Hêjeyan,
Min xwest vê nivîsê bi we re jî parve bikim. Bi hêviya ku ev bi dilê we jî be.
Silav û rêz
Bûbê ESer
Hakparê Erkê xwe anî cih, lê me…
Bûbê Eser
Berî ku dest bi nivîsa xwe bikim, ez ji bona di 4mîn kongre xwe de Ey Raqîb da
xwendinê HAPKARê pîroz dikim. Wan vê carê jî weke gelek caran li Tirkiyê yekek
din pêk anî û hin ji partiya serdest ya tirkan ji ber sirûda neteweyî ya kurdan
rakir ser nigan. Ma gelo ev ne casaret û erkekî mezin û girîng bû ku HAKPARê
pêk anî. Îcar baweriya min ew e ku vê carê wan erkên xwe yên welatparêzî weke
hate xwestin pêk anîn.
Gelo em kurd partiyeke çawa û hêzeke bi çi rengî ji xwe re dixwazin? Heger îro
daxwaza kurdan ji sedî nod federasyon be ew pêk hat. Partiyeke ku di qada
eşkere li Tirkiyê û li bakurê Kurdistanê ji bona kurdên bakur Federasyonê
bixwaze û dixwaze ma hîn em doza çê lê dikin? Partiyeke bikaribe li paytextê
Tirkan sirûda neteweyî ya kurdan bide xwendin û gelek karmendên dewletê jî di
navde hemû li ser lingan rawestîne heta ku ew bi dawî bû. Ma gelo ji vê xweştir
hîn wê çi bibe. Destpêka axaftina serokê partiyê bi kurdî bû. Ma gelo ev ne
mesejek bû, ji bona karbidestên Tirkan û cihanê?
Mirov dikare gelek tiştan li ser 4mîn kongre HAKPARê binivîsîne. Lê bawer bikin
vê carê di pratîka xwe de HAKPARê da îspatkirin ku ew ji bona mafê kurdan û ji
bona azadiya welatê xwe kar û xebatê dike. Hin dikarin bêjin ku ma berê jî
neweha bû? Belê ez dibêjim ji serî de weha bû. Lê heta ku mirovên me bi çavên
xwe tiştan nebînin bawer nakin. Li gor min niha aqilê kurdan di çavên wan de
ye. Loma jî tiştên bi çavan têne dîtin ji wê bawer dikin. Li gor min ev
xetereke. Ji ber ku car carna çav dikare şaş jî bibîne.
HAKPARê vê carê bê tirs ev erkê xwe ye neteweyî anî cih. Ji ber vê ye ku ew
gelek caran rastî êrîşan bûye û bawerim wê ji niha û pêde bêtir bibe. Lê xwezî
ew êrîşana tenê ji aliyê dewletê ve hatibana kirin. Ji ber ku gelek ji wan
êrîşana ji aliyê qaşo hin kurdên ji bona azadiya welêt(!) kar dikin, hatine
kirin.
Ez naxwazim zêde dirêj bikim û bi kurt û kurmancî dibêjim; HAKPARê erkê ji
dihat xwestin pêk anî. Niha dor dora me kesên em ji xwe re dibêjin;
welatparêzin, li dijî gotin û fikrên Îmraliyê ne. Gelo em ê jî ji niha û pêde
erkên ku ji me her kesekî/ê tê xwestinê pêk bînin ya na? Êdî gelek tişt zelal
bûne. Ya em ê li wir ya jî li vir bin. Li gor min tu altarnatifeke din tune ye
û nemaye.
Heger em berjewendiya welatê xwe dixwazin divê êdî bê tirs û bê berjewendiyên
şexsî divê her yek ji me helwesta xwe zelal bikin. Dem derbas dibe, rojev zû
têne guherandin û halê gelê me jî ne zêde zelal û xweş e. Rewşa me hemûyan jî
li ber çavan in ku bê em çawa ji hev bela welane. Bi vî halî em ê nikaribin tu
tiştekî ji bona azadiya gelê xwe bikin. Loma ji me re hêzek, dengekî cûda ku
tenê ji bona berjewendiya gelê xwe di nava kar û xebatê de ye lazim e. Li gor
min ev îro li gor şert û mercên heyî HAKPARe . Heger em jî îro vî erkê xwe bi
cih neynin wê sibê zehmet be ku em bikaribin pêşî li Kurdên Kemalîst ku li gor
berjewendiyên tirkan tevdigerin bigirin…
-- - Diwanxane, platformek azad u serbixwe; koma hemi Kurdan e. Komeke ideolojik nine. Li ve dere demokrasi serdest e; hemu Kurd dikarin bi rengeki azad bir u ramanen xwe binin zimen. Lebele di nava me de heqaret u rexneyen reshkirine qedexe ne. Ji kerema xwe re, hevalen ku Kurdi dinivisin, dixwinin an ji teze hin dibin; ki dibin bila bibin, deweti Diwanxaneye bikin. - Diwanxane; en buyuk Kurd mail grubu. Her yazinin hukuki sorumlulugu yazarina aittir. Kurd kultur milliyetciligi esas alinir. Her inanisa, her millete saygili olan bu BAGIMSIZ grupta kaba propagandalara sicak bakilmaz. Imlasi, anlatimi savruk; saldirganlik ya da siddet iceren mailler onaylanmaz. Kurd dillerindeki mesajlara oncelik taninir. MODERATORLER: Rojda Xanim, Serger Barî, Mihemed Rojbin. ANA SAYFA: http://groups.google.com.tr/group/diwanxane
Hakparê Erkê xwe anî cih.docx
Description: application/vnd.openxmlformats-officedocument.wordprocessingml.document
