Ji hevala Rojda re û ji hemî Kurdên Tarafhez re
Beriya dest bi nivîsa xwe bikim, pêşniyariya xwendina Nivîsa Birêz Necîp
Bingol dikim; jiber ku kêmasiyên min ew î temam kiriye.
Bi ya min desthilatdariya Tirk ev çend sal e bi awakî qethî bûye du şax:
Alîki di riya Kemalîzmê de dimeşe. Hêza xwe ji karsazên di pêvajoya Komara Tirk
de ( ev mijarek pir dûvdirêj e. Bi riya bi dehan lêkolînan em baş dizanin ku
hebûna gelên nemisilman ên Anatolî û Kurdistanê bi destê vê çînê ve hatiye
talankirin. Lê di dewlemendiyên wan de para talankeriya Kurd û Kurdistanê
çiqas e kes bi awakî qethî pê nizane; ji ber ku heta niha ti lîkolînek zanistî
nehatiye kirin)
Di qada çapemeniyê de mirov dikare berdevkên eniya Kemalîst ji koma Aydin
Doğan bigire heta Gözcu û Cumhuriyet’ê rêz bike.
Her rojname û kanalek televîzyonê xwedî mîsyonek e…
Wek mînak: Hurriyet berdevkê riya navçêtiyê ye… Navend e. Rûsipiyên Kemalîzmê
di vir de, hûrik hûrik nermik nermik bîr û baweriyên xwe radigihînin gel.
Girseya ku Hurriyet ji xwe re wek hedef hilbijartiye; ji “çîna navendî”,
karbidestên dewletê , ji gelê kêmpolîtik pêktê…
Cumhuriyet; mîlîtanên kemalîzmê di nav lepê xwe de digire û bo Kemalîzmê wek
qiblegehek pîroz e. Ew kadroyên Kemalîst diafirîne û peywira dibistanê daye ser
milan…
Sözcu, Gözcu, posta, Fanatîk, Fotomaç Hwd. girseya gel a herî nepolîtîk û
lûmpen dane ber xwe û wan bi argûmentên herî derî exlaq jahrî dike û ji wan
faşîstên tûj ên totikvala diafirîne.
Radikal; Rûyê demokrat ê Kemalîzmê ye. Ew di quncikên xwe de cih dide
nivîskarên demokrat û carinan welatparêz… Lê rojeva ku bi manşet û bi
sernivîsan dide ber xwendekaran ji yên din ne cudatir e… Li ser mijarên girîng
ên têkildarî sîstema Kemalîst de di cih de vedigere tê ser şopa Cumhuriyet û
Hurriyetê…
Şaxê din ê sermayeyê “ sermayeya kesk e. Berê digotin pilingên Anatoliyê. Ew jî
xwedî çapemenî ne û bo xwe rêxistinkirinê sistema Aydın Doxan wek model dane
ber xwe.
Hurriyeta wan, Sabah e…
Milliyeta wan Zaman e…
Gözcuya wan Vakit e …
Radîkala wan jî taraf e…
Li reklamên wan binêrin, dê hûn ê navên heman şîrketan bibînin…
Bo bidestxistina desthilatdariyê her du alî bi hev re ketine ber qayişê…
Alîkî sûcên Artêşê, pûşên organên daraziyê, talankeriya sermayedarên Kemalîst,
nelirêtiyên komale û sazî û rêxistinên komarparêz vedişêre,
Aliyê din sûcên Emînîyet û polîsan, pûşên organên dewletê yên ketine nav dest û
lepên Fethula û zikmezinên din, talankeriya Pilingên Anatoliyê, nelirêtiyên
komale û sazî û rêxistinên neteweperest û olperest bincil dike vedişêre…
Ji bo têderxistina ji Tarafê divê em li ser reklamdayên wê û li ser çepera ku
ew diparêze hûr û kûr bibin.
Bala xwe bidin manşetên Taraf’ê ; hûn
“derheqê civat û terîqên ku oldar û olparêz dixwûyên lê dirastiyê hema
bigire bi tevahî di warê Kurdan de asîmîlasyonîst in de” ti rexne nabînin…
Bala xwe bidinê, Taraf nelêrêtî û pest û pêkûtiyên li ser kurdan, ên saziyên
dewletê yên di bin kontrola AKAP’ de( Polês, YOK, MİT, wezareta Perwerdehiyê
hwd.) qe nabîne, nayne ser eynê xwe…
Bala xwe bidinê, di Taraf’ê de, ti kes, ti car di warê “bi sedan dibistan û
yûrt û malên Fethullahhezkaran ên bi tevahî bo bişaftina ziman û Çanda Kurdî li
Kurdistan û li Tirkiyeyê dixebitin” de ti nûçe û agahî nabîne…
Hevalê Tarafhez, ez pir dirêj nakim.
Ez dixwazim gotinek feylezofek pêşkêşî hevalên xwe yên delalî bikim:
“Heger daxwaziya têgihîştina rastiyê bikî divê tu PERE( dirav) bişopînî…”
Li reklamdayên Tarafê binêrin; hûn kî û kê dibînin? Şîrketên Fethulla, BİM,
Şarederiya Mezin a Stenbol’ê û şîrketên din ên fînanskarên AKP…
Her serfiraz bin… Mamoste Marûf
--
- Diwanxane, platformek azad u serbixwe; koma hemi Kurdan e. Komeke ideolojik
nine. Li ve dere demokrasi serdest e; hemu Kurd dikarin bi rengeki azad bir u
ramanen xwe binin zimen. Lebele di nava me de heqaret u rexneyen reshkirine
qedexe ne. Ji kerema xwe re, hevalen ku Kurdi dinivisin, dixwinin an ji teze
hin dibin; ki dibin bila bibin, deweti Diwanxaneye bikin.
- Diwanxane; en buyuk Kurd mail grubu. Her yazinin hukuki sorumlulugu
yazarina aittir. Kurd kultur milliyetciligi esas alinir. Her inanisa, her
millete saygili olan bu BAGIMSIZ grupta kaba propagandalara sicak bakilmaz.
Imlasi, anlatimi savruk; saldirganlik ya da siddet iceren mailler onaylanmaz.
Kurd dillerindeki mesajlara oncelik taninir. MODERATORLER: Rojda Xanim, Serger
Barî, Mihemed Rojbin. ANA SAYFA: http://groups.google.com.tr/group/diwanxane
