបស់សហរដ្ឋអាមេរិក ប្រចាំព្រះរាជាណាចក្រកម្ពុជា លោក វីលៀម ហេដថ៍ (William A. Heidt) នៅថ្ងៃច័ន្ទ ទី៧ ធ្នូ នៅទីស្ដីការក្រសួងការបរទេស៖ *«អ្នកជិតស្និទ្ធឯកឧត្ដម សម រង្ស៊ី នៅសហរដ្ឋអាមេរិក ខ្ញុំមិនចេញឈ្មោះចេញនៅឯណាទេ បានវាយប្រហារខ្ញុំតាមប្រព័ន្ធឃោសនាសង្គមហ្វេសប៊ុកយ៉ាងឃោរឃៅបំផុត ដែលខ្ញុំនឹកស្មានមិនដល់»*។ កាលពីថ្ងៃ១៣ ខែវិច្ឆិកា ឆ្នាំ២០១៥ សាលាដំបូងរាជធានីភ្នំពេញ បានចេញដីកាឲ្យចាប់ខ្លួន លោក សម រង្ស៊ី ដោយអនុវត្តទៅតាមសាលក្រម និងសាលដីការបស់តុលាការ ពាក់ព័ន្ធបទបរិហារកេរ្តិ៍សាធារណៈ និងញុះញង់ឲ្យមានការរើសអើង លើលោកឧបនាយករដ្ឋមន្ត្រី ហោ ណាំហុង ដែលបានធ្វើឡើងនៅសារមន្ទីរជើងឯក សង្កាត់ដង្កោ ខណ្ឌដង្កោ រាជធានីភ្នំពេញ កាលពីថ្ងៃទី១៧ ខែមេសា ឆ្នាំ២០០៨។ លោក ហោ ណាំហុង បានប្ដឹង លោក សម រង្ស៊ី ទាក់ទិននឹងសម្ដីចោទប្រកាន់ថា លោកជាប្រធានជំរំបឹងត្របែក និងបានចូលរួមធ្វើបាបប្រជាពលរដ្ឋខ្មែរនៅក្នុងរបបខ្មែរក្រហម។ លោកបានហៅការចោទប្រកាន់របស់ លោក សម រង្ស៊ី នេះ ថាធ្វើឲ្យរូបលោកឈឺចាប់ ត្បិតបងប្អូន និងសាច់ញាតិរបស់លោកជាង ៣០នាក់ ក៏ត្រូវខ្មែរក្រហមសម្លាប់ដែរនោះ។ ក្រៅអំពីការលើកឡើងរបស់ លោក ហោ ណាំហុង ពីគម្រោងប្ដឹងអ្នកស្និទ្ធនឹង លោក សម រង្ស៊ី នេះ លោកក៏បានរិះគន់ លោក សម រង្ស៊ី ផ្ទាល់ថាជាអ្នកនយោបាយគ្មានសីលធម៌ និងប្រើសម្ដីមិនថ្លៃថ្នូរ។ ការហៅដូចនេះ ឆ្លើយតបទៅនឹងសម្ដីរបស់ លោក សម រង្ស៊ី ដែលបានចោទប្រកាន់រូបលោកថា ជាមេគុកបឹងត្របែក ធ្វើបាប និងចូលរួមសម្លាប់ពលរដ្ឋខ្មែរក្នុងរបបខ្មែរក្រហម ហើយ លោក សម រង្ស៊ី ទាមទារឲ្យ លោក ហោ ណាំហុង សុំទោសក្រុមគ្រួសារពលរដ្ឋខ្មែរដែលស្លាប់ក្នុងរបបខ្មែរក្រហម។ លោក ហោ ណាំហុង បានហៅសម្ដីរបស់ លោក សម រង្ស៊ី ថាជាពាក្យសម្ដីព្រហើនកោងកាច និងបង្ខំឲ្យរូបលោក សុំសាលាឧទ្ធរណ៍អនុវត្តដីកាលើករណី លោក សម រង្ស៊ី នេះ។ លោកឧបនាយករដ្ឋមន្ត្រី បានវាយតម្លៃថា មេដឹកនាំគណបក្សសង្គ្រោះជាតិ មិនបានគោរពគោលការណ៍ ៧ចំណុចក្នុងកិច្ចព្រមព្រៀងដំណោះស្រាយនយោបាយ កាលពីថ្ងៃទី២២ ខែកក្កដា ឆ្នាំ២០១៤ កន្លងមកនោះទេ។ ឆ្លើយតបបញ្ហានេះ អ្នកនាំពាក្យគណបក្សសង្គ្រោះជាតិ លោក យឹម សុវណ្ណ បានបដិសេធមិនឆ្លើយតបជាមួយ លោក ហោ ណាំហុង នោះទេ។ តែ លោក យឹម សុវណ្ណ មានប្រសាសន៍ថា បញ្ហាចំពោះមុខ និងអំពើអយុត្តិធម៌ជាច្រើនដែលបានកើតមានមកលើអ្នកតំណាងរាស្ត្រគណបក្សសង្គ្រោះជាតិ រួមមានការចាប់ខ្លួនសកម្មជនគណបក្ស