Por se alguén interesado non está ao tanto. http://gl.libreoffice.org/descarga/
Ao desaparecer o dominio que viña usando para o mantemento informativo no blog (http://blog.openoffice.gl/) que abandono despois de 5 anos porque considero que xa non é a forma apropiada, comunicarei as novidades do proxecto de tradución pola lista principalmente. A ver a que prezos saen os novos dominios .gal a ver se nos compensa. A nova versión supuxo unhas 7000 palabras de tradución da interface e ofrécese como sempre traducida ao 100%. Non notaredes apenas cambios agás algunha mellora de redución de largura dos menús. Nesta ocasión hai que agradecer o tempo que a OSL das universidades me permitiu dedicarlle para tela traducida a tempo. Por estas razóns a nota de prensa oficial da saída da nova versión se publica no blog da OSL http://osl.cixug.es/libreoffice-4-3-hoxe-por-hoxe-non-obtera-mellor-suite-ofimatica/ Tamén hai que agradecerlle a Xosé a tradución da páxina do wiki con todos os detalles das novidades https://wiki.documentfoundation.org/ReleaseNotes/4.3/gl (@Xose: se podes mira a ver de actualizala á versión final) A vindeira versión interesante será a 4.3.1 (a que se recomenda para todo tipo de instalacións e usuarios) será na segunda quincena de agosto e igual non estou pendente por descanso. Segue pendente unha revisión e harmonización en profundidade da nomenclatura das funcións estatísticas e matemáticas e por suposto segue aí a inxente tradución da Axuda. Con todo foise avanzando neste tema, mentres non se faga de modo sistemático iremos arranxando directamente os problemas que os usuarios indiquen. Sen máis novidades desde a coordinación Un saúdo e feliz verán -- Antón Méixome - Galician Native Lang Coordination Galician community LibO & AOO -- Correo a discuss+unsubscr...@gl.libreoffice.org para saber como desubscribirse O arquivo está dispoñible en http://listarchives.libreoffice.org/gl/discuss/ As mensaxes enviadas a esta lista terán arquivo público, non se poderán borrar