Sporkurd dest bi weşana xwe dike Malpera sporê Sporkurd dest bi weşana xwe dike. Malper xurî bi kurdî/kurmanci ye û ê him ji parçeyên Kurdistanê him ji cîhanê rûdanên sporê ragihîne xwendevanên xwe. Malperek din tevî kerwanê çapemeniya kurdî dibe. www.sporkurd.com yekem malpera sporê ya bi kurmanciya latînî ye û roja Duşemê dest bi weşana xwe dike. Daxuyaniya destpêkê ya malperê weha ye; Spor bi gelek beşên xwe parçeyek ji jiyana me ye. Her beşek di nava civakên cuda de qedrên cuda dibîne. Li cîhanê welatek, miletek ku karibe sporê di ser gohê xwe re bavêje nîne, millet û welatê karibe vê yekê bike jî nikare cîhê xwe di nava milletên hevdem de bigre. Heger weha be, pêwist e bi sazî û dezgehên xwe, bi sporzilam û tîmên xwe, bi tesîs û alavên xwe lê bêguman bi medya xwe spora kurd jî hebe. Sporkurd ê di warê ragihandinê de hewl bide di bin vî barî de rabe. Em nizanin bê beriya Sporkurdê, organek ragihandinê ya xurî bo sporê û bi kurdî hebû ye yan na, lê em di wê bawerî û îdîayê de ne ku dê Sporkurd di vî warî de rolek taybet bilyize. Armanca me ya sereke li kîjan parçeyê Kurdsitanê dive bira bibe, ragihandina her agahiyek li spora kurd e. Mumkin e di destpêkê de ji ber şert û mercan nûçe û şîroveyên ji Bakur di giraniyê de bin, lê ew ê neyê wê manê ku em qedir nadin rûdanên sporê yê parçeyên dinê. Bo vê yekê jî me hewcedarî bi her alîkariyekê heye. Li gel nûçeyên ji welatê me, dê xwendevan karibe nûçeyên sporê ji seranserê cîhanê jî di Sporkurdê de bibîne. Pêwist e em destnîşan bikin ku ê fûtbol di malpera me de di giraniyê de be, lê em ê beşên din yên sporê jî jibîr mekin. Dîsa ê niviskarên me bi gotarên xwe car caran sporê şîrove bikin, car carna maçan analîz bikin. Heryekê di redaksiyonê de cîh digre û keda wî di Sporkurdê de derbas dibe, xwedîmafê wekhev e. Wekî din jî niviskarên ne di redaksiyonê de ne berpirsên gotarên xwe ne. Heger ji me neyê xwestin em ê tu gotaran redakte nekin. Mumkin e ku ji aliyê wext carna redaktekirina gotarekê nemumkin be. Herweha mumkin e ku gotarek ji aliyê redaksiyonê hejayî weşandinê neyê dîtin. Em dizanin ku ê kêmasî û şaşiyê me ji aliyê ziman de hebin. Pir mixabin hê di gelek beşên jiyanê de zimanek me yê standrt nîne, di sporê de belkî hîç nîne. Me pêdivî bi Her biraderê di rastbikaranîna termên sporê karibe bibe alîkar, heye. Sporkurd ê bibe platforma hezkiriyên spor û fûtbolê, Sporkurd ê hewl bide ku li stadyûm û meydanên me yên sporê kurdî bibe zimanê sereke. Gelî sporhizno; Sporkurd ya we ye, dengê we, mala we ye, hun dikarin bi rexne û pêşniyariyên xwe li gel me me bin, hun dikarin bi şîrove, nûçe û gotarên xwe yek ji me bin. Sporkurd ya her kurdek sporhiz e. Me niha bo destpêkê û ji biraderên xwe dane ber vî karî redaksiyonek çêkir. Birêvebirî û redaksiyona berfireh ê li gora kar-bar û erkên me piştî demekê ji nû ve bê destnîşankirin, yanî herkesê amade ye di bin barê Sporkurdê de rabe, dikare bibe xwedî maf û bepirsiyarî jî. Bi hêvî û daxwaza em demek xweş û dirêj bi hev re derbas bikin. Spor jiyan e, jiyan bi kurdî xweş e! Redaksiyona Sporkurdê www.sporkurd.com Windows Live tüm arkadaşlarınızla tek bir yerden iletişim kurmanıza yardımcı olur. _________________________________________________________________ Windows Live tüm arkadaşlarınızla tek bir yerden iletişim kurmanıza yardımcı olur. http://www.microsoft.com/turkiye/windows/windowslive/products/social-network-connector.aspx --~--~---------~--~----~------------~-------~--~----~ - Diwanxane, platformek azad u serbixwe; koma hemi Kurda ye. Diwanxane grubeke ideolojik nine. Li ve dere demokrasi serdest e; hemu Kurd dikarin bir u ramanen xwe bi serbesti binin ziman. Lebele di nava me de heqaret u rexneyen reshkirine qedexe ne. Ji kerema xwe, hevalen ku Kurdi dinivisin, dixwinin an ji teze hin dibin; ki dibin bila bibin, deweti Diwanxane bikin. - Diwanxane; en genis katilimli, ozgur Kurd mail grubu. Her yazinin hukuki sorumlulugu yazarina aittir. Kurd milliyetciligi esas alinir. Her inanisa, her millete saygili olan bu BAGIMSIZ grupta ideolojik kaba propagandalara sicak bakilmaz. Imlasi, anlatimi savruk; saldirganlik ya da siddet iceren gereksiz mailler onaylanmaz. Kurtce mesajlara oncelik taninir. MODERATORLER: Serger Barî, Xanim Rojda, Mihemed Rojbin ANA SAYFAMIZ: http://groups.google.com.tr/group/diwanxane -~----------~----~----~----~------~----~------~--~---
<<attachment: sporkurd.JPG>>