អំពើហិង្សាលើអ្នកតំណាងរាស្ត្រទាំងពីរ ការដកតំណែង លោក កឹម សុខា ពីអនុប្រធានទី១ នៃរដ្ឋសភា ការដកអភ័យឯកសិទ្ធិអ្នកតំណាងរាស្ត្រ គឺលោក សម រង្ស៊ី ជាដើម មិនត្រូវបានដោះស្រាយ បែរជាមកចោទប្រកាន់គណបក្សសង្គ្រោះជាតិ ថារំលោភកិច្ចព្រមព្រៀងដំណោះស្រាយនយោបាយកាលពីថ្ងៃទី២២ ខែកក្កដា ឆ្នាំ២០១៤ ទៅវិញ៖ *«យើងពិបាកនិយាយណាស់តុលាការនៅស្រុកខ្មែរ ចង់រកខុសត្រូវថានរណាខុសនរណាត្រូវ? គណបក្សកាន់អំណាចត្រូវទាំងអស់។ បើយើងមើលការវិនិច្ឆ័យរបស់ប្រជាពលរដ្ឋនៅប្រទេសសហគមន៍អឺរ៉ុប ២៨ប្រទេសដែលតំណាងរាស្ត្ររបស់គេតំណាងប្រជាពលរដ្ឋជាង ៥០០លាននាក់ គេបានគាំទ្រញត្តិមួយថា អ្វីដែលប្រធាន សម រង្ស៊ី បានធ្វើសកម្មជនគណបក្សសង្គ្រោះជាតិ បាននិងកំពុងធ្វើដើម្បីផលប្រយោជន៍ជាតិ អត់មានការរំលោភកិច្ចព្រមព្រៀងដែលបានចុះជាមួយគណបក្សប្រជាជនទេ»*។ យ៉ាងនេះក្ដី ក្នុងជំនួបដែល លោក វីលៀម ហេដថ៍ (William A. Heidt) សម្ដែងការគួរសមជាមួយ លោក ហោ ណាំហុង ក្នុងឱកាសចូលកាន់មុខតំណែងជាផ្លូវការ ជាឯកអគ្គរដ្ឋទូតវិសាមញ្ញប្រចាំកម្ពុជា នោះ លោក ហោ ណាំហុង បានអះអាងថា លោកក៏បានលើកឡើងអំពីបញ្ហាដែលកើតមានលើតំណាងរាស្ត្របក្សប្រឆាំង ហើយបានសន្យាថា នឹងការពារមិនឲ្យកើតមានអំពើហិង្សាមកលើតំណាងរាស្ត្រ និងប្រជាពលរដ្ឋតទៀតឡើយ៕
-- Best Regards, *Khmer Forum* *A place for sharing community events and public news.* -- -- You received this message because you are subscribed to the Google Groups "Cambodia Discussion (CAMDISC) - www.cambodia.org" group. This is an unmoderated forum. Please refrain from using foul language. Thank you for your understanding. Peace among us and in Cambodia. To post to this group, send email to [email protected] To unsubscribe from this group, send email to [email protected] For more options, visit this group at http://groups.google.com/group/camdisc Learn more - http://www.cambodia.org --- You received this message because you are subscribed to the Google Groups "Cambodia Discussion (CAMDISC) - www.cambodia.org" group. To unsubscribe from this group and stop receiving emails from it, send an email to [email protected]. For more options, visit https://groups.google.com/d/optout.
